Mâk 6:15 - To kə Kəzə̀ kə̀ Fughu ko

¹⁵ À li ghə ŋ kuuwn dzàa enyəa, “À lǒ Elaedzà.” À li ghə n dzâa enyəa, “À lǒ ghùwshʉ̀ghà ù lì, ù lǒ tò ghiishʉ̀ghà à wii ghən.”

Mâk 6:15 Iomraidhean Croise

Matìo 16:14

Ghe mo enyəa, “Ghî à li a dzɛ̂ enyəa à lǒ Dzɔn Fùghùu mùghù ŋ Kə̀zə̀, à li yia so enyəa à lǒ Elaedzà, à li yia a dzɛ̂ enyəa à lǒ Dzɛ̀lɛ̀mîa ŋkāa ghùwshʉ̀ghà ù lì.”

Matìo 21:11

Ghî à mo enyəa, “Wən lǒ ghùwshʉ̀ghà Yɛso, ù sə wo an Nazalɛ̀t, am mbùʼ è Galèlîi.”

Mâk 6:16

A m bùghò Hɛlɔ̀d kuūwn zuw tsughu, ù mo enyəa, “Dzɔ̌n wəla mùgho mò gbô tuw ko, ghe ŋ wə̄n zôm nùghù kɔʼ alo evʉ̄.”

Mâk 8:28

Ghe n dzɛ̀ enyəa, “Ghî à li a dzɛ̂ enyəa ghù lǒ Dzɔ̌n Fùghùu mùghù ŋ Kə̀zə̀; à li yia dzɛ̂ enyəa ghù lǒ Èlaedzà, à li yia dzɛ̂ enyəa ghù lǒ ghùw aŋ ghǐishʉ̀ghà.”

Lûk 1:17

Ù kè zìi tsùghuu fwàʼ kə Mughu ù te an dzə̀ tə daʼa kə Kəzə̀ kela Èlaedzà fə̀ ki. Ù lo fə̂nsò wô fə̀ŋ tə ghê tselèwɛ̀, ghe e ke lo alo kəfəgha kə mɔ̀ʼ ghèe ghê wɛ gho. Ù lo fə̂nsò wô sughò ghê tùghùukə̀tūw, ghe zumsō doʼò tsughu. Ù kè ghəa ghən fɛ ghəŋlo alebiaān naŋā zîi tsughu ghî ghəla ghe kê zuūwkɛlɛ̄ Mughu ù te.”

Lûk 7:16

Fə̂ŋ tə̀ n sə ghee, ghe n daŋso kàʼ ndùw Zə̀ kə̀ kɔʼso ko; dzàa tsùghuu enyəa, “Sɛ̀ ŋ ghùwshʉ̀gha ù ne kele am bvʉa e sɛ̀.” Àsùghò enyəa, “Zə̀ kə̀ ŋ ghì a wə̄n a bâŋ kòʼ.”

Lûk 7:39

Falàsîi vʉ̀a ù fə̀ zɔʼɔ̄ wə̄n ŋ kòʼ ghəa yì, dzɛ̀ tsùghù aŋ ghùe u wə̄n enyəa, “Abugho bəghà wə̄n mô lo ghùwshʉ̀gha, to ù mâa kèle ŋgòʼ è fə̀ghà kəla yìzən wəla ù mɔ̀ɔ wo wə̄n lo â ghè kò, enyəa à lǒ yìzən ù bǐigh.”

Lûk 9:19

Ghe m bɛ̀lɛ̀ tsùghù enyəa, “Ghe so enyəa ghù lǒ Dzɔ̌n Fùghùu mùghù ŋ Kə̀zə̀; à li yia a so enyəa ghù lǒ Èlaedzà, a li yia a kuūwn dzɛ̂ enyəa à lǒ ghùwshʉ̀gha u mɔ̀ʼ aŋ ghîishʉ̀gha à wîiwii gho, ù fə̀n wo.”

Lûk 9:8

Ghî à li ghə ŋ kə̂aa enyəa, Èlaedzà maā ndûw fə̀n wò ebàm, à li ghə ŋ kuuwn so enyəa à lǒ ghùwshʉ̀gha ù wǐiwǐi, ù fə̀n wo.

Dzɔ̌n 1:21

Ghe ŋ kòom bvʉ̀ â wə̄n enyəa, “Ghù kuuwn lò ndughoo a? À lò ghùwshʉ̀ghà Èlaedzà à? Ŋkāa ghù lo ghùwshʉ̀gha ù Kə̀zə̀ wəla ghàʼ ləə̄m tsəgha a?” Dzɔ̌n mo è tue. ù m bɛ̀lɛ̀ tsughu ghee enyəa, “Ɛ̂ŋgaŋ dzə̂.”

Dzɔ̌n 1:25

Ghe m bvʉ â wə̄n enyəa, “Ghù sò ghì ghò â mùghù ŋ Kə̀zə̀ ŋ kuuwn fughu tò ndugho a, ghù sô yô Kə̀lèstò, yò sugho Èlaedzà, ŋkāa ghùwshʉ̀ghà ù Kə̀zə̀ a?”

Dzɔ̌n 6:14

A m bùghò ghî a te a kôʼ sʉghà vʉ̀a Yɛso dè tsughu, ghe ŋ kâʼ ndùw alekə̀a enyəa, “Kùmkùm, wən lǒ ghùwshʉ̀ghà ù Kə̀zə̀ wəla ù mò ki alebùghò fɛ mbī.”

Dzɔ̌n 7:40

A m bugho ghe zuw tsughuu ghəa ghən gho, ghî à li ghə n dzɛ̀ enyəa, “Kùmkùm, wə̄n kùum lǒ Ghùwshʉ̀ghà ù Kə̀zə̀.”

Dzɔ̌n 9:17

Ghe ŋ kòom bvʉ kpeʼe ndùw â ghùw ù fǒo vʉ enyəa, “Yia a bughò ghû, ghù dzɛ̀ êndūghō kùu ndùw wə̄n a, aŋghəa à lǒ wə̄n ù mo tsʉ sə ghəa ghò a?” Tuwbʉ̀ghà vʉ n dzɛ̀ â ghee enyəa, “Ù lǒ ghùwshʉ̀ghà ù Kə̀zə̀.”