Mâk 8:34 - To kə Kəzə̀ kə̀ Fughu ko

³⁴ Yɛso n tɔŋɔ tsughu saʼ kə aghì chi à tsə̀təndə̄ghā tə wən to dzɛ̀ â ghee enyəa, “Abugho ghùw ləghaa ale dòʼò tsə̀ndə̄ghā zaŋā, ù nìi tsughu enyəa e yo dzə̂ fəgha ko, ù boō tsughu alefala a bòʼ mùghò.

Mâk 8:34 Iomraidhean Croise

Matìo 10:38

Ghùw wəla ù dòʼŋkè boō tsughu evʉ aŋ ghəa zaŋā, ù kà kɔ̀ʼ kpè tò ù è doʼò tsə̀ndə̄ghā zaŋā.

Matìo 16:24

Yɛso n daŋso dzɛ̀ â Tsə̀təndə̄ghā tə wə̄n to enyəa, “Abugho ghùw so e bwîi â bàâ mùghò, ù n ni tsùghù enyəa e yo dzə̂ fəgha kə̀ li ko, ù m boo tsughu evʉ, ù n nùghù wô a bàâ mùghò.

Matìo 27:32

Ghəa ghe nî kɔʼ Yɛso nùghùun ndùw â ŋgwəlā gho, ghe m kpeen ndùw, ghèe ghê ghùw ù Sìlɛ̂n ù lì an dziī ghe mò tɔŋlo enyəa à lò Sǎemòn, ŋgaam kwu tsughu wə̄n alo esə̀ŋ enyəa ù bòʼò dǎaŋ kə Yɛso.

Mâk 10:21

Yɛso n lɛɛn ko wə̄n enyə, è ləgha, dzɛ̀ â wə̄n enyəa, “Ghù làʼà èghəa è mɔ̀ʼ, ndǔw fěe tsughu fʉgha wəla ghù ki u dzə̀m, ghù dzughuu fughu nduw kua u te wo â ghì à laa gho, ghù lo e kūu alo kəwālā; ghù daŋso bugho doʼō ghàʼ à ghù; ghù è lo tsə̀ndə̄ghā zaŋā.”

Mâk 7:14

Yɛso ŋ kòom tɔ̀ŋɔ wò saʼ kə aghì chì ko ebàm, dzɛ̀ â ghee enyəa, “Ghɛ̀ a dzə̀m naŋa wo nlò tuūŋ wɛʼɛ wo fɛ â mùghò, ghɛ̀ zuw tsughu fəgha kə̀là Ǹ so Ǹ dzâa wô;

Lûk 13:24

“Də̀ma tən tsughu nlò aletsə̀ghàa nyə am fanso fə fù u ndughu, nu Ǹ so Ǹ dzâa wô â ghɛ̀ enyəa, ndə̀m è àghì kè lə̀ghaa nù aletsə̀ghàa nyə, dzì è ke kuuwn m buw.

Lûk 14:33

E fi lo enyəa, ghùw wəla ù yò alezə̀ghàa taʼà fʉgha wəla ù ki u dzə̀m, ù yò aledòʼò tsə̀ndə̄ghā.”

Lûk 18:22

Yɛso n zyənlo è ko, dzɛ̀ â wə̄n enyəa, “Ghəa e nāam buw e mɔ̀ʼ. Fěe tsughu fʉgha wʉ̀a wò u dzə̀m ghù dzughuu fughu nduw kua u te wo â ghì à laa gho, ghù doʼo wo ghàʼ à ghù, ghù ke e kūu alo Kəwālā.”

Lûk 20:45

Yɛso n dzɛ̀ â tsə̀təndə̄ghā tə wə̄n to an sə kə ghì ghəla ghe fə̀ ti fughu a dzə̀m enyəa,

Lûk 9:23

Ù n daŋso dzɛ̀ â ghì ghò a dzə̀m enyəa, “Abugho ghùw so e bwîi ghàʼàwə̄n, ù n nì tsùghù aŋ ghùe u wə̄n enyəa e yo dzə̂ fəgha ko, boo tsughuu alefanlo a bàâ mùghò, tsuʼu mən n dzə̀m n dzə̀m.

Dzɔ̌n 10:27

Ndzì taŋa tə zuūwkɛlɛ dzə̀ zaŋa, yìa M̀ kwo ghee, ghee yia bwîi a bàâ mùghò.

Dzɔ̌n 19:17

Sùghugòʼ tə̀ n daŋso nì kɔ̂ʼ Yɛso aŋ ghu kə ghee. Ghe n nì sə̀ ndùw Yɛso mò u m bòʼò kèle dâŋ ko, nì ndùw wə̄n aŋ kwàʼ u kaŋ kə kətuw, mo e moʼnlò an shwaʼ u Hibùlù enyəa à lò Gɔɔlgɔtà.

Kə̀fwàʼ 14:22

Ghe n dzəlà ndùw tsə̀təndə̄ghā tə ghee â sə̀ŋ zò, toon ndùw ghee enyəa ghe e ti ko am fə̂ŋ zəla ghe gaʼ tsughu aŋ Kə̀lestò. Ghe n dzâa ndùw sùghò â ghee enyəa, “A ki ko alenyə am Fɔ̀e u Kəzə̀ mo an tèlè fàla tsughu dzə̀.”

Lumà 6:6

Sɛ̀ kwo nû enyəa fəgha kəla sɛ̀ mò bûʼ lo tsəgha ghè kò mafə kpuw nùghùu alo kədàŋlo ghèe Kə̀lestò, enyəa to Zə̀ kə̀ mô wiī maʼa mbuw fə ghəa a biigh gho a zəŋò sɛ̀, alezèe zəghà sɛ̀ am fàŋa kə ghəa à biigh gho.

Lumà 8:17

Ghəa sɛ̀ lò wɛ a wə̄n gho, sɛ̀ lo zəa sùghò nù fʉgha wəla Zə̀ kə fə̀ to naŋa â ghî a wə̄n gho. Sɛ̀ à ghê Kə̀lestò lò dzeŋe zəa sùghò nù fəgha kəla Zə̀ kə mò naŋa â wə̄n; tɔŋlo enyəa, abugho sɛ̀ fala dzəŋlo sɛ̀ à ghê Kə̀lestò, sɛ̀ à ghee e ke dzeŋe lo sugho a dzə̀m an səghanyəgha ŋ wə̄n.

1 Kòlentìan 15:31

Ǹ lo ko an dzughu zə evʉ̄ an tsuʼu mən n dzə̀m, tò aŋghəa Ǹ tsɔɔ̄ fə̀ŋ a te a zəŋò ghɛ̀ aŋghəa sɛ̀ lô fəgha ko kə mɔ̀ʼ sə̀ à ghê Mughùbè ù sə̀ Kə̀lestò Yɛso.

1 Kòlentìan 8:13

Abugho fʉghàzəa wəla Ǹ zəa ghəŋlo enyəa wàanùghò ghəŋlo èbo, à fi lo enyəa Ŋ kê kòom pfʉ̀ kòʼ yò nyòm aleghəŋlo enyəa waanùghù ù lì lò kôom bvʉ̂a alo ebo.

1 Kòlentìan 9:19

Aŋghəa Ǹ tsô ndzə̂əm lô ko fɛ, Ŋ̀ ghəəŋ naŋa tsughu ghue waŋa tò kəkɔ̂ â ghì ghən à dzəm, nyəa to M̀ mô tsòo fəghaan ghəəŋ ndùw ko enyəa ghî ghə̀ e boom fughuu nduw â Kə̀lestò.

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Gàlashìan 6:14

Yia a bùghò, Ŋ̀ ki ko aletsɔɔ̄ fə̀ŋ an dǎaŋ kə Mughùbè ù sɛ̀, Yɛso Kə̀lestò. Ghəa a mbī a dzə̀m à lo kənughùnu â mùghò, yìa à lǒ tò mùghò m kpuw â ghəa a mbī gho.

Fèlepìan 3:10

enyəa aŋ ghəa ghən à dzə̀m, Ǹ dəmà alekele wə̄n, mùghò è ki sughò daʼa kə wə̄n kəla ù fə̀ kpuw kɔʼ sə alo evʉ̄ a te, àsùghò enyəa to M̀ mô fǎan sùghò tǒ aŋghəa ù fə̀ fala am fala e wə̄n, M̀ bughò doʼò sughò tǒ wə̄n aŋghəa ù fə̀ kpuw a te.

Fèlepìan 3:7

Ghəa a te a fə̀ lo tsəgha kɔ tə aghəa â mùghò. Êzə̄ŋ, yìa Ŋ̀ kôʼ tsughu enyəa ghəa a te a lo kə̀nughùnùghù, bòʼ Ǹ ləghaa alekele Kə̀lestò.

Kòloshìan 1:24

Ǹ duʼn nù êzə̄ŋ am fala zaŋā bòʼ ghɛ̀, yia a bughô fala zəla M̀ fanlō êzə̄ŋ, Ǹ yôsò alemìasò kɔʼ am fəgha kəla kə fə̀ doʼòdoʼo am fala e Kə̀lestò bòʼ ghue u wə̄n, tɔɔŋ dzeŋe kə ghì a Kə̀zə̀.

Kòloshìan 3:5

Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

2 Tɛ̀sàlonìan 3:11

Ghǎʼ yia a naām zuuw ko enyəa bɔ̀lɔ̀bɔ̀n tə aghì tə̀ li tə naam lo ko am bvʉa zɛʼɛ mo ghe ləghaa yo aleghə̂əŋ ghəa è li zo aŋ ghùe e ghee, kuuwn nyəaa kaaŋ tsə̀ghà aŋ ghəa a aghì nughù ghò.

Taetùs 2:12

Dzɔ̂ e Kəzə̀ zən zoʼn wò sɛ̀ enyəa sɛ̀ tuū maʼà tsughu mughùu zəla à yò dzə̂ mughùu e ghì a Kəzə̀ zò, a ka fə̂ŋ tə̀ gaʼ sùghò am fʉgha u mbī wo, àsùghò enyəa sɛ̀ è naŋso tsughuu kə ebwìi kə sɛ̀ kò aŋ ghəa a sɛ̀ à ghəəŋ gho, sɛ̀ è ki fə̂ŋ tə̀ dzûŋ tò, mùghù sugho aŋghəa Zə̀ kə̀ ləghaa enyəa to a mô mùghu fɛ a te am mbī zən.

Hibùlù 13:13

Bùgho nlo tò sɛ̀ ndûw səā koʼò wə̄n êzəŋ a beē kə ghɔŋ wə enaʼ, a ndûw boʼò sughò tuw kə̀ dəla kəla ù fə̀ boʼō.

1 Pità 4:1

Aŋghəa e lô enyəa Kə̀lestò fə̀ fala aŋ gwə̀n e ughùe, kele tsùghù sùghò nlò moʼnlò e wə̄n e te zo; tɔŋlo enyəa abugho ghùw zuw tsughu fɔɔn zo aŋ gwə̀n e ughùe, ù ŋ kôom ki yo moʼn zo aleghəŋlo ebo.

1 Pità 4:13

E laam lo nlò alo eduʼnlo enyəa ghɛ̀ nyɔʼɔ̀ faan sùghò tǒ Kə̀lestò, tò ghɛ̀ e ke lo alekele sughò duʼnlo è ne zo abugho ù kè dê sə wô ghaʼ e wə̄n zo.

2 Pità 1:14

Ŋ̀ kwo nû enyəa aletsùuŋ tsughu, Ǹ lo kòom yò dzə̂ a sə à tughu gho tò aŋghəa Mughùbè waŋa Yɛso Kə̀lestò mò tɔ̂ʼ dê fughu wo â mùghò.

1 Dzɔ̌n 3:16

Ghəa ghən ghə ŋ ghəŋlo sɛ̀ yia a zoʼn kele kɔʼ fəgha kəla ləgha e lo ghe kò, mo e lo enyəa: Tò aŋghea Kə̀lestò fə̀ boo tsughu alekpuw an tuw u sɛ̀, sɛ̀ ki aleboo tsughuu sughò alekpuw an tuw u waazə̂ a sɛ̀.

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”