Mâk 9:7 - To kə Kəzə̀ kə̀ Fughu ko

⁷ Mbàʼ è lǐ n daŋso nùghù bvʉ̀ ŋgwùu tsùghu ghee, dzə̀ è ghùw ù lì n sə̀ wò fughu am mbàʼ enyəa, “Wən lǒ wɛ waŋā ù tsùʼu; e zuuw nduw nlò â wə̄n!”

Mâk 9:7 Iomraidhean Croise

Matìo 27:43

Ù gaʼ fə̀ŋ a zəŋò Zə̀ kò; dzǎa tò Zə̀ bəghasə̄a tsughu wə̄n êzəŋ, abugho kə ləghaa wə̄n; nu fə bɔŋ so enyəa, ‘Ǹ lo Wɛ̀ ù Kə̀zə̀.’ ”

Matìo 27:54

A m bùghò kɔmdzūghū ù təsùghugòʼ ù te ghèe ghê gbè təla tə mò chîin Yɛso kòʼ tsughu ghəa ghueekətsə̄ kə gbəla kɛʼn wo, à ghəa à li yìa a mò nîi bala ko, fə̂ŋ tə̌n sə tsughu ghee enyə, ghe mo enyəa, “Ghùw wən mò kuūm lo Wɛ ù Kə̀zə̀.”

Matìo 3:17

Ghe mo e zuw dzə̀ saʼ tsughu wô alo kəwālā enyəa, “Wən lǒ wɛ waŋā, Ǹ duʼn nû ghàʼ à wə̄n.”

Mâk 1:11

Dzə̀ è ghùw ù lì n daŋso nùghù dzɛ̀ sə̀ tsùghù wò alo kəwālā enyəa, “Ghù lǒ wɛ ù fə̀ŋ waŋa; fə̀ŋ ŋgěe zɔ̄lɔ̄ mùghò aŋ ghû.”

Mâk 9:6

Ù fə̀ ghəa ghən dzɛ tsughu, ù màʼa fə̀ biso kwo yo ghəa zəla ù lò alekə̀a, tɔŋlo enyəa ghe mǒ fughu lo ko alo etsə̄ŋ.

Mâk 9:8

Ghe n nùghù tsàaŋ lɛ̌ɛn kaaŋ wò tə̀luʼū, ghùw ù lì ŋ kôom yǒ ghèe ghee, ǎ ŋ kôom lò ko ghèe ghêe Yɛso.

Lûk 3:22

Zuʼ tə̀ Zɔlɔ tə n sə̀ tsùghù wò aŋ ghùe wə embùŋu, tsughu maa tsughu an tuw kə Yɛso, ghe n zuw dzə̀ è ghùw è sə tsughu wô alo Kəwālā, dzàa tsùghù enyəa, “Ghù lǒ wɛ ù fə̀ŋ waŋā, ghù ghə̌əŋ nù yìa Ŋ̀ ŋgeē duʼnlo.”

Dzɔ̌n 1:34

Mughò ŋ kùm kòʼ, M̀ fɛ êzə̄ŋ dzâa wò nù enyəa wən lǒ Wɛ ù Kə̀zə̀.”

Dzɔ̌n 1:49

Natanìɛl fi dzɛ̂ ndùw nù â wə̄n enyəa, “Wàdè ghù lǒ Wɛ ù Kə̀zə̀. Ghù lǒ Də̀ŋ kə Ezə̀lɛ̂.”

Dzɔ̌n 12:28

Tsele, děe tsughu daʼa kə̂a kò.” Dzə̀ n daŋso sə̀ tsùghù wò alo kəwālā, dzàa tsùghu wò enyəa, “Mùghò n dè, Ǹ naam ki nû aledèe kpeʼe.”

Dzɔ̌n 19:7

Ghî a ne a Tə̀dzûu a te ghə̀ m bɛ̀lɛ̀ ndùw wə̄n enyəa, “Ghàʼ ki kəlâŋ, lâŋ kə te dêe enyəa ù ki alekpūw bòʼ ù dzɛ̀ enyəa e lo Wɛ ù Kə̀zə̀.”

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Dzɔ̌n 5:18

Zən lo e ghee Dzûu tə fə̀ fəghaān nughù sə kɔʼ enyəa ghe wii tsughu nû wə̄n, bòʼ ù fə kaa zaʼa ko yo lâŋ kə Tsuʼntsə̄ ko, ù fə̀ tɔɔŋ nduw sugho Kə̀zə̀ enyəa à lǒ Tselè ù wə̄n, naaŋ ndùw ghue u wə̄n enyəa ghèe Zə̀ kə̀ bâan nù.

Dzɔ̌n 5:37

Tsele wəla ù tum wô mugho n teso dzɛ̂ sughò ghəa ghaŋa gho. Ghɛ̀ kaām bûʼ zùw kǒʼ dzə̀ e wə̄n, ghɛ̀ kaām kôʼ kòʼ sùghò kôʼ e ghùe u wə̄n zo,

Dzɔ̌n 6:69

Ghǎʼ yia lo mò ghàʼ m boo fughu â ghù, kwo sugho enyəa ghù lǒ ù Wɛ ù Kə̀zə̀ ù tsùʼu.”

Dzɔ̌n 9:35

Yɛso n zuw tsughu enyəa ghe n dzûm nùghù sə ghuw ù te an Ndùghène è Tə̀dzûu. A m bùghò Yɛso ndùw kôʼ tsughu ghùw vʉ̀, Yɛso m bvʉ â wə̄n enyəa, “Ghù m boo fughu â Wɛ ù Ghùw?”

Kə̀fwàʼ 1:9

A m bùghò ù dzɛ̀ tsughu ghəa ghən gho, ghe n toʼn nùghù kɔ̀ʼ ndùw wən e dzuŋ mo tsə̀təndə̄ghā tə wə̄n tə lɛɛn ndùw nù, ù ŋ kɔ̀ʼ sàŋà nyə̀ ndùw am mbàʼ, ghe ŋ kôom yò alekòʼ wə̄n.

Kə̀fwàʼ 7:37

Wən lò Musî wəla ù fə̀ dzɛ̂ nduw â wɛ ghə Ezə̀lɛ̂ ghò enyəa, ‘Zə̀ kə̀ kê shìa sə̌aa wò ghùwshʉ̀ghà ù Kə̀zə̀ am bvʉa e waazughù tò aŋghəa ù fə̀ shîaa sə wô mugho.’

Kə̀fwàʼ 8:36

Felêp n daŋso dzɛ̀ â wə̄n enyəa, “Abugho ghù boō tsughu dzə̂ aŋ am fə̂ŋ zə̀ghà e dzə̀m, a lo nû alefughu ghû â mùghù ŋ Kə̀zə̀ mò êzə̄ŋ.” Ù m bɛ̀lɛ̀ tsùghù enyəa, “Mùghò m boo enyəa Yɛso lǒ Wɛ ù Kə̀zə̀.”

Lumà 1:4

Zə m bùghò dè tsughu enyəa ù lo Wɛ ù Kə̀zə̀ aŋghəa Zə̀ kə fə̀ zôm nughù kɔʼ wə̄n alo evʉ̄ an daʼa kə Zuʼ tə̀ Zɔlɔ to.

Hibùlù 2:1

Bòʼ ghəa ghən a dzə̀m Zə̀ kə lo mo kə ŋ ghəŋlo, zən lò e ghee a ki aletɔ̀ʼɔ̀ gaʼā tsughu kətuw aŋ ghəa ghəlà sɛ̀ zuw kɔʼ, enyəa e kwo ko a lô zəghàan maʼn tsughuu ghəa a te gho, a səā təŋò ndûw aŋ ghəa à nughù ghò.

2 Pità 1:17

Ghaʼ fə̀ lo a fughu, aŋghəa Kə̀zə̀, Tsele ù te fə̀ naāŋ wə̄n alo ŋkɔʼso àsùghò alo nsəghanyəghā; dò kə dzə̂ kə̀ n sə̀ tsùghù wò fùghu a te alo kə̀wala, dzàa tsùghù enyəa, “Wən lǒ Wɛ ù fə̀ŋ waŋa. Fə̀ŋ zaŋa zɔlɔ nù a zəŋò wə̄n.”

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Edêe Fughu 1:7

Kòʼo, ù bùghòo nù am mbàʼ, ghî ghə̀n à dzə̀m kə̂ koʼō nduw wə̄n, àsùghò ghì ghəla ghi mò buʼù tsuʼn sugho wə̄ alo fən wə̄n; ndùm tə̀n tə̀ dzə̀m fɛ am mbī kê dînlò bòʼ ghəa e wə̄n. Zə̀ e ke lo ko êzə̀.