Mâk 9:43 - To kə Kəzə̀ kə̀ Fughu ko

⁴³ Abugho ghu kə̀a kə̀ tsoōm ghù enyəa ghù ghəəŋ bō zo, kə̌a màʼa fə̀; alenìi maʼà ghù am kpǎaghùw, aŋ wə̀n wəla u kê nyəə̄m koʼò yo, à kwe zo e bə̀ghà, dzɔ̀ lò enyəa ghù nyə am fɔ̀e ù Kəzə̀ à kə̀m kə kəkwe ko,

Mâk 9:43 Iomraidhean Croise

Matìo 17:27

To a mô zəghà ko nù, a ka boon fə̂ŋ tə ghee to. Ndùw nlò alo enyʉ̀ ghɛ̀ maʼa nduw saʼ fo, ghɛ̀ ni kɔʼ tsəgha e sʉesʉ zəla ghɛ̀ kwuu sə kɔʼ, ghɛ̀ zom tsughu dzughu e wə̄n zo, ghɛ̀ koʼ tsughu kua u fəŋgɔ̀ʼ wò a te, ghɛ̀ nduw fughu nduw â ghee enyəa à lǒ chuw è sɛ̀ a dzə̀m ghən.”

Matìo 25:41

Ù lo daŋso dzɛ̂ â ghì yia aŋ kwe u wə̄n ù kwû wò enyəa, ‘Nùghu nlò an sə kaŋā, fə̀ghàan ŋ kə̀lòʼ mə̄n, ndǔw nlò aŋ wə̀n wəla u doʼò tən; wəla ghe fə̀ fəghaan naŋā â Vʉatsə̄a gho ghèe ghê tum tə wə̄n to;

Matìo 3:12

Ù lò â kwònɛ̀lɛ aŋ ghu alefoōn nughù kɔʼ təŋgòʼ a te, ù fwə̀là naŋā ndûw an tɔ̀e a kə̀twɛ̄; ù daŋso kâaŋ kpâa ndûw ghùw u te wo aŋ wə̀n wəla u nyəə̄m tsəghà yo.”

Matìo 5:22

Ǹ so Ŋ̀ kuūwn dzâa wô â ghɛ̀ enyəa, abugho ghùw bùʼ pfʉso kɔʼ ko nʉ̄ghà wò ghèe wàazə̀, ghe ki alesāʼ wə̄n; ghùw wəla ù sùuwn nduw wàazə̀, ù kì alendùw aŋ kaŋsì, wəla ù dzɛ̀ tsughu enyəa, ‘Làʼsò kə kəfəgha kən.’ Ghuw ù te ki alendùw pfʉ an wə̀n u tsə̀ fə̀ baŋa fo.

Mâk 9:44

Lûk 14:13

Abugho ghù se kuuwn naʼà àghì, ghù n laam nàʼà tsughu ghî à laa gho, ubvuʼ, ghî à foō gho àsùghò ùŋgwûundughu,

Lûk 14:21

Kɔ̂ɔ fi m bùghò dzɛ̀ wò sùghò ghəa yì â mughùbè ù wə̄n. Nʉghà wə̀ m pfʉ kɔʼ mughùndughu vʉ̀, ù n dzɛ̀ â kɔ̀ɔ fə wə̄n fo enyəa, ‘Kwuun nùghu tsughu ko êzə̄ŋ enyə, ghù sə tɔɔŋ kaaŋ wo ghî à laa gho, à bvuʼ wo, à ghì foō gho àsùghò ùŋgwûundughu enyəa ghe bughò.’

Lûk 3:17

Ù lò ko â kwònɛ̀lɛ è wə̄n aŋ ghu alefoōn nughù kɔʼ təŋgòʼ an chìndughu, ù fwə̀là naŋā ndûw an tɔ̀e a kə̀twɛ, ù daŋso kuuwn kâaŋ kpâa ndûw ghùw u te wo aŋ wə̀n wəla u nyəə̄m tsəghà yo.”

Lumà 8:13

Tɔŋlo enyəa abugho ghù mughu aŋghəa ghue u ghûw ù ləghaa, ghù lo kpuw. Abugho ghù kuuwn nî kɔʼ daʼa kə Zuʼ tə̀ Zɔlɔ to wì màʼà tsughu ghəa à biigh ghəla a lo a zəŋo ghùe u ghùw a te, ghùw ù te lo mughù.

1 Kòlentìan 9:27

Ǹ nîi nǎaŋ tsūghûu ghue waŋa tò kəkɔ̂ a tsəlà mùghò enyəa e kwo Ǹ lô so e kuūwn gùuŋ namso kə te ko mò à làbəlà è dzùŋ è te zughòo mùghò â ghì ghò.

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Kòloshìan 3:5

Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

Taetùs 2:12

Dzɔ̂ e Kəzə̀ zən zoʼn wò sɛ̀ enyəa sɛ̀ tuū maʼà tsughu mughùu zəla à yò dzə̂ mughùu e ghì a Kəzə̀ zò, a ka fə̂ŋ tə̀ gaʼ sùghò am fʉgha u mbī wo, àsùghò enyəa sɛ̀ è naŋso tsughuu kə ebwìi kə sɛ̀ kò aŋ ghəa a sɛ̀ à ghəəŋ gho, sɛ̀ è ki fə̂ŋ tə̀ dzûŋ tò, mùghù sugho aŋghəa Zə̀ kə̀ ləghaa enyəa to a mô mùghu fɛ a te am mbī zən.

Hibùlù 12:1

Ghəa e lo enyəa sɛ̀ ki nu ndə̀mà tə aghì tò ghe taʼ sɛ̀ à ghee, bùghò nlò sɛ̀ zəghà maʼà ghəa ghəla a sêe wo sɛ̀ ebàm àsùghò ghəa biigh ghəla a tughuu doʼn wo a zəŋò sɛ̀, a kaā tsughu ezə alenyəŋ nyəŋ kəla kə lo â sɛ̀ â sə ko.

1 Pità 2:1

Ghəa e lô enyəa Zə̀ kə m fughu ghɛ â mùghù è fughu zo, e fi lo enyəa, ghɛ̀ kuwnlo nlò fə̀ŋ tɛʼɛ tə̀ biigh to, ghɛ̀ maʼa ghəa a kə̀bàŋàdzə̀m ghò, gha à kaʼn gho, kə̀mʉ̀nlo, ghɛ̀ maʼa sugho nùʼ tò.