Mâk 9:42 - To kə Kəzə̀ kə̀ Fughu ko

⁴² “Abugho ghùw wɛʼɛ u mɔ̀ʼ nɔm tsughu wɛfêtùghu fo fə mɔ̀ʼ aŋ wɛghêtùghu ghəla ghe boō fughu â mùghò enyəa fə ghəə̄ŋ tsughu ebo, ghùw ù te kpe to a e bòʼò kalà tia è gwuūn zo am mwè, a ndûw màʼà nyəā tsughu an dzùghùntsòʼ.

Mâk 9:42 Iomraidhean Croise

Matìo 17:27

To a mô zəghà ko nù, a ka boon fə̂ŋ tə ghee to. Ndùw nlò alo enyʉ̀ ghɛ̀ maʼa nduw saʼ fo, ghɛ̀ ni kɔʼ tsəgha e sʉesʉ zəla ghɛ̀ kwuu sə kɔʼ, ghɛ̀ zom tsughu dzughu e wə̄n zo, ghɛ̀ koʼ tsughu kua u fəŋgɔ̀ʼ wò a te, ghɛ̀ nduw fughu nduw â ghee enyəa à lǒ chuw è sɛ̀ a dzə̀m ghən.”

Matìo 18:10

“Ghəəŋ tsughu enyəa ghɛ̀ ka e koʼō keē nyàaŋ mə̄n; nu ghəa Ǹ dzâa wô fɛ â ghɛ̀, tsə̀təndə̄ghā tə Kəzə̀ tə ghee tə lo tsəgha ko ghèe ghê Bə̀ghà alo kəwālā.

Matìo 18:6

Yɛso n dzɛ̀ tsùghù sùghò enyəa, “Abugho ghùw ghəə̄ŋ tsughu wɛ̂ɛtùghu u mɔ̀ʼ aŋ wɛghêtùghu ghəla ghe boō fughu â mùghò enyəa ù ghəŋlo èbo, ghùw ù te fi kpe to a nî kɔʼ ŋgɔ̀ʼɔ̀ kə etia kə̀ gwuūŋ ko, a kɔlɔ̀ tsughu am mwè u wə̄n, a ndûw maʼà nyəa tsughu wə̄n alo kətsə̀m.

Kə̀fwàʼ 9:4

Ù n təghaa bvʉ̀ ndùw à ghueetsə̄, zuw tsughu dzə̀ è ghùw ù dzɛ̀ wo â wən enyəa, “Sôol, Sôol, ghù mùghò dzaŋso kaŋlo aŋ kwò?”

Lumà 14:13

À fi lo enyəa sɛ̀ e ka e koōm saʼa ghue e sɛ̀ zò, sɛ̀ e laām dəma tsughuu enyəa a ka e naaŋ dzə tia e utwaʼ zo an dziī ŋkāa kə̀ fàŋa â waazə̂ a sɛ̀ gho tò â ghee aleghəŋlo èbo.

Lumà 15:21

Ghe tɔm naŋa am Mwàʼsò kə Kəzə̀ enyəa, “Ghe ghəla ghe lo mo ghe kaām kə̂a kòʼ tsə̀ghà ghəa a wə̄n gho â ghee, ghe lo kòʼò nǔ wə̄n, ghəla ghe lo mo ghe kaām zuw kòʼ tsə̀ghà ghəa zo kùu ndùw wə̄n, ghe lo zuuwkɛlɛ nǔ wə̄n.”

Lumà 16:17

Waazə̂ ghaŋa gho, ghəa zəla Ǹ naam ki aledzɛ̀ wô â ghɛ̀ lo enyəa, ghɛ tsʉ naŋa kɔʼ sə ghɛʼɛ gho a zəŋo ghì ghəla ghe ghəŋlo enyəa ghî ghə̀ e tsɔɔ̄n kaaŋ tuw wo, ghe ŋ ghəŋlo ghùw n yo aletɔʼɔ tee am boo e wən. E kwo ko ghɛ̀ lo boōm naāŋ ŋgòʼ è ghì a te gho, nu ghe nîi wô aghəa mo a boom dzəəŋ yo ghèe fəgha kəla ghe mò zoʼn ghɛ a te.

2 Kòlentìan 6:3

Ghàʼ naaŋ yo fàŋa ko an dzì è ghùw ù lì, ghe lô koʼò enyəa fwàʼ kaʼa kə dzəa nù.

Fèlepìan 1:10

tò ghɛ̀ e ke lo alekwo ghəa zəla e dzɔ̂ tsəgha. Ghɛ̀ e ke lo ghî à zɔlɔ gho, mò ghe e yo alesaʼ ghɛ aŋ ghəa è li zo

1 Timotì 5:14

Yia a bugho mugho Pôl, tsʉ̂ zaŋa e lo enyəa, to waafəghàŋ ghəla num a lo mo ghə m kpuwnlo mô kòom nîi kpeʼē ndûw ànum, dzəa ndùw àwɛ; ghe e kwo sugho alekwuū kelê ghì a ghee an ndughu tə ghee, aŋ ŋgòʼ è dzì zəla ghî a kətuw a sɛ̀ yo alekòom kele dzì zəla ghe lo alesāʼ sɛ̀ a te.

2 Pità 2:2

Ndə̀ma tə aghì tə lo səa tsə̀ghà ndùw a bǎà dzə̌adzə̀ kə emùghù kə ghee kə te ko, bòʼ fwàʼ kəla ghe fwaʼa ghè kò. Ghî à lo e suūwn səŋò zò bòʼ ghəa ghəla ghe ghəŋlo.