Mâk 9:26 - To kə Kəzə̀ kə̀ Fughu ko

²⁶ Zʉ̀ u te wə ŋ kwù kɔ̀n tsùghu wɛ vʉ̀, ghəa ù dì sə wô ènyə, wə n lɔʼso zàʼ wə̄n enyə a ghūu, daŋso sə̀ nùghù è wo. Wɛ vʉ n nùghù dòʼò tsùghu tò ù kpùw nû, ghî à mo enyəa, “Ù m kpuw.”

Mâk 9:26 Iomraidhean Croise

Matìo 15:22

A mo e kôʼ wìzən ù Kanàan ù lì a fughu alo enaʼ n ndùw bùgho a vʉ̀a Yɛso mò ù dìi wò nù, bùgho dzɛ̀ â wə̄n enyəa, “Wɛ ù Dɛvìd ù nùu, kwuso se zo a zəŋò mùghò a Mughùbè! Zʉ̀ ù biigh u lo a zəŋò wɛ waŋa ù zən, vʉa u ŋgeē waʼsò fəmso wə̄n.”

Mâk 1:26

Zʉ̀ u te wə ŋ kwù kɔ̀n tsùghu ghùw vʉ̀, ghəa kə dî sə wo an dzə̂ è tughu enyə, kə n daŋso sə̀ nùghù wò a zəŋò wə̄n.

Mâk 9:18

abugho u nî kɔʼ wə̄n, wə n tə̄m tughu wə̄n a ghuu; tsə̀f zə̀ n səa wò wə̄n alo edzughu, ù n tsôo pfʉ̌a ko àsɔŋ; ù n tàn dòʼò è kɔʼ, yìa Ǹ dzɛ̂ enyəa tsə̀təndə̄ghā təghà tə̀ shʉ̂aa səā tsughu, ghe yia ghâ ke.”

Mâk 9:20

Ghe n daŋso nì fùghù ndùw wɛ̀ ù te â Yɛso. A m bùghò zʉ̀ u te u kôʼ kɔʼ Yɛso, wə n nùghù kwù kɔ̀n tsùghu wɛ vʉ̀, ù m bvʉ̀ bə̌əŋ kɔʼ enyə a ghūeetsə̄, tsə̀f zə̀ n səa wò wən alo edzughu.

Mâk 9:25

A m bùghò Yɛso kòʼ tsughu enyəa ghî à nyəŋo zùuŋ wò nù, ù n zùghù tsùghu zʉ̀ ù biigh vʉ̀ enyəa, “Ghǔ zʉ̀ wəla ghù kùʼsò ghî ghò, ghəəŋ sùghò enyəa ghe doʼò ùmùʼ, Ǹ so Ǹ dzâa wô â ghù enyəa, zəghaa tsughu wə̄n, e kwo ghù ke kôom nyəa koʼò sughò a zəŋò wə̄n!”

Mâk 9:27

Yɛso kūun kwu tsughu ko wə̄n aŋ kwē, nì nùghù kɔ̌ʼ wə̄n, ù n nùghù těe è kɔʼ.

Edêe Fughu 12:12

À fi lo enyəa ghù ki aleduʼn ko nû êzəŋ wala ko àsùghò ghɛ̀ ghəla ghɛ̀ mughu a te! Tsû ù ne wo â ghɛ̀ ghəla ghɛ̀ mughu aŋ ghueekətsə̄ àsùghò â ghɛ̀ ghəla ghɛ mughu an dzùghùntsòʼ, nu vʉatsə̄a ghə n tsùghù wò fì à bòobò kə unʉ̀ghà ù pfʉa ko, mbuu ù kwo enyəa e ki ko kəmà fə enə̀gha.”