Matìo 10:3 - To kə Kəzə̀ kə̀ Fughu ko

³ Àsughò Felêp, à Bàtòlòmîa; Tɔ̀mâs, à Matìo tɔɔŋ dzə̀akə̀mwàsòʼ, àsùghò Dzɛ̂ms, wɛ̀ ù Afìus, à Tàtîa;

Matìo 10:3 Iomraidhean Croise

Matìo 18:17

Mò ù tùe sùghò nù enyəa e zuuw yo ghee, ndǔw dzǎa ndùw an dzeŋe kə ghì a Kəzə̀; mò ù tue daŋso sùghò enyəa e zuuw yo â dzeŋe kə ghì a Kəzə̀ ghò, nǐi ndǔw wə̄n tǒ ghùw wəla ù kwo yo Zə̀ kò, ŋkāa tǒ dzə̀akə̀mwàʼsò.

Matìo 27:56

Mèle Màgdàlɛ̂n n lo aŋ yìzən ghən, Mèle, zə̂ Dzɛ̂ms ghèe Dzùghùsî, n lo, zə̂ â wɛ a Zɛbɛ̀dîi n lo sugho a te.

Matìo 9:9

Ghəa Yɛso zə̀ghàa tsughu luʼu chi ko, nughùun ndùw, ù ŋ kòʼ tsùghu dzə̀akə̀mwàʼsò ù lì ghe mò tɔŋlo enyəa à lò Matìo, mò ù lǒ an lùʼù kə kəfwàʼ kə wə̄n. Ù n dzɛ̀ â wə̄n enyəa, “Nùghù wò a bǎà mùghò.” Matìo n nùghù ndùw sùghò a bàâ Yɛsò.

Mâk 15:40

Yîzən à li ghə n lo a fughu, ti alo kədɛ̀, lɛ̂ɛn wò ghəa yì. Yîzən a te a mò lo, Mèle Màgdàlɛ̂n, Mèle (zə̂ Dzɛ̂ms, wɛ̂ɛtùghu ù Dzosɛ̀s), àsùghò Sàlomɛ̀.

Mâk 2:14

A m bùghò Yɛso tsə̀ghaa dzì è wə̄n, ù ŋ kòʼ tsùghù Lɛvì, Wɛ̀ ù Afìus, mò vʉ̀a ù dǒʼ an lùʼù kə kəfwàʼ kə wə̄n kə̀ dzə̀akə̀mwàʼsò kò, Yɛso n dzɛ̀ â wən enyəa, “Nùghuu wò a bǎà mùghò.” Lɛvì n sə̀ sùghò a bàâ wə̄n.

Mâk 3:18

Andùlù n lo mɔ̀ʼ, àsùghò Felêp, àsùghò Bàtòlòmîa, àsùghò Matìo, àsùghò Tɔ̀mâs, àsùghò Dzɛ̂ms wɛ̀ ù Afìus, àsùghò Tàdîos, àsùghò Sǎemòn, ghùw wəla ù fə̀ ŋeē ləghaa naʼ e wə̄n zo,

Lûk 18:10

Ù n dzɛ̀ â ghee enyəa, “Ghî à li a fə̀ nughu tsughu ghee a bə̀ghà alekɔʼɔ̄ gɔ̂ŋlò am be kə̀ ne ko; aŋ ghee ghən à bə̀ghà, ù mɔ̀ʼ fə̀ lo Falàsîi, u mɔ̀ʼ n lo dzə̀akə̀mwàʼsò.

Lûk 18:11

Falàsîi vʉ n nùghù těe è kɔʼ, gɔ̀ɔŋ tsùghù aŋ ghùe u wə̄n enyəa, ‘Zə̀ kò, M̀ fughuu zɔ̀ɔŋ kə̀a enyəa Ǹ yo dzə̂ tò ghî à li ghən, mbaaŋ tə aghì, bəən tə aghì, nùuŋ tə aghì, M̀ bûʼ yò sughò tǒ dzə̀akə̀mwàʼsò wə̄n.

Lûk 18:13

Dzə̀akə̀mwàʼsò vʉ ŋ kuuwn ti alo kədɛ̀ mò ù m fə̀ŋ kwu kele. Ù m buʼù tsə̀ŋo ghaʼa ko alelɛɛ̄n kɔʼ kəwala, ù n dzâa tsùghuu ko enyəa, ‘Zə̀ kò, kwuso se zo a zəŋò mùghò, Ǹ lo ghûw ù bǐigh!’

Lûk 19:2

Ghùw ù ne ù ghì à dzəā a kəmwàʼsò ù lì n lo a fughu ghe mò tɔŋlo enyəa à lǒ Zàkyôs, mò ù kǔu, lò aŋ kə̀mà fə ughùe.

Lûk 5:27

Aŋghəa ghəa ghən tsəghà tsughu, Yɛso m bwîin kǎaŋ ndùw, ndùw kòʼ tsughu dzə̀akə̀mwàʼsò ù lì, ghe fə̀ tɔŋlo enyəa à lò Lɛvì, mò ù lǒ an lùʼù kə kəfwàʼ kə wə̄n, dzɛ̀ â wə̄n enyəa, “Bùghò ghàʼàghù nùghù.”

Dzɔ̌n 1:48

Natanìɛl m bvʉ a wə̄n enyəa, “Ghù mùghò kele ênzə̂n?” Yɛso m bɛ̀lɛ̀ ndùw wə̄n enyəa, “To Felêb e tɔŋɔ ghù, à lǒ mò M̀ mâa ghù kòʼ zìi fî a ghù mò lô a tsəla kâʼ fə fîʼ.”

Dzɔ̌n 11:16

Tɔ̀mâs, tɔɔŋ Didimùs n dzɛ̀ â tsə̀təndə̄ghā tə̀ li to enyəa, “Ndzə̀a nlò tò sɛ̀ dzeŋe ndûw sɛ̀ à ghê Wàdè, mò à lò ko evʉ, sɛ̀ à ghee n dzeŋe m kpuw dzə̀m.”

Dzɔ̌n 14:22

Dzudà (wəla à kuūwn yô dzə Eskalìot) m bvʉ â Yɛso enyəa, “Mughùbè, à kǔuwn lǒ bòʼ kwò ghù lo kaā dêe ko ghue wʉ̀a wò â ghàʼ tsə̀təndə̄ghā təgha a, mo mbī kuuwn yò a te?”

Dzɔ̌n 14:5

Tɔ̀mâs m bvʉ̀ ndùw â Yɛso enyəa, “Mughùbè, ghàʼ kwo yo luʼū kəla ghù ndǔuw a te. Ghà laʼà sò fughu bughò mo a dzì tsəghà ghɛ̀?”

Dzɔ̌n 14:9

Yɛso m bɛ̀lɛ̀ ndùw wə̄n enyəa, “À fi lo enyəa, an dəghà kə kəgha kəla Ǹ lô fɛ sɛ̀ a Felèp, ghɛ̀ kaām kwo to yo mugho a Felèp? Ghùw wəla ù lo mò ù m mùghò kôʼ, ù ŋ kôʼ sùgho Bəghà. À sò lò kə kwò ghɛ̀ sô naām məghaan wə̄n a?

Dzɔ̌n 21:2

tsə̀təndə̄ghā tə Yɛso tə̀ li tə n dzeŋe dôʼ, tɔɔŋ Sǎemòn Pità, Tɔ̀mâs, tɔɔŋ Ŋgɔ̀ɔŋmbɛ, Nàtanɛl, tɔɔŋ ghùw Kànà an Galèlîi, wɛ a Zɛbàdīi à nûu ghò àsùghò tsə̀təndə̄ghā tə Yɛso tə̀ li to tə bə̀ghà.

Kə̀fwàʼ 1:13

A m bùghò ghe nyə nduw enaʼ, ghe n tsə̀ghà kɔ̀ʼ ndùw an dzughu e ndughu zəla ghe mò mughu a te an ndùghù è kɔ̀ʼɔ daŋso. Ghî ghəla ghe mò lo a fughu mò lo Pità, Dzɔ̌n, Dzɛ̂ms, Andùlù, Felêp ghèe Tɔ̀mâs, Bàtòlòmîa n lo sugho ghèe Matìo, Dzɛ̂ms, wɛ̀ ù Afìus n lo, Sǎemòn Zilɔ̀t n lo sugho, àsùghò Dzudàs, wɛ̀ ù Dzɛ̂ms.

Kə̀fwàʼ 12:17

Ù m fòʼ kɔ̀ʼ aŋ ghu kə wə̄n â ghee enyəa ghe doʼò tsughu mɔŋ, daŋso teso dzɛ̀ ndùw ghəa Mughubè ù te mò nî nughù sə wo wən a te an ndughutsāʼ â ghee. Ù m bùghò bàʼso tsughu enyəa, “Dzǎa ndùw ghəa ghən â Dzɛ̂ms ghèe ghê ghì ghəla ghe lo mo ghe m boo.” Ù n daŋso nùghù è tsughu nùghù ndùw luʼū tə wə̄n.

Kə̀fwàʼ 15:13

A m bùghò ghe ndôʼ kə̂aa mɛʼɛ̀ tsughu, Dzɛ̂ms m bɛ̀lɛ̀ ndùw enyəa, “Waazə̂ ghò, zuw tsughu nlò ghɛ;

Kə̀fwàʼ 21:18

A m bùghò tsuʼ fə̀ li fi, ghàʼ à ghê Pôl n ndùw alendùw kôʼ Dzɛ̂ms; tsoʼ tə n lo fughu ghee a dzə̀m.

Gàlashìan 1:19

Ŋ̀ ka fə kôom sə kpeen dzə̀ ghàʼ à tùm è Yɛso è lòʼ à gɔ̀ʼɔ̀ ko Dzɛ̂ms, wàazə̀ Mughùbè ù sɛ̀.

Gàlashìan 2:9

A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.

Dzɛ̂ms 1:1

À lò mugho Dzɛ̂ms, Ǹ tɔɔ̄ wo mwàʼsò kən ko, M̀ fwaʼà a tsəlà Zə̀ kò ghèe Mughu ù te, Yɛso Kə̀lestò. M̀ mwàʼsò kən kə tɔɔ wò â ghɛ̀ ghî a Kəzə̀ ghò tɔ̂ɔŋ ghì ghə Ezə̀lɛ̂ ghə̀là ghɛ̀ sɛ̂ɛ mughùu kaāŋ nduw aŋ kàlà tə mbī e dzə̀m. Yia M̀ fughuu wô ghɛ â tɔɔŋ zo.

Dzûd 1:1

À mwàʼsò kən kə tɔɔ wò mùgho Dzûd, mùghò wàazə̀ Dzɛ̂ms, yìa Ǹ lô kɔ̂ɔ fə Yɛso Kə̀lestò fò; M̀ mwàʼsò kən kə tɔɔ wò â ghî ghən a dzə̀m Zə̀ kə̀ tɔŋɔ aŋ ləgha e wə̄n, ghe yia mughù sugho a tsəlà Yɛso Kə̀lestò.