Mâk 8:22 - To kə Kəzə̀ kə̀ Fughu ko

²² Yɛso m bùghò am Bɛ̀dsǎedà ghèe ghê tsə̀təndə̄ghā tə wə̄n to. Ghî à li ghə n nì wò ghùwfǒo ù lì a vʉ̀a Yɛso, bùghò bùʼ kəghu â wə̄n enyəa ù mɔ̀ɔ tsughuu ghùwfǒo vʉ aŋ ghu tò ù tughū kɔʼ.

Mâk 8:22 Iomraidhean Croise

Matìo 11:21

“Ghî a Kolàzîn ghò, àsùghò ghɛ̀ a ghî a Bɛ̀dsǎedà ghò, ghɛ̀ ke kòʼò mùlùŋ! Tɔŋlo enyəa abugho a mô fwaʼā num tə aghəa tən â ghì a Tâe ghì àsùghò ghì a Sidɔ̀n ghò, to ghe maā ndzʉ tə təmbə̀ghà tə̀ ki ka aledzə̀là, tsòʼnlò utuw an udzə̀m, aledèe tsughu enyəa ghe m fə̀ŋ tə ghee tə ti kuwnlo.

Matìo 14:36

ghe buʼu ndûw kəghu enyəa to ghe mô mɔ̀ɔ tsùghuu kô dzughu e təndzʉ̄ e wə̄n; ghuw wəla ù mò mɔ̂m dzə, ù mò è tughu.

Matìo 8:15

Ù m mɔ̀m tsùghù ghu kə wə̄n, ghue u te u mo è tsom. Nughò vʉ n nùghù è kɔʼ ghàʼn nì nàŋa wò wə̄n â fʉ̀ghàzəa wo.

Matìo 8:3

Yɛso n daŋso dàan ndùw kə̀ghu, mɔ̀m tsùghu wə̄n, dzɛ̀ tsùghù enyəa, “Mùghò n tsə̀m, tughu kɔ̀ʼɔ̀.” Tsùghò ti tə n daŋso zə̀ghàa tsùghù tûwbʉ̀ghà vʉ̀ an nə̀gha zə̀ èzə̀.

Matìo 9:29

Yɛso n daŋso mɔ̀m tsùghù sə a ghee, dzɛ̀ tsughu enyəa, “E doʼò ndûw ko êzə̀, aŋghəa ghɛ̀ boō fughu tsughu dzə.”

Mâk 2:3

Ghî à li gho a chìakò n ndùw bòʼò wò ghùw mò ù lò kəkə̀ŋlò a vʉ̀a wə̄n.

Mâk 3:10

tɔŋlo enyəa ghəa ù mò baāŋ tsughu ndə̀mà tə aghì tò, ghî a dzaŋa a te gho a dzə̀m m faʼso nyəa wò ko alebùghò mɔ̂ɔ tsughu wə̄n.

Mâk 6:45

Yɛso n daŋso lùum dzə̀n kɔ̌ʼ tsə̀təndə̄ghā tə wə̄n alo kəkwə̀n enyəa ghe nughù ndûw am Bɛ̀dsǎedà â sə ko, e kuūwn ghəə̄ŋ tsughu ghî à sɛ̂ɛ tsughu.

Lûk 10:13

“Tsû ù ne wo a zəŋò ghɛ̀ a ghî a Kolàzîn ghò, àsùghò â ghɛ̀ a ghî a Bɛ̀dsǎedà ghò; nu sə̀ghà məla ghe fə̀ dêe fɛ â ghɛ̀, bugho a mô deē â ghì a Tâe ghò, àsùghò ghì a Sidɔ̀n ghò, to ghe maā ki ti kuwnlo, ghe e lo an shwàʼ ù təndzʉ̄, muŋe.

Lûk 9:10

Ghəa tum tə Kə̀lestò tə̀ kwən nyə wo ebàm, ghe n taŋso dzɛ̀ kɔ̀ʼ wò ghəa yia ghe mò ghəŋlo â wə̄n. Yɛso n daŋso nì kɔ̌ʼ ghee, nùghù ndùw sàŋe dòʼò ndùw ghèe ghee an nāʼ e Bɛ̀dsǎedà.

Dzɔ̌n 1:44

An lo êzə̀ mo Felêb sə sùghò am Bɛ̀dsǎedà tò Pità ghèe Andèle.

Dzɔ̌n 12:21

Ghî ghə e Tòʼò a te ghə m bùghò kòʼ wò ghùw ù Bɛ̀dsǎedà ù lì, ù sə aŋ Galèlîi ghe fə̀ tɔŋlo enyəa à lò Felèp, dzɛ̀ â wə̄n enyəa “Mughùbè, ghàʼ mô lə̀ghaa alekòʼ Yɛso.”