Mâk 6:12 - To kə Kəzə̀ kə̀ Fughu ko

¹² Ghe fi sə ndùw nù, nàʼn ndùw enyəa ghî ghə̀n à dzə̀m màʼà èbo.

Mâk 6:12 Iomraidhean Croise

Matìo 11:1

A m bughò Yɛso tsʉ̀ mɛʼɛ̀ tsughu tsə̀təndə̄ghā tə wə̄n tən èghəm a ghè tò tə bə̀ghà, ù n zə̀ghàa tsùghù luʼu chìa ù mò lo a te, nùghù nyə̀ ndùw an nàʼà mə̀la ŋ kùʼù lo kaāŋ tsəgha a fughu, ndùw kàʼ ndùw ghì a zoʼn gho a fughu. Ù n zoʼn ndùw aghì naʼà tə̀ nàʼà a fughu am mbùʼ e te, kə̀a ndùw sughò shwaʼ u Kəzə̀.

Matìo 11:20

Ghì ghə̀ ŋ kè tiī kûuwn fə̀ŋ tə ghee aŋ ghəa a ghee à biigh gho an nàʼà təla Yɛso fə̀ ŋge de sə̀ghàa mò a fughu êzə̀, ù daŋso kàʼ ndùw ghee aletsɔ̀mlò, dzɛ̀ tsughu enyəa,

Matìo 3:2

Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Matìo 3:8

E ghəəŋ nduw nlò ghəa ghəla a lo aledèe tsughu enyəa ghɛ̀ ŋ ghəa ghɛʼɛ à biigh a ti màʼà.

Matìo 4:17

Yɛso fə̌ tsə̀ndə̄ghā è Kə̀zə̀ kaʼ nughu wo alenàʼà an tì kə te ko enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n su.”

Matìo 9:13

Nduw kəŋ sə kɔʼ nlò enyəa shwāʼ u Kəzə̀ wə̄n moʼnlò èndughō enyəa, ‘Ǹ tsâʼ ghì ghəla ghe fə̂ŋ tə̀ dzûŋ to aŋ ghùe e ghee, Ŋ̀ kâ lə̀ghà dzə̀ enyəa ghe e gboō nyòm tò kɔʼso mùghò a te.’ Tɔŋlo enyəa Ŋ̀ kâ bùghò dzə̀ alebùghò tɔŋɔ̂ ghì a tsəghatsəgha gho, Ǹ laam bughò bòʼ ghì à biigh gho.”

Mâk 1:15

dzàa ndùw enyəa, “Nəghā e te zə m kpē, fɔ̂e u Kə̀zə̀ ù lo ko êzəŋ aŋ ghu; ti màʼa nlò ghəa ghɛʼɛ à bii gho, ghɛ̀ boo tsughu tùm è dzùŋ zən!”

Mâk 1:3

bɔ̂ŋ kə ghûw kə kûu kwə̀la wò â ŋgwən enyəa; Biaan naŋa nlò luʼū to â Mughu ù te, nə̀ghàso nlǒ dzǐi mò â wə̄n.”

Lûk 11:32

Naʼ e Ninīvɛ̀ è kê tì alo efwēe tsuʼ u təsāʼ ghèe ghê mwěe e nɛ zən, ghe kê komso ghee; nu ghe mafə̄ ti kuwnlo aŋ ghəa a ghee à biigh gho aŋghəa Dzonàh fə̀ kə̂a shwaʼ u Kəzə̀ wò â ghee. Kòʼô, ghùw wəla ù tsə̀ghà taʼà Dzonàh, ù lò fɛ.”

Lûk 13:3

À yò êzə̀! Ǹ so Ǹ dzâa wô â ghɛ̀ enyəa, à bǔw mò ghɛ̀ kuuwn kɔʼ mwam zɛʼɛ è biigh zo, ghɛ̀ a dzə̀m lo bɔɔm ləŋe sùghò èzə̀.

Lûk 13:5

À yò êzə̀! Ǹ so Ǹ dzâa wô â ghɛ̀ enyəa, à bǔw mò ghɛ̀ kuuwn kɔʼ mwam zɛʼɛ è biigh zo, ghɛ̀ a dzə̀m lo bɔɔm ləŋe sùghò èzə̀.”

Lûk 15:10

M̀ fɛ dzàa wò nù â ghɛ̀ enyəa à bɔ̌ɔm lò sugho êzə̀ Tsə̀təndə̄ghā tə Kəzə̀ tə̀ duʼnlo abugho ghùw ù bǐigh u mɔ̀ʼ ti kuūwn kɔʼ am bòo tə wə̄n.”

Lûk 15:7

À lò sugho êzə̀, aŋghəa Ǹ dzâa wô fɛ â ghɛ̀ enyəa à kè lò duʼnlo è nêene zo alo kəwālā abugho ghùw ù bǐigh u mɔ̀ʼ kuuwn kɔʼ fə̀ŋ è wə̄n tsə̀ghàtàʼà ghì à dzûŋ ghən ŋghəm tɛ̀ndzūghū à ghè ghǒ tɛ̀ndzūghū ghe moʼò enyəa ghe lo ghî à dzûŋ ghò, ghe kôom yô alekuūwn fə̀ŋ tə ghee to.”

Lûk 24:47

Àsùghò enyəa, ghe kê kì alenaʼn nduūŋ nduw an zən e wə̄n, â nàʼà tə̀n tə̀ dzə̀m alenìi nughù tsughu an Yɛ̀lusalɛ̀m, enyəa ghî à tiī kuwnlo am bòo tə ghee, tò Zə̀ kə̀ ghuūw maʼà bòo tə̀ ghee.

Lûk 9:6

Ghɛ̀ n daŋso nùghù è tsughu, nyəa ndùw nàʼà tə̀nàʼà, nàʼn ndùw Làbəlà è Kəzə̀, baaŋ ndùw sùghò àghì an lùʼù tən tə̀ dzə̀m.

Kə̀fwàʼ 11:18

Ghəa ghe zuw tsughu ghəa ghən gho, ghe m bughu naŋâ ghəa ghəla ghe mô kəaa ghè ghò, kàʼ ndùw alefughu ŋkɔʼso â Zə̀ kò, dzàa tsùghuu enyəa, “Zə̀ kə̀ m fùghù sùghò ghî ghəla ghe yô Dzûu tò â bùʼ kò alemàʼà bòo tə ghee, to ghe kelê mùghù zəla e doʼò tən.”

Kə̀fwàʼ 2:38

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Kə̀fwàʼ 26:20

Sʉ̂esʉ mùgho n dzɛ̀ tsùghù an Dàmaskùs, daŋso ndùw an Yɛ̀lusalɛ̀m, daŋso zùghòo ŋgə̀a wò Dzùdîa edzə̀m, dzɛ̀ ndùw â Tòʼò tò, enyəa ghe kuuwn kɔʼ fə̂ŋ tə ghee, ghe boō ndûw Kə̀zə̀, ghe e fwaʼā nduw sugho ghəa ghəla a dêe tsughu enyəa ghe ŋ kūwnlō.

Kə̀fwàʼ 3:19

À fi lo enyəa ghɛ̀ ki alemàʼà ebo, ghɛ̀ koom fən wo fə̂ŋ tɛʼɛ to a zəŋò Zə̀ kò, tò ù zèe maʼà bòo tɛʼɛ, ù sùuw zɔnso tsughu ghɛ.