Mâk 7:27 - To kə Kəzə̀ kə̀ Fughu ko

²⁷ Yɛso n dzɛ̀ â wə̄n enyəa, “A buʼù niī tsughuu dzə̂ wɛghêtùghu, e dzɔ̂ɔ yò alenìi nyâan maʼà fʉ̀ghàzəa u wɛghêtùghu â bvʉ to.”

Mâk 7:27 Iomraidhean Croise

Matìo 10:5

Yɛso n tùm sə ndùw ghî ghən èghəm à ghè ghò a bə̀ghà mò ù ŋ ghee kûɛɛn tsùghù enyəa, “E kwo ghùw wɛʼɛ lô ndûuw an də̀ŋò təla Toʼò è lo a te, kà nyə sùghò nlò an nàʼà tə̀là ghî a Sàmalìa à mughu a fughu,

Matìo 7:6

Kà nî fʉghazəa ù baa wo ghù fughu â bvʉ to, abugho ghù bùʼ fughu ko nû, tə n nāam nùghù ŋaŋè wò ko ghù. Ŋkāa, kà nî kɔ tə ufʉgha wʉ̀a ù dzəəŋ wo ghù fughu nduw â kwə̀lebʉ̄ghā wo, abugho ghù bùʼ fughu ko nû, ghê n nì dzùghòon màʼà tsùghù alo aghùw.”

Mâk 7:26

Nughò vʉ fə̀ lo Etoʼò â Dzûu tò, ghe fə̀ dzə am mbùʼ è Fònishìa an nāʼ e Silìa. Ù m buʼ nduw kə̀ghu â wə̄n enyəa ù dzùu səā wô zʉ̀ u te wo a zəŋò wɛ̀ ù wən.

Mâk 7:28

Nughò vʉ ŋ kuuwn bɛ̀lɛ̀ ndùw Yɛso wən enyəa, “Òo mughùbè, bvʉ təla tə bûʼ lô ko a tsəla teblè, tə ŋgəəŋ kuum zəa nù sugho to am fʉ̀ghàzə u wɛghêtùghu.”

Kə̀fwàʼ 22:21

Mughu ù te n dzɛ̀ â mùghò enyəa, ‘Nùghu ndùw, nu Ǹ so Ǹ lɔʼsō tuū nùghù ndûw ghù a vʉ̀a Tòʼò tò.’ ”

Lumà 15:8

Ǹ so Ǹ dzâa wô â ghɛ̀ enyəa Kə̀lestò fə̀ bugho tǒ ghùw u kəfwàʼ â Dzûu tò alebùghò dêe tsughu enyəa Zə̀ kə naaŋ nù dzughu e wən zo am fəgha kəla kə fə̀ to naŋa à ghê tselê tsele a ghee gho.

Efɛsùs 2:12

Ghɛ̀ e taā moʼn tsughuu enyəa tî kə te kə fə̀ lo mò ghɛ à ghê Kə̀lestò ka n zə dzəəŋ dzə̀, ghɛ̀ à ghê Ezə̀lɛ̂ n ndzùghùn lò sugho, ghɛ̀ ŋ ki yo ghu ko aŋ kàa məla Zə̀ kə̀ fə̀ zə ghèe ghê ghì a wə̄n gho an to u wə̄n wəla ù fə to naŋā. Ghɛ̀ n chîi yǒ tùʼ aŋ ghəa è li zo, Zə̀ kə̀ n yo sughô am mbī zɛʼɛ.