Matìo 10:2 - To kə Kəzə̀ kə̀ Fughu ko

² Ghən lò zən a tsə̀təndə̄ghā tə Yɛso tən eghəm à ghè tò tə bə̀ghà; ù sûesʉ lò Sǎemòn, tɔɔŋ Pità, àsùghò Andùlù, wàazə̀; Dzɛ̂ms, wɛ ù Zɛbɛdîi, àsùghò Dzɔ̌n, wàazə̀;

Matìo 10:2 Iomraidhean Croise

Matìo 17:1

Ghəa tsuʼ n tsəghà tsughu tǔu, Yɛso n nì kɔ̀ʼ ndùw Pità ghèe ghê Dzɛ̂ms ghèe wàazə̀ Dzɔ̌n, ghe n nùghù kɔ̀ʼ ndùw an ndɔ̀ŋɔ̀ ndɔ̀ŋɔ̀ fə ukwàʼ a fughu ghee à nəŋ ko.

Matìo 20:20

Wi ù Zɛ̀bɛ̀dêe n sə̀ kɔʼ wò a vʉ̀a Yɛso ghèe ghê wɛ a wə̄n à nûu ghə̀n à bə̀ghà tɔɔŋ Dzɛ̂ms ghèe Dzɔ̌n, sə kɔʼ nyaʼa ndùw a tsəlà wə̄n, nɔ̀e ndùw wə̄n â yòsò zò.

Matìo 26:37

Ù mo e nduūw nù, nì kɔ̀ʼ Pità àsùghò wɛ a Zɛbɛ̀dîi yì à bə̀ghà, ù n nùghù mùŋe dòʼò è tsùghù ènyə, kaʼ tsughu alebàŋsò fə̀ŋ.

Matìo 4:18

Aŋghəa Yɛso tsə̀ghaa a ŋgùŋ è dzùghùntsòʼ è Galèlîi, ù ŋ kòʼ tsùghù ghî à li gho a bə̀gha mo ghe lo waazə̂, Sǎemòn wəla ghe tɔŋlo enyəa à lò Pìtà, ghèe wàazə̀, Andùlù, mo ghe maʼnlò èghuūw fughu an dzùghùntsòʼ; ghe fə̀ lo tsəgha ghî à kwuu a tətsəghaa gho.

Matìo 4:21

Yɛso mo e kôom səā kəŋo ndûw â sə ko, ù ŋ kòʼ kpèʼe tsughu waazə̂ à li gho a bə̀ghà, Dzɛ̂ms ghèe Dzɔ̌n, wɛ a Zɛbɛ̀dîi. Ghe n lo alo kəkwə̀n ghèe ghê tsele tɔɔŋ Zɛbɛ̀dîi, mo ghe yia fəghaan ghuūw e ghee zo alemàʼà nyəā tsughu, ù n tɔŋɔ tsughu ghee.

Mâk 1:29

Yɛso n daŋso zə̀ghàa tsùghu Ndùghène zə̀, ghèe ghê Dzɔ̌n, à Dzɛ̂ms, nùghù ndùw alô Sǎemòn wəla ù fə̀ mughu sugho ghèe Andùlù.

Mâk 13:3

Yɛso ŋ kɔ̀ʼ dòʼò tsùghù aŋ kwàʼ u tə̀ Olèf, lɛɛn dàŋà ndùw Ndùghekəzə̀ è nē an Yɛlusālɛ̀m. Pità ghèe ghê Dzɛ̂ms, à Dzɔ̌n, àsùghò Andùlù n tsèen bvʉ tsughu â wə̄n fughu enyəa,

Mâk 6:30

Tum tə Yɛso tə̀ ŋ kwə̀n nyə wò e bàm a vʉ̀a wə̄n. Ghe n nì kɔ̀ʼ fəgha kəla ghe fwaʼ à ghəa ghəla ghe zoʼnlō, dzɛ̀ tsùghù â wə̄n kpe.

Lûk 11:49

Kən lò soo kə eghəa kəla Zə̀ kə fə̀ dzɛ tsughu an dzì è ùtɔ enyəa, ‘Ǹ lo tūu wò ghîishʉ̀gha â ghee, à tum to, ghe kê ndzaŋso à li gho, ghe winlo à li gho.’

Lûk 22:14

A m bùghò nəgha e kpe, Yɛso n tsùghù dòʼò tsùghù ezə ghèe ghê tum tə wə̄n to.

Lûk 22:8

Yɛso n tum tsughu Pità ghèe Dzɔ̌n â ghee enyəa, “Ndǔw ghəəŋ tsughu nlò fəghàzəa kə kəzə kə̀ Ezəŋsō naŋa ko, a lô zəā.”

Lûk 5:10

Tuw kə m kpuw sùghò Dzɛ̂ms ghèe Dzɔ̌n, wɛ a Zɛbɛ̀dîi; fən a Sǎemòn. Yɛso n daŋso dzɛ̀ â Sǎemòn enyəa, “Kà tsəŋ; nì nùghù tsùghù êzə̄ŋ, ghù lo êzə̄ŋ e kwuu wo ghî ghò.”

Lûk 9:10

Ghəa tum tə Kə̀lestò tə̀ kwən nyə wo ebàm, ghe n taŋso dzɛ̀ kɔ̀ʼ wò ghəa yia ghe mò ghəŋlo â wə̄n. Yɛso n daŋso nì kɔ̌ʼ ghee, nùghù ndùw sàŋe dòʼò ndùw ghèe ghee an nāʼ e Bɛ̀dsǎedà.

Dzɔ̌n 12:22

Felèp n ndùw nì kɔ̂ʼ Andùlù, ghèe wə̄n n ndùw dzɛ̀ ndùw shwaʼ u te wo â Yɛso.

Dzɔ̌n 13:23

Tsə̀ndə̄ghā zəla Yɛso fə̀ ŋgeē ləghaa, n doʼ am bughuu e wə̄n.

Dzɔ̌n 20:2

Ù n daŋso nyə̀ŋ ndùw kòʼ ndùw Sǎemòm Pità ghèe ghê tsə̀ndə̄ghā è lì zəla Yɛso mò ŋgeē ləghaa, ù n dzɛ̀ â ghee enyəa, “Ghe ŋ gwən e Mughu ù te è nî nùghù sə alo eshìaa, yia kwo yo luʼū kəla ghe ndûw naŋā wə̄n a te.”

Dzɔ̌n 21:2

tsə̀təndə̄ghā tə Yɛso tə̀ li tə n dzeŋe dôʼ, tɔɔŋ Sǎemòn Pità, Tɔ̀mâs, tɔɔŋ Ŋgɔ̀ɔŋmbɛ, Nàtanɛl, tɔɔŋ ghùw Kànà an Galèlîi, wɛ a Zɛbàdīi à nûu ghò àsùghò tsə̀təndə̄ghā tə Yɛso tə̀ li to tə bə̀ghà.

Dzɔ̌n 21:20

Pità mo e baŋà lɛ̌ɛn tsughu nù, kòʼ ndùw tsə̀ndə̄ghā zəla Yɛso fə̀ ŋgeē ləghaa mò zə̀ è bùgho a bǎa ghee. Wəla ù fə̀ doʼò kuʼso nduw an bughu e Yɛso aŋ nəgha zəla ghe fə̀ lo an chìndùghu zəa, ghəa ù fə̀ kwə̄n bvʉ kɔʼ â Yɛso enyəa, “Mughùbè, à ghù so e fêe fughu ndugho a?”

Dzɔ̌n 21:24

Zən lo tsə̀təndə̄ghā zəla e fə̀ kôʼ ghəa ghən gho tɔ̀m è naŋa, yia kwo enyəa ghəa ghəlà ù teso dzâa wo lǒ èsəŋò.

Dzɔ̌n 6:67

Yɛso fi bvʉ nû â tum tən èghəm à ghè tò tə bə̀ghà enyəa, “Ghɛ̌ sô yia ləghaa sùghò nù alekòmlò ebàm à?”

Dzɔ̌n 6:70

Yɛso m bɛ̀lɛ̀ tsùghu ghee enyəa, “Ŋ̀ ka mo ghɛ mgbaŋ tsɔʼ kɔʼ eghə̄m à ghè ghò a bə̀ghà à, yìa à sò kuūwn lǒ ko enyəa ghùw wɛʼɛ u mɔ̀ʼ nǎam ŋgəəŋ ki ko zə̀a fə̀ biigh fo.”

Dzɔ̌n 6:71

Ù mò fɛ kəa ghəa a Dzudàs, wɛ̀ Sàemòn Eskàlìot, tɔŋlo enyəa, ghəa Dzudàs mo lô ko tsə̀ndə̄ghā an tsə̀təndə̄ghā tən èghəm à ghè tò tə bə̀ghà, ù mò ki alefèe fughu Yɛso.

Dzɔ̌n 6:8

Andèle, tsə̀ndə̄ghā è Yɛso e mɔ̀ʼ, tɔɔŋ wàazə̀ Sǎemòn Pità n dzɛ̀ â Yɛso enyəa,

Kə̀fwàʼ 1:13

A m bùghò ghe nyə nduw enaʼ, ghe n tsə̀ghà kɔ̀ʼ ndùw an dzughu e ndughu zəla ghe mò mughu a te an ndùghù è kɔ̀ʼɔ daŋso. Ghî ghəla ghe mò lo a fughu mò lo Pità, Dzɔ̌n, Dzɛ̂ms, Andùlù, Felêp ghèe Tɔ̀mâs, Bàtòlòmîa n lo sugho ghèe Matìo, Dzɛ̂ms, wɛ̀ ù Afìus n lo, Sǎemòn Zilɔ̀t n lo sugho, àsùghò Dzudàs, wɛ̀ ù Dzɛ̂ms.

Kə̀fwàʼ 1:26

Ghe n daŋso təm tsughuu ndzwàʼ an tuw kə ghee, ndzwàʼ m bvʉ̀ tsùghù an tuw kə Màtîas, ghe n nì təmdzəəŋ ndùw wən an tsə̀təndə̄ghā tì èghəm à ghè zò e mɔ̀ʼ.

Kə̀fwàʼ 12:2

Ù n dzɛ̀ enyəa tsuʼn wi Dzɛ̂ms alo fənyə̄, tɔɔŋ wàazə̀ Dzɔ̌n.

Kə̀fwàʼ 3:1

Tsuʼ ù li wo Pità ŋ kɔʼɔ ndùw an ndughu è Kə̀zə̀ e nē ghèe Dzɔ̌n an tàm tə ezūuw tə təgha â tsə̀ tò an nə̀ghà zəla ghe gɔ̂ɔŋlo a te.

1 Kòlentìan 15:7

Ù n daŋso gbə̀nsə kɔʼ sùghò an sə kə Dzɛ̂ms, daŋso bùghò gbə̀nsə kɔʼ an sə kə tətūm tə dzə̀m.

Efɛsùs 4:11

À lǒ wə̄n ù fə̀ fughu dwaʼa u te wo â ghì ghò enyəa, ghî à li gho e lo tum to, à li gho e lo ghiīshʉ̀ghà a Kəzə̀ ghò, à li gho e lo ghê èfɔɔŋgele, à li ghə̀ e lo ghî ghəla ghə lɛnlo à ghî a Kəzə̀ ghò lò sugho ghê wàdè.

Hibùlù 3:1

Waazə̂ ghaŋa à zɔlɔ gho, ghɛ̀ ghəla ghɛ̀ lo mo Zə̀ kə ŋ ghɛ̀ tɔŋɔ am fɔ̀e u kəwalā, naŋa nduw nlo tuw kɛʼɛ ko a zəŋò Yɛso, wəla a dzɛ̂ enyəa ù lǒ tum e Kəzə̀, lò sugho tuw kəfɔ̀e kəla Zə̀ kə mò tɔŋɔ̄.

1 Pità 1:1

À lò mugho Pità, tɔɔŋ tùm è Yɛso Kə̀lestò — M̀ mwàʼsò kən kə tɔɔ wò â ghɛ̀ ghì a Kəzə̀ ghəla ghɛ̀ ti nân doʼò kaāŋ tsəgha aŋ kɔlɔ tə Pontùs, aŋ Gàlasìa, Kàpàdosìa, Ɛshìa, àsùghò am Bìtinìa.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

2 Dzɔ̌n 1:1

Mùghò, Tsoʼ an ndughu e Kə̀zə̀, Ǹ tɔɔ wò mwàʼsò kən â ghù a Wìzən wəla Zə̀ kə̀ shîaa kɔʼ ghɛ̀ â ghê wɛ ghə̂a ghò. Ŋ̀ kûum ŋgěe ləghaa nù ghɛ, à kà yo ko mugho, ghî ghə̀n à dzə̀m ghe kwo səŋò zò lə̀ghaa sùghò nù ghɛ.

3 Dzɔ̌n 1:1

Mùghò, Tsoʼ an ndughu e Kə̀zə̀, Ǹ tɔɔ wò mwàʼsò kən ko â ghù a Gayùs, ghù wəla Ŋ̀ kûum ŋgeē ləghaa.

Edêe Fughu 1:1

Ghən lò ghəa ghəla Yɛso Kə̀lestò fə̀ dê fughu wo â Dzɔ̌n. À fə̀ ghəa a te gho â wə̄n fughu Kəzə̀ enyəa ù dèe tsughu â kɔ̀ɔ ŋ wə̄n mò tò ghe kele tsughu ghəa ghəla a ki alekùʼù nî kə̀bala. Kə̀lestò ŋ ghəəŋ tsughu enyəa ghî à kelê ghəa ghən mò ù tùm ndùw tsə̀ndə̄ghā e wə̄n a vʉ̀a kɔ̀ɔ fə wə̄n fo, tɔɔŋ Dzɔ̌n.

Edêe Fughu 1:9

Ǹ lo Dzɔ̌n wàazə̀ wɛʼɛ, yìa M̀ boo fughu â Yɛso. Mùghò ŋ ghɛ̀ təmdzəə̄ŋ wò aŋ ŋgoʼ zəla ghɛ̀ zuūw àsùghò an zə zəla ghɛ̀ ka tsughu aŋghəa sɛ̀ lô am fɔ̀e ù Kəzə̀. Ghe mò mugho kwu naŋa nû an nàʼà fə dzughù fə̀ li fo, ghe tɔŋlo enyəa alò Patmòs bòʼ mùghò mò kəaa shwaʼ u Kəzə̀, dzàa êsəŋò zəla Yɛso fə̀ dzɛ̂ naŋā.

Edêe Fughu 18:20

Ôo wala ko e duʼnlo, ghɛ̀ ghì zɔlɔ gho, tətum àsùghò ghǐishʉ̀ghà ghò, tɔŋlo enyəa Zə̀ kə̀ n tāʼ ghɛ̀ à ghee, fə̀n tsùghu mgbə̀ghà a zəŋò naʼ e te zo bòʼ ghəa a biigh ghəla ù mò ghəŋlo â ghɛ̀!”

Edêe Fughu 22:8

Mùghò Dzɔ̌n, mùghò ŋ ghəa ghən zuw, yìa Ŋ̀ kôʼ mɛʼɛ̀ sugho. A m bùghò Ǹ zuw ghəa ghən gho, kòʼ mɛʼɛ̀ e sugho, mùghò n tə̀m ndùw təŋguʼ a vʉ̀a tsə̀ndə̄ghā zə̀a e mò dê fughu wo mugho â ghəa a te gho;