Matìo 10:5 - To kə Kəzə̀ kə̀ Fughu ko

⁵ Yɛso n tùm sə ndùw ghî ghən èghəm à ghè ghò a bə̀ghà mò ù ŋ ghee kûɛɛn tsùghù enyəa, “E kwo ghùw wɛʼɛ lô ndûuw an də̀ŋò təla Toʼò è lo a te, kà nyə sùghò nlò an nàʼà tə̀là ghî a Sàmalìa à mughu a fughu,

Matìo 10:5 Iomraidhean Croise

Matìo 22:3

Ù n tum tsughu kɔ̀ɔ u wə̄n enyəa ghe ndûw tɔɔ̄ŋ kaāŋ wô ghì ghə̀là ù mò naʼā enyəa ghe bughò a fughu. Ghî a te ghə n ləghaa yo alebùghò a fughu.

Matìo 4:15

“Ghî a Zɛbūlùn ghò, ghî a Naftalì ghò; an dzì è dzùghùntsòʼ, a ŋgùŋùtsə kə Dzudà, Galèlîi naʼ zə Etòʼò;

Mâk 6:7

Yɛso n tɔŋɔ zùuŋ wò tsə̀təndə̄ghā tə wə̄n tən èghəm à ghè tò kə bə̀ghà a vʉ̀a wə̄n, zìi tsùghu ghee a lùʼù tuu səa wo, a bə̀ghà à bə̀ghà, fughuu tsughuu ghee â dwaʼa wəla u ghaʼā wo zʉ̀ ù biigh wo.

Lûk 10:1

A m bùghò ghəa ghən tsəghà tsughu, Yɛso n shìa kpèʼe sə̀ wò tsə̀təndə̄ghā ŋghəm sə̀ghàmbəgha à ghè tò tə bə̀ghà, tùm zìi ndùw ghee a bə̀ghà à bə̀ghà â sə ko an nàʼà mə̀n n dzə̀m an lùʼù tən tə̀ dzə̀m ù lo nduūw a fughu.

Lûk 10:33

Ghùw ù Sàmalìa ù lì m bwîin ndùw, bùghò kòʼ tsùghu tûwbʉ̀ghà vʉ̀ an lùʼu chì, kwuso èse,

Lûk 17:16

Ù m bɔ̄ɔm ndùw nyə̀ŋè pfʉ̌a ndùw ùsʉ̄ a tsəlà Yɛso, fughu zɔ̀ɔŋ kə wə̄n. Tûw wən fə̀ lo ghùw ù Sàmalìa.

Lûk 9:1

Yɛso n daŋso tɔŋɔ naŋa tsughu tum tə wə̄n tən èghəm à ghè tò tə bə̀ghà, fughu tsughu ghee a dzə̀m â dwaʼa wo aledzuū sə̄a zʉ̀ wò, baaŋ sùghò dzàŋà tə aghì.

Lûk 9:2

Ù n daŋso tùm sə̀ ndùw ghee enyəa ghe e naʼn nduw tùm è dzùŋ kùu ndùw Fɔ̂e u Kəzə̀, baaŋ ndùw sùghò tə̀dzàŋà.

Dzɔ̌n 17:18

Mùghò ŋ ghee am mbī tum nyə ndùw, tò aŋghəa ghù mò tum nyə wô sugho mugho am mbī.

Dzɔ̌n 20:21

Yɛso n dzɛ̀ kpèʼe ndùw â ghee enyəa, “Bughuun zə e lo ghɛ̀ à ghee. Ghəa bəghà mò tum wô mugho, à lò sugho eghala Ǹ tuū səaa ndûw ghɛ.”

Dzɔ̌n 4:20

Ghê bə̀ghàbəgha fə̌ Zə̀ kə̀ kɔʼso tsəgha fɛ aŋ ukwàʼ, ghɛ̀ Dzûu tia tə kuuwn so enyəa, luʼū kə̀ kɔʼso kə Kəzə̀ kə lo ko an Yɛ̀lusalɛ̀m.”

Dzɔ̌n 4:5

Ù fi bughò sə̀ wò nù aŋ kɔn wə enaʼ u li wo an Sàmalìa, ghe fə̀ tɔŋlo enyəa à lò Sikà, mo kɔn u te u kuʼù lǒ ghèe luʼū kəla Yàkɔ̂b fə̀ fughu â wɛ̀, tɔɔŋ Dzùghùsî.

Dzɔ̌n 4:9

Zən ù Sàmalìa ù te n dzɛ̀ â Yɛso enyəa, “Ghùw ù Dzùdîa tò ghû, lò ênzə̂n alenɔɔ wo mugho â mùghù mò a, mò Ǹ lo zən ù Sàmalìa a?” (Tɔŋlo enyəa Dzûu tə̀ zəa faa yo ghèe ghê ghì a Sàmalìa ghò).

Dzɔ̌n 7:35

Ghî ne a Tə̀dzûu à mo aŋ ghùe e ghee enyəa, “Ghùw wən yia so e boʼò ndûw ghɛ̀ an lùʼu kəla a buw alekəŋo kôʼ wə̄n a te à? Ù sò yia moʼò alendùw saŋe doʼo ndùw ghèe ghê Tòʼò zò à, ù e zoʼn nduw ghee a?

Dzɔ̌n 8:48

Dzûu tə̀ dzɛ̀ ndùw â wə̄n enyəa, “Ghǎʼ fi lo nû tsəghatsəgha aledzɛ̀ enyəa ghù lǒ ghuw ù Sàmalìa, ghù vʉ̀a ghù ki sugho zə̀a fə̀ biigh.”

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 10:45

Dzûu təla ghe mò boō fughu tsughu, nùghù wò a bǎà ghê Pità, dzughu zə n zuu ghee, bòʼ ghe mò kwən fughu dāŋso sugho Etoʼò â namso kə Zuʼ tə̀ Zɔlɔ to;

Kə̀fwàʼ 8:1

Aŋghəa ghe dəmā ghèe ghê Sìtofɛ̀ êzə̀, Sôol m boo fùghù ndùw enyəa ghe nyɔ̂ʼ fwàʼ nù alewī Sìtofɛ̀. Ghe n nùghù kɔ̀ʼ an tsuʼ u te wo, ndzaŋso səso tsughu dzeŋe kə ghì a Kəzə̀ an Yɛ̀lusalɛ̀m ènyə, ghî ghə̀n à dzə̀m n nùghù sɛ̀ɛ tìnlo è tsughu, ndza tsughu mbùʼ è Dzùdîa edzə̀m, à Sàmalìa, à n dòʼòdòʼò tsughu kô tum.

1 Tɛ̀sàlonìan 2:16

Ghe fə̀ êzə ghəŋlo aletə̀ghàsò sɛ̀ enyəa a ka shwaʼ u Kə̀zə̀ wò â Tòʼò zò naʼà, enyəa ghe zuw to ghe zə̀ kətuw. Ghe ŋ ghəŋlo èzə̀ mò ghe naam dùwsò ndùw kô boo e ghee. Yìa à sò kuūwn lô ko enyəa Zə̀ kə̀ mô èzəŋ biso kòom bùghò pfʉ̀so nʉghà wò a zəŋò ghee.