Mâk 9:22 - To kə Kəzə̀ kə̀ Fughu ko

²² Kə bugho kə m bòʼò màʼà nyə̀ ndùw wən alo etsə̄ àsùghò alo mmùghu an nə̀gha è li zo, aletsoō wi wə̄n; abugho ghù kpaʼ lo aleghə̂əŋ ghə̀a è li zo, ghù ŋ kwuso tsughu ese a zəŋò ghàʼ, yòsò kɔ̀ʼ ghaʼ.”

Mâk 9:22 Iomraidhean Croise

Matìo 14:31

Yɛso n lùum dàan ndùw kə̀ghu, kwù ndùw wə̄n, dzɛ̀ â wə̄n enyəa, “À lǒ kwò ghù tàʼkè tɔʼɔ̀ boō fughu â mùghò a? À lo kwò tuw kə mô kpuūw ghû enyəa Ǹ yo aleghəŋlo enyəa ghù bwii kəŋo wo an tuw kə mmùghu a?”

Matìo 17:15

“Mughùbè, kwuso se zo a zəŋò wɛ̀ waŋā, nu ù bvʉ̀a kə̀bvʉ̀, vʉ̀a ù ŋgeē fanlo. Ù bùghòo an nə̀gha è li zo, ù m bvʉ̀ nyə ndùw aŋ uwə̀n, nəgha è li zo ù bvʉ̀ nyə tsughu alo mmùghu.

Matìo 20:34

Yɛso ŋ kwuso tsughu ese, mɔ̀m tsùghù sə a ghee, ghe n daŋso kàʼ ndùw luʼū tə̀ koʼō to, ghe n nùghùu ndùw a bàâ wə̄n.

Matìo 8:2

A mo e koʼò ko ghùw ù tə̀tsùghò ù lì ù ndùw sə̀ kɔ̀ʼ wò a vʉ̀a Yɛso, tə̀m ndùw tuw wə anyʉ a vʉ̀a wə̄n, dzɛ̀ tsùghù enyəa, “Mughubè, abugho ghù tsə̀m tsughu, ghù lò nû alebaaŋ mùghò.”

Matìo 9:28

A m bùghò Yɛso ndùw nyə nduw an ndughu, ghî à foō a te ghə m bùghò kòʼ wò wə̄n; Yɛso n daŋso bvʉ â ghee enyəa, “Ghɛ̀ m boo enyəa to mùghò ŋ ghəəŋ ŋgòʼ è èghəa tò zən a?” Ghe m boo ndùw enyəa, “Òo à Mughùbè, ghàʼ m boo.”

Mâk 5:19

Ù mô è tue, dzɛ̀ â wə̄n enyəa, “Kwən kòʼo ndùw ghî ghə̀a ghò ghù dzɛ nduw fwàʼ kəla Mughubè ù te fwâʼ tsughu â ghù, ghù dzɛ nduw sugho ghəa ù kwuso tsughu se zo a te a zəŋò ghù.”

Mâk 9:21

Yɛso m bvʉ â tsele enyəa, “Ghəa a te a mò a zəŋo wən kaʼ zən?” Ù n dzɛ̀ enyəa, “Ghəa a te a mò kaʼ mò nǎam too nù.

Mâk 9:23

Yɛso m bvʉ â wə̄n enyəa, “À lǒ kwò ghù sə̀ bvʉ enyəa bugho M̀ kpaʼ lô a! To a ghə̂əŋ ghəa ghə̀n à dzə̀m â ghùw wəla ù boō fughu tsughu dzə̄.”

Lûk 7:13

A m bùghò Mughu ù te kôʼ tsughu nughò vʉ̀, ù ŋ kwuso èse, gɔ̀ɔŋ tsùghu wə̄n enyəa, “Kà dî sùghò ma.”