Mâk 6:3 - To kə Kəzə̀ kə̀ Fughu ko

³ Wən mgbàŋ yò kɔmfəndàŋ wə̀n à, wɛ̀ ù Mèle wən a? Yia a so wə̄n lǒ wàazə̀ Dzɛ̂ms, ghèe ghê Dzosɛ̀s, à Dzudàs, àsùghò Sǎemòn a, wàazə̀ Dzɛ̂ms, waazə̂ à zən a gbaŋ yò ko fɛ sɛ̀ à?” Nə̀ghà mə̀ m mbè ndùw ghee a zəŋò wə̄n.

Mâk 6:3 Iomraidhean Croise

Matìo 11:6

Dzɔ̀ lǒ â ghùw wəla ù pfʉsō yô nʉ̀ghà wò a zəŋò mùghò.”

Matìo 12:46

Aŋghəa Yɛso naām kə̂a ghəa gho â ghì a yi gho, zə̂ m bùghò těe wò a beē ghèe ghê waazə̂ ghò, ghe ŋ kəŋo dzì alekə̀a aghəa ghèe ghee.

Mâk 15:40

Yîzən à li ghə n lo a fughu, ti alo kədɛ̀, lɛ̂ɛn wò ghəa yì. Yîzən a te a mò lo, Mèle Màgdàlɛ̂n, Mèle (zə̂ Dzɛ̂ms, wɛ̂ɛtùghu ù Dzosɛ̀s), àsùghò Sàlomɛ̀.

Mâk 3:18

Andùlù n lo mɔ̀ʼ, àsùghò Felêp, àsùghò Bàtòlòmîa, àsùghò Matìo, àsùghò Tɔ̀mâs, àsùghò Dzɛ̂ms wɛ̀ ù Afìus, àsùghò Tàdîos, àsùghò Sǎemòn, ghùw wəla ù fə̀ ŋeē ləghaa naʼ e wə̄n zo,

Lûk 2:34

Simìon n daŋso gɔ̀ɔŋ tsughu an tuw u ghee, dzɛ̀ â zə̀awɛ̀ enyəa, “Kòʼô, wɛ vʉ̀a ghɛ̀ koʼō fì, Zə̀ kə̌ wə̄n tum wò alebvʉ̀sò maʼà ndə̀m è aghì àsùghò alekɔʼso naŋa à li gho fɛ an naʼ zə Ezə̀lɛ̂. Ù kè lǒ tsə̌a Zə̀ kə̀ tum wo, ndə̀m è àghì kè tsɔ̂mlò,

Lûk 7:23

Dzɔ̀ lǒ ghùw wəla ù sò pfʉso yô nʉghà wò a zəŋò mùghò.”

Lûk 8:20

Ghùw ù lì n dzɛ̀ tsə̀ghà ndùw â Yɛso enyəa, “Zughù tì fɛ a beē ghèe ghê waazughù ghò, ghe ləghaa alekòʼ ghù.”

Dzɔ̌n 14:22

Dzudà (wəla à kuūwn yô dzə Eskalìot) m bvʉ â Yɛso enyəa, “Mughùbè, à kǔuwn lǒ bòʼ kwò ghù lo kaā dêe ko ghue wʉ̀a wò â ghàʼ tsə̀təndə̄ghā təgha a, mo mbī kuuwn yò a te?”

Dzɔ̌n 6:42

Ghe ŋ kə̂aa enyəa, “Wən mgbàŋ yǒ Yɛso à, wɛ̀ ù Dzùghùsî wə̀n à, wəla a mgbaŋ kwo tsele ghèe zə̀ à? Ù lò ênzə̂n aledzaā wo êzəŋ enyəa ‘Ǹ sə tsùghù wò alo kəwālā a?’ ”

Kə̀fwàʼ 1:13

A m bùghò ghe nyə nduw enaʼ, ghe n tsə̀ghà kɔ̀ʼ ndùw an dzughu e ndughu zəla ghe mò mughu a te an ndùghù è kɔ̀ʼɔ daŋso. Ghî ghəla ghe mò lo a fughu mò lo Pità, Dzɔ̌n, Dzɛ̂ms, Andùlù, Felêp ghèe Tɔ̀mâs, Bàtòlòmîa n lo sugho ghèe Matìo, Dzɛ̂ms, wɛ̀ ù Afìus n lo, Sǎemòn Zilɔ̀t n lo sugho, àsùghò Dzudàs, wɛ̀ ù Dzɛ̂ms.

Kə̀fwàʼ 12:17

Ù m fòʼ kɔ̀ʼ aŋ ghu kə wə̄n â ghee enyəa ghe doʼò tsughu mɔŋ, daŋso teso dzɛ̀ ndùw ghəa Mughubè ù te mò nî nughù sə wo wən a te an ndughutsāʼ â ghee. Ù m bùghò bàʼso tsughu enyəa, “Dzǎa ndùw ghəa ghən â Dzɛ̂ms ghèe ghê ghì ghəla ghe lo mo ghe m boo.” Ù n daŋso nùghù è tsughu nùghù ndùw luʼū tə wə̄n.

1 Kòlentìan 1:23

Dzûu tə̀ kuuwn ləghaa yo làbəlà è dzuŋ zəla ghàʼ naʼn wo kùu ndùw Kə̀lestò wəla ghe mò təghāa alo kədàŋlo, làbəlà e te zə̀a è lò elâʼsò zò â ghì a Gəlês ghò,

1 Kòlentìan 9:4

À lǒ mò e lo nû enyəa Ŋ̀ ki yo daʼa ko alekelê fəghà kə zəa ko àsùghò kə̀ mʉa ko am fwàʼ kəla M̀ fwaʼā ghè kò à?

Gàlashìan 1:19

Ŋ̀ ka fə kôom sə kpeen dzə̀ ghàʼ à tùm è Yɛso è lòʼ à gɔ̀ʼɔ̀ ko Dzɛ̂ms, wàazə̀ Mughùbè ù sɛ̀.

1 Pità 2:4

Bùghò nlò a vʉ̀a Mughu ù te, a vʉ̀a tia zəla e mughu, zəla ghî a mbī a tue maʼa kɔʼ enyəa e ki yo fwàʼ kò, mò Zə̀ kə ŋ kuūwn shìaa sə wo tò kɔ kə kəfəgha.

Dzûd 1:1

À mwàʼsò kən kə tɔɔ wò mùgho Dzûd, mùghò wàazə̀ Dzɛ̂ms, yìa Ǹ lô kɔ̂ɔ fə Yɛso Kə̀lestò fò; M̀ mwàʼsò kən kə tɔɔ wò â ghî ghən a dzə̀m Zə̀ kə̀ tɔŋɔ aŋ ləgha e wə̄n, ghe yia mughù sugho a tsəlà Yɛso Kə̀lestò.