Bìoball air-loidhne

Mâk 8:35 - To kə Kəzə̀ kə̀ Fughu ko

³⁵ Tɔŋlo enyəa ghî ghəla ghe tsâʼ tsughu ko tuw kə ghee ko, ghe lo gùuŋ nù, ghəla ghe guŋù tsughu tuw kə ghee ko aŋ ghəa zaŋā àsùghò aŋ ghəa e tùm è dzùŋ zən, ghe lo kuūwn zə kətuw.

Faic an caibideil Dèan lethbhreac

dol air ais ⬆

Mâk 8:35
27 Iomraidhean Croise

Matìo 10:22

Ghî ghə̀n à dzə̀m ke e baā ghɛ enyəa so à lò ghəa zaŋa. Yia a bugho ghùw wəla ù kuūwn kɔlɔ tsughu ko fə̀ŋ ndùw tɛ̀ è nduw, ù lo zəa nù tuw ko.

Faic an caibideil

Matìo 10:39

Ghùw wəla ù tsàʼ tuw kə wə̄n ko, ù lo gùuŋ nù; wəla ù gùŋù tsughu tuw kə wə̄n ko bòʼ mùghò, ù lo kuūwn zə kə̄tūw.”

Faic an caibideil

Matìo 16:25

Nu ghùw wəla ù ləghaa alebəgha sə ghue u wə̄n, ù lo guŋù tuw kə wə̄n, wəla ù lo alegùŋù tuw kə wən ko aŋghəa zaŋā, ù lo zəa nù tuw ko.

Faic an caibideil

Matìo 19:29

Ghùw wəla ù mò tso zəghàa maʼà wô dzə̂ waazə̂ ghò, zə̀ghàa wò tsele àsùghò zə̀, ŋkāa wɛ a wə̄n, sum e wə̄n, ŋkāa ndughu tə wə̄n, enyəa ù bughòo a bàâ mùghò, ù lo kelê fʉgha u te wo təbɔm, ù kele sughò mùghùu zəla e doʼò tən.

Faic an caibideil

Mâk 8:36

Ghùw zə̌a kə̀ kwò abugho ù kele mɛʼɛ̀ fʉgha u mbī wo ù dzə̀m kè kuūwn zə kətuw à?

Faic an caibideil

Lûk 17:33

Ghùw wəla ù bəghāa səā mughù e wə̄n zo, ù lo gùuŋ nù, wə̄n ù laam nî tsughu enyəa e yo dzə̂ fəgha ko, ù lo zə kətuw.

Faic an caibideil

Lûk 9:24

Nu ghùw wəla ù də̀ma enyəa e so bəghaasə tuw kə wə̄n, ù lo gùuŋ nù; wəla ù tsàʼ mugho, ù lo kuūwn zə kə̄tūw.

Faic an caibideil

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Faic an caibideil

Kə̀fwàʼ 21:13

Pôl n dzɛ̀ â ghee enyəa, “Ghɛ̌ chi ghaa kwò ghɛ̀ sô bâŋsò mugho â fə̀ŋ aledì a? Ghəa à kɔlɔ̄ tsughuu a ghûw yi yo dzə̂ ghəa è li zo, mugho m boo alebùʼù kɔʼɔ̄ kpuūw daŋso an Yɛ̀lusalɛ̀m bòʼ ghəa e Mughubè ù sɛ̀, Yɛso.”

Faic an caibideil

Kə̀fwàʼ 9:16

tɔŋlo enyəa Ŋ̀ ki aledèe tsughu ghəa ù ki alebisō fala tsughu a te aŋ ghəa zaŋā.”

Faic an caibideil

1 Kòlentìan 9:23

Ŋ̀ ghəa a te gho a dzəm ghə̌əŋ ko alezùghòo làbəlà è dzùŋ è te, enyəa to M̀ mô kele sughò bughuso zəla e lo aŋ ghəa a te gho.

Faic an caibideil

2 Kòlentìan 12:10

Zən lò e ghee mùghò boo tsughu lɛɛ zo, esuwnlò, elɛ, ghəa à tughu gho, kə̀fə̀mso àsùghò zəŋ to, mùghò ghəa ghen boo tsughu an zən e Kə̀lestò; nu abugho Ǹ lɛɛ̄ tsughu, M̀ fi tughuu nù.

Faic an caibideil

2 Timotì 1:8

E kwo ko ghù lò so e də̂nsò kə̀tuw aleteso dzâa nduw ghəa a Mughùbè ù sɛ gho â ghì ghò, e kwo ko ghù lò də̂nsò sugho tuw ko aledzaā nduw enyəa ghù kwò nû mugho wəla N̂ lô fɛ an ndùghùtsāʼ aŋ ghəa e Kə̀lestò Yɛso. Laam təmdzəəŋ wò mugho alefala bòʼ làbəlà è dzùŋ zən aŋghəa Zə̀ kə̀ dzəlà wô ghû â sə̀ŋ zò a te.

Faic an caibideil

Hibùlù 11:35

Yîzən ghə ŋ kòʼ tsughu mò ghî a ghee ghəla ghe fə̀ kpuwnlo ŋ kòom zòo wò ebàm alo evʉ. Ghe n dèsò ghì a Kəzə̀ à li gho am fʉgha wə ŋkwə̀n, à li ghə m kpùw è daŋso, ghe màʼà fə̀ ləghaa yo aletuū maʼà Kə̀zə̀ enyəa to ghî a te a mô zəghà maʼà ghee. Ghe fə̀ enyə boo tsughu alekpuwnlo bòʼ enyəa ghe kê kelê mùghù è dzûŋ zò abugho e ghe kê kɔʼsə kɔʼ alo evʉ̄.

Faic an caibideil

Edêe Fughu 12:11

Ghe n təmzə kɔʼ wə̄n aŋ kàŋ tə Tsʉ u Ndzì u te wo àsùghò an êsəŋò zəla ghe kəaa, tɔŋlo enyəa ghe ka fə̀ŋ naŋa dzə̀ am mùghù e ghee, ghe m boo sùghò enyəa to ghe buʼù kpuwnlo.

Faic an caibideil

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”

Faic an caibideil

Edêe Fughu 7:14

Mùghò m bɛ̀lɛ̀ kɔ̀ʼ enyəa, “Ŋ̀ kwo yo a Mughùbè, à lǎam kwo ghû.” Ù n daŋso dzɛ̀ â mùghò enyəa, “Ghən fɛ lo ghî ghəla ghe lo mo ghe m fala an ndə̀mà tə aghəa fəgha lə ŋ kè kuūwn nomso ghee, ghe yia sûw maʼà tsughu dàlà tə ghee to aŋ kàŋ tə Tsʉ u Ndzì u te wo, tia tə fə̂m tsughu fùuŋ.

Faic an caibideil

Lean sinn:

Ceanglaichean taic

Sanasan

Sanasan