Mâk 9:29 - To kə Kəzə̀ kə̀ Fughu ko

²⁹ Ù n dzɛ̀ â ghee enyəa, “À mìaa ko è gɔ̀ŋlò alesəso ŋgòʼ zən.”

Mâk 9:29 Iomraidhean Croise

Matìo 12:45

Fə n daŋso nùghù è tsughu, ndùw nì wò zə̀a biigh n li mo sə̀ghàmbəgha mo m bûʼ bò tsə̀ghàtàʼàsə ghuūghùe u ghè fò, mə̀ n nyə̀ mùghùu ndùw a fughu; ghûw vʉ m bò tsə̀ghà tsùghù aŋghəa ù mò bûʼ lo a te sûesʉ. E kê bɔ̌ɔm lò sugho êzə̀ â ghî a nɛ ghən, ghe sô lô ghî à biigh gho.”

Matìo 17:20

Ù n dzɛ̀ â ghee enyəa, “À lǒ bòʼ ghɛ̀ kâ tɔ̀ʼ bǒo fughu â Zə̀ kò. Nu M̀ fɛ kùu dzàa wò nù â ghɛ̀, abugho ghɛ̀ mô bûʼ ki ko nyàaŋ fə eboo fo tò sam fə mustàd, ghɛ̀ mô lò nû aledzàa tsughu â kwàʼ wən wo enyəa, ‘Səəŋ dòʼò kəŋo ndùw fi ezə̂.’ To u mô səə̄ŋ doʼò kəŋo ndûw. To êzə̀, ghəa è li e mô yò aletsə̀ghàasə ghɛ.”

Matìo 17:21

[À bɔ̌ɔm mìaa kô ègɔ̀ŋlò àsùghò dzughu è baa zo e lô aleghəŋlo ghùw shùa sə ŋgòʼ è dzàŋ zən.]

Mâk 9:28

A m bùghò Yɛso ndùw nyə nduw an ndughu, tsə̀təndə̄ghā tə wə̄n tə n (nyɛʼɛ) tsɔŋɔ bvʉa fughu â wən enyəa, “À kǔuwn lǒ kwò ghàʼ mô yô aledzùusə zə̀ kə te ko a?”

Mâk 9:30

Ghê Yɛso n zə̀ghàa tsùghu fughu, tsə̀ghà nyə̀ ndùw dzì aŋ Galèlîi; ù n ləghaa yo enyəa ghùw kele;

Lûk 11:26

Ù ŋ kòom ndùw tɔ̀ŋɔ wò nzə̀a sə̀ghàmbəgha mò mə̀ ŋ wə̄n bo tsə̀ghà, ghe n ndùw nyə̀ mùghù ndùw an ndughu zə̀, ghəa a ghûw vʉ ghə̀ ŋ kòom bò tsə̀ghà tsùghù ghəa a mò bûʼ lô a te sûesʉ.”

Kə̀fwàʼ 14:23

À m bùghò ghe ndûw kôʼ ndûw dzeŋe kə ghì ghəla ghe boō fughu â Kə̀lestò alo kəlùʼu, ghe n tsɔʼ kɔʼ tətsoʼ a fughu an dzeŋe kə te ko, ghe m bam tsughu edzughu è gɔnlo alefughūu zəghàa ndûw ghee â Mughubè ù te wəla ghe boō fughu â wə̄n.

1 Kòlentìan 9:27

Ǹ nîi nǎaŋ tsūghûu ghue waŋa tò kəkɔ̂ a tsəlà mùghò enyəa e kwo Ǹ lô so e kuūwn gùuŋ namso kə te ko mò à làbəlà è dzùŋ è te zughòo mùghò â ghì ghò.

2 Kòlentìan 11:27

Mùghò n də̀m, yìa biso zuw tsughu fala zo, mùghò ŋ koʼò bwǐi ndùw, mùghò n lo dzə̀ŋ, fə̀ŋ è m̀mùghu n zuʼso mùghò, mùghò n zəa tsə̀ghà yò, lò tsəgha ko bêe tə̀ bèe, mùghò n lo am ufwō mò Ŋ̀ ki yo ndə̀mà təndzʉ aledzə̀là.

2 Kòlentìan 12:8

Mùghò m buʼ kəghū â Mughu ù te tə nəgha tə təgha enyəa ù nìi nughù fʉ̀ghà ù fɔɔn wən a zəŋò mùghò.

2 Kòlentìan 6:5

mʉ ŋkwə̂n, kɔʼ ndughutətsāʼ, ghî yia kə̂m ghaʼ, tsù ghàʼ, ghàʼ yia koʼò zeē nduw dzə̀ŋ, bùghò kòʼò bwǐi ndùw sùghò.

Efɛsùs 6:18

Ghɛ̀ è gɔŋlo an nəgha tən tə̀ dzə̀m aŋghəa Zuʼ tə Kəzə̀ tə̀ fughuu ghɛ â daʼa ko a te, bvʉa ndùw fəgha kəla ghɛ̀ ləgha a wə̄n. Aŋghəa yì ezə̀, tiso kɔʼ nlò tuw ko alo egɔ̀ŋlò, ghɛ̀ è tɔʼɔ tuw u ghî a Kəzə̀ a zɔlɔ gho a dzə̀m aŋ gɔ̀ɔŋ zɛʼɛ,

Dzɛ̂ms 5:15

Gɔ̂ɔŋ zəla ghe gɔ̂ɔŋ tsughuu am fə̂ŋ e mɔ̀ʼ â Zə̀ kò, e baaŋ nû ghùw ù dzàŋa — Mughu ù te n nì nùghù dzâŋ e te zo. Mo à lò enyəa ghùw ù te mò ghəəŋ boon ghəa è li zo, ghe ŋ ghuuw màʼà ghəa e biigh e te zo.