Mâk 7:7 - To kə Kəzə̀ kə̀ Fughu ko

⁷ ghe mugho kɔʼso màʼn kə̀nughùghù, zoʼnlo àghì aŋ ghəa a mbī gho enyəa à lò ghəa a Kəzə̀.’

Mâk 7:7 Iomraidhean Croise

Matìo 15:9

Ghe loʼsò ghue e ghee enyəa ghe kɔʼso mùghò, nu ghî à bughòo tsughu ghəa a ghee ghe yia zoʼn kaāŋ ghî gho a te tò a e soō à lò lâŋ kaŋa.’ ”

Matìo 6:7

Abugho ghù gɔ̀ŋlo kà è buʼn bɔ̀ŋ mò tò Etoʼò; nu ghe moʼò enyəa Zə̀ kə ghee fɛ e zuw an dəghà kə e gɔŋlò kəla ghe gɔɔŋ tsughuu.

1 Kòlentìan 15:14

Abugho ghe mò dôʼkè zôo nughù kɔʼ Yɛso alo evʉ, à fi lo enyəa shwaʼ wəlà ghàʼ naʼn wô fɛ, u lo kə̀nughùnùghù, àsùghò enyəa fə̀ŋ zɛʼɛ zəla ghɛ̀ gaʼ a zəŋò Kə̀lestò lò sugho kə̀nughùnùghù.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

Kòloshìan 2:22

Lwâŋ wən bɔɔm lò ko am fʉghà wəla u kôom ki yo fwàʼ kò abugho a fwâʼ tsəgha dzə a te, à sò ghəa a te bùghòo kɔʼ ghuw, zoʼn ndùw àghì a te. Wən tsò lò ko lwâŋ wəla ghî à tɔm naŋā tsughu, zoʼn wò àghì a te.

Taetùs 3:9

Kà è bwiī fwən wo ghɛ̀ à ghêe ghì ghəla ghe ləghaa alepfʉa dzughu gho an làʼsò tə aghəa, ŋkāa ghəla ghe taŋso wii to an zən a aghì mo ghe mafə̄ kpuuwn tsə̀ghà, boom naaŋ sùghò yò ghəla ghe zughùu zeē kùu ndùw làŋ kə Tə̀dzûu, bòʼ ghəa a te a tsəa yo aŋ ghə̀a è li zo, yia ki sughò yo fwàʼ kə̀ li ko.

Dzɛ̂ms 1:26

Abugho ghùw tsêe kaāŋ ghue u wə̄n wo enyəa e lo ghùw ù Kə̀zə̀ mo ù nàŋso yo nom kə wə̄n ko, ghəa a Kə̀zə̀ a wə̄n a te ghə ŋ kwuu yo ghəa zo.

Dzɛ̂ms 2:20

Làʼsò kə ghûw kən, ghù lə̀ghaa enyəa a dêe wô â ghù enyəa à lǒ kə̀nughùnughù abugho ghù dzɛ̀ enyəa e boo fughu â Kə̀lestò mò ù dèe tsùghuu yo am fwàʼ kə wə̄n kə̀ dzûŋ kò a?

Edêe Fughu 22:18

Mùghò Dzɔ̀n, M̀ fɛ tɔ̀ʼɔ̀ kwɛ̀ɛn wò ghɛ̀ a dzə̀m ghəla ghè zuuw shwaʼ u ushʉ̀ghà u mwàʼsò kən. Abugho ghùw baʼso ghəa zo am mwàʼsò kən, Zə̀ kə̀ lo tuū wô zəŋ təla ghe teso naŋa am mwàʼsò kən a zəŋo wə̄n.