Mâk 8:21 - To kə Kəzə̀ kə̀ Fughu ko

²¹ Ù n daŋso bvʉ tsughu â ghee enyəa, “Ghɛ̌ yia kaām zuuwkɛlɛ yo a?”

Mâk 8:21 Iomraidhean Croise

Mâk 6:52

tɔŋlo enyəa ghe ka mō zuwkɛlɛ̄ sùghò ghəa a ugbɛ a yî, ghe màʼa fə̀ tughū â fə̀ŋ tò alezuūwlɛlɛ̂ ghəa a te gho.

Mâk 8:12

Ù n sɔ̀m mìasò ndùw enyəa am fə̂ŋ è wə̄n, dzɛ̀ tsùghù enyəa, “À lǒ kwò mweē e nɛ zən ləghaa alekòʼ tsə̌a è ùshʉ̀ghà lo a? Ǹ so Ŋ̀ kûu dzâa wô a ghɛ̀ enyəa mweē e nɛ zən yo to ghee e kôʼ tsə̌a è lì.”

Mâk 8:17

A m bùghò Yɛso kele tsughu ghəa yia ghe mô kəaa, ù n dzɛ̀ â ghee enyəa, “À lǒ kwò ghɛ̀ sô dzɛ̂ enyəa ghɛ̀ ki yo bɛ kōʼ a? Ghɛ̀ kaam kòʼò tɔ̌ɔ to yo ghəa gho, zuuwkɛ̄lɛ̄ sùghò yò à? Ghɛ̀ saa â fə̀ŋ tò à?

Mâk 8:22

Yɛso m bùghò am Bɛ̀dsǎedà ghèe ghê tsə̀təndə̄ghā tə wə̄n to. Ghî à li ghə n nì wò ghùwfǒo ù lì a vʉ̀a Yɛso, bùghò bùʼ kəghu â wə̄n enyəa ù mɔ̀ɔ tsughuu ghùwfǒo vʉ aŋ ghu tò ù tughū kɔʼ.

Mâk 9:19

Ù m bɛ̀lɛ̀ tsùghu ghee enyəa, “Ghɛ̀, ghê làʼà tə̀ fə̀ŋ a nɛ ghən aŋ ghəa e Kəzə̀, Ŋ̀ kôom bùʼ kì ko ntsuʼ n sǒʼ sɛ̌ a? Bùghò â wən fɛ.”

Dzɔ̌n 14:9

Yɛso m bɛ̀lɛ̀ ndùw wə̄n enyəa, “À fi lo enyəa, an dəghà kə kəgha kəla Ǹ lô fɛ sɛ̀ a Felèp, ghɛ̀ kaām kwo to yo mugho a Felèp? Ghùw wəla ù lo mò ù m mùghò kôʼ, ù ŋ kôʼ sùgho Bəghà. À sò lò kə kwò ghɛ̀ sô naām məghaan wə̄n a?

1 Kòlentìan 15:34

Kwən nyə̀ wò nlò an tɔ wɛʼɛ ù səŋò wò, ghɛ̀ ka ghəa à biigh a kôom ghə̌əŋ sùghò. Ghɛ̀ â li a kwo dzə yo Zə kò. Ŋ̀ ghəa ghən â ghɛ̀ kə̂aa wò enyəa Ǹ dənsò tsughu tuw kɛʼɛ̄.

1 Kòlentìan 6:5

Ŋ̀ ghəa ghən kə̂a wò enyəa Ǹ də̂nsò wô tuw kɛʼɛ. To e fɛ lò enyəa ghùw yò am bvʉa zɛʼɛ̄ ù tɔɔ̄ tò ù è biaan ghəa gho am bvʉa e waazə̂ a wə̄n a, tɔ̂ɔŋ ghì a Kəzə̀ a?