Mâk 7:34 - To kə Kəzə̀ kə̀ Fughu ko

³⁴ Ù n lɛɛn kɔ̀ʼ ndùw kəwala dèmè tsùghù kədèmè, dzɛ̀ â ghùw vʉ enyəa, “Ɛ̀fatà.” E moʼò enyəa, “Tsʉ kɔ̀ʼɔ̀.”

Mâk 7:34 Iomraidhean Croise

Mâk 1:41

Se zə ŋ ŋge kwū Yɛso, ù n dàan ndùw kə̀ghu, mɔ̀m ndùw wə̄n, dzɛ̀ â wən enyəa, “Mùghò n tsə̀m, ghù zɔn tsughu.”

Mâk 15:34

An tàm tə ezūuw tə təgha Yɛso n nùghù dì sə kɔʼ an dzə̂ è tughu enyəa, “Ɛlɔ̌i, Ɛlɔ̌i, lɛma sàbachtānì?” Mo e môʼn tsùghùu enyəa, “Zə̀ kaŋa ko, Zə̀ kaŋa ko, ghù mùghò ènyə màʼà naŋatàʼà kwò à?”

Mâk 5:41

Ù ŋ kwu tsughu ghu kə wɛ̀ fi fo, dzɛ̀ â wə̄n enyəa, “Tàlità Kumɛ̀.” Mo e moʼnlò enyəa, “Êwɛ̀, nùghu kɔʼɔ̀!”

Mâk 6:41

Ù n nì kɔ̀ʼ gbɛ vʉ̀ ù twɛ̀ à tsəghaa tì to tə bə̀ghà, lɛɛn kɔ̀ʼ ndùw kəwala, fughu ndùw kə̀zɔ̀ŋlò â Zə̀ kò. Boʼn fughu tsughu â tsə̀təndə̄ghā tə wə̄n to enyəa ghe dzughùu fughuu ndûw â ghì yì gho; ù ŋ dzùghùun fughu kaaŋ wò tsəghaa tì to â ghì yì à dzə̀m.

Mâk 7:35

Tuŋlo u wə̄n wə n daŋso tsʉ̀ è kɔʼ, nom kə n tsə̀ghà è nduw, shwaʼ u wə̄n wə n daŋso zɔ̀n sə̀ è wo.

Mâk 8:12

Ù n sɔ̀m mìasò ndùw enyəa am fə̂ŋ è wə̄n, dzɛ̀ tsùghù enyəa, “À lǒ kwò mweē e nɛ zən ləghaa alekòʼ tsə̌a è ùshʉ̀ghà lo a? Ǹ so Ŋ̀ kûu dzâa wô a ghɛ̀ enyəa mweē e nɛ zən yo to ghee e kôʼ tsə̌a è lì.”

Lûk 18:42

Yɛso n dzɛ̀ â wə̄n enyəa, “E koʼō luʼū to, boo zəghà zə̀ ŋ ghù baŋlo.”

Lûk 19:41

A m bùghò Yɛso kòʼ nduw Yɛ̀lusalɛ̀m ghəa u kuʼso ndûw naʼ e te zo, sə̀ mə̀ n nyə̀ŋ kwə̀là wò wə̄n,

Lûk 7:14

Ù n daŋso sə kəŋo kwū tsughu kəmbùŋ, ghî ghəla ghe mò boʼò kele mbùŋ chì ko n tēe è tsughu. Ù n dzɛ̀ tsùghù enyəa, “Ǒ wɛ̂ɛtùghu, Ǹ dzɛ̂ enyəa, ghù nughu kɔʼ.”

Dzɔ̌n 11:33

A m bùghò Yɛso kòʼ aŋghəa Mèle àsùghò Dzûu tia ghe fə̀ lo a dzə̀m dzeŋe dîi, ghəa a te ghə ŋge fəmso wə̄n am fə̂ŋ, muūwn kə ŋ kɔʼ wə̄n.

Dzɔ̌n 11:35

Yɛso tsànlò è di.

Dzɔ̌n 11:38

A m bùghò muūwn kə naām ŋgeē kɔʼɔ̄ ko Yɛso, ù n ndùw a fughu alo eshìaa. À fə̀ lo kəbûʼ ghe gūw nyə nduw alo kəgwōo mo ghe n dzʉ̀a nàŋa alo etīa.

Dzɔ̌n 11:41

Ghe n daŋso bəŋso nùghù tsughu tia e te zo. Yɛso n nyaaŋ kɔʼ kɔʼ edzūŋ, dzɛ̀ tsùghù enyəa, “Tsele waŋā, M̀ fughû zɔ̀ɔŋ kə̀a enyəa ghù m mùghò zuw.

Dzɔ̌n 11:43

A m bùghò ù kə̀a mɛʼɛ̀ tsughu ghəa ghən gho, ù n dzɛ̀ sə kɔʼ an dzə̂ è tughu enyəa, “Lazalùs, nùghu sə wò!”

Dzɔ̌n 17:1

A m bùghò Yɛso kə̀aa mɛʼɛ̀ tsughu ghəa ghən gho, ù m bòm lɛ̌ɛn kɔʼ kəwālā, ka tsughu alegɔ̀ŋlò enyəa, “Tsele, nəgha zə e mô èzəŋ e kpe â ghù aleghəŋlo enyəa ghî à kôʼ kɔʼso məla wɛ wʉ̂a ki, tò enyəa ù nìi wô ghù â kɔʼso mò a Tsele,

Kə̀fwàʼ 9:34

Pità n dzɛ̀ â tûw vʉ enyəa, “Aenìas, Yɛso Kə̀lestò fɛ baaŋ ghù; nùghu kɔʼɔ̄, ghù fəghaan tsughu chʉ̂a wʉ̀a wò!” Aenìas n daŋso nùghù è kɔʼ.

Kə̀fwàʼ 9:40

Pità n dzùm sə̀ ndùw ghee a dzə̀m a beē, tsughu nyaʼa è tsughu, dì dzɛ̀ ndùw â Zə̀ kò. Ù m fə̀n ndùw ùghue aŋ gwən e te zo, dzɛ̀ tsùghù enyəa, “Tàbità, nùghu kɔʼɔ̀.” Tàbità n zə̀ghàa kɔ̀ʼ asə̄, ghəa ù kòʼ kɔʼ Pità, ù n nùghù dòʼò èkɔʼ.

Hibùlù 4:15

Tɔŋlo enyəa Tuw kə fɔ̀e kəla sɛ̀ ki, à yò dzə kəla kə buw alekwuso èse a zəŋò sɛ̀ abugho sɛ̀ bvʉ̂ kôom tsughu; sɛ̀ laam ki Tuw kə fɔ̀e kəla kə lǒ mo ghe ŋ wə̄n tsoom kaŋlo alo tədzìī tə dzə̀m, to ghe mò tsoōm kôʼ sugho sɛ̀, ù ŋ kè kuūwn ŋgəmso ghəŋlo èbo.