Mâk 5:7 - To kə Kəzə̀ kə̀ Fughu ko

⁷ màʼà sə̀ wò kə̀bɔ̀ŋ enyəa, “Ghù so e dzə̂ èndugho â mùghǒ a Yɛso, Wɛ̀ ù Tsə̂ntəmbî? M̀ bvʉa wò â ghù an zən e Kəzə̀, kà mugho ndzāŋsō màʼà.”

Mâk 5:7 Iomraidhean Croise

Matìo 16:16

Sǎemòn, tɔɔŋ Pità m bɛ̀lɛ̀ tsùghù enyəa, “Ghù lǒ Kə̀lestò, wɛ ù Zə̀ kəla kə mughù tən.”

Matìo 26:63

Yɛso ŋ kuuwn zuuw ko mɔŋ. Fɔ̀e è ne zə n daŋso dzɛ̀ â wə̄n enyəa, “M̀ bvʉa wò â ghù an zən e Kəzə̀ enyəa ghù dzɛ̀ wo â ghàʼ enyəa ghù lǒ Kə̀lestò, wɛ̀ ù Kə̀zə̀.”

Matìo 4:3

Vʉatsə̄a yi n daŋso ndùw è bugho, dzɛ̀ â wən enyəa, “Aŋghəa e lô enyəa ghù lǒ Wɛ ù Kə̀zə̀, dzàa tsughu enyəa tia zən fə̀là kɔʼ ufʉghàzəa.”

Matìo 8:29

A mo e zuw bɔ̂ŋ kə edì ghî a zəgha yi maʼà sə wô enyəa, “Ghù ghàʼ kəŋo aŋ kwò à, mo a wɛ̀ ù Kə̀zə̀? Ghù sò yia fɛ bùghò alebùghò ndzaŋso tsughuu dzə̂ ghàʼ sěe nəgha e lo biso kpeē wo ŋkāa?”

Mâk 1:24

Tûw vʉ n daŋso nùghù dì sə̀ wò enyəa, “Ghù kǐ kwò sɛ̌ a Yɛso, ghùw ù Nazalɛ̀t wə̄n? Ghǔ m bùghò sə alebùghò ləŋe ghàʼ à? Ŋ̀ kwo nû ghùw wəla ghù lò â ghè wò, ghù lǒ ghùw ù Kə̀zə̀ ù Zɔ̀lɔ.”

Mâk 14:61

Yɛso ŋ kuuwn zuuw ko mɔŋ, bɛ̀lɛ̀ yò ghəa zo. Fɔ̀e è ne ŋ kòom bvʉ kpeʼe ndùw â wə̄n enyəa, “À lò ghû Mɛ̀sayà ù tè à, wɛ̀ ù Zə̀ kə̀la a kɔʼso a?”

Mâk 3:11

Mo ghî ghə̀là zʉ̀ u fə̀ lo a zəŋò ghee, kôʼ ndùw wə̄n, ghe n tì bvʉ̀ ndùw a tsəlà wə̄n, zʉ̀ u te wə n dîi sə̌a kɔʼɔ enyəa, “Ghù lǒ wɛ̀ ù Kə̀zə̀!”

Mâk 5:6

A m bùghò ù daŋso kôʼ wô Yɛso ènyə alo kədɛ̀, ù mo è nyəŋ, bùghò tə̀m wò tə̀ŋguʼ a vʉ̀a wə̄n;

Mâk 5:8

Ù fə̀ ghəa ghən enyə dzɛ tsughu bòʼ Yɛso sò dzɛ̂ nduw â wə̄n enyəa, “Sə nùghù a zə̀ŋo ghùw vʉ̀, zə̀ kə̀ biigh ko tǒ kə̀fùghùu!”

Lûk 1:32

Ù lo ghaʼa tsə̀ghà nù, ghî ghə e ke tɔɔŋ wə̄n enyəa ù lǒ Wɛ ù Zə̀ kə̀ ghaʼa kən kə̀ dzə̀m. Tsə̂ntə̀mbî Kə̀zə̀ lo tsuʼu naaŋ kɔʼɔ wə̄n alo kədə̀ŋ, tò aŋghəa tsele ù ghê tsele Dɛvìd fə̀ lo sugho də̀ŋ kò a te.

Lûk 4:34

“Hɛɛ̄! kà ghaʼ fəmso, sɛ̀ ki kwò a Yɛso, ghùw ù Nazalɛ̀t wə̄n a, ghù bùghò alebùghò ləŋe ghàʼ à? Ŋ̀ kwo nû ghû; ghù lǒ Ghùw ù Kə̀zə̀ ù Zɔ̀lɔ!”

Lûk 6:35

E laam ləghaa nduw nlò ghî ghəla ghe bâa ghɛ, ghəəŋ ndùw èdzɔ̀ â ghee. Fɔ̀ɔn fùghuu ndùw sùghò ghee â fʉgha wo, kòom mòʼn yò enyəa ghe lo fughuu tsə̀ghàa wò nù ebàm. Abugho ghɛ̀ ghəŋlo êzə̀, namso kɛʼɛ kə e ke e ghaʼa, ghɛ̀ è ke e lo wɛ a Zə̀ kə̀ ghaʼa kən kə̀ dzə̀m; nu Ù lə̀ghâa ghì ghəla ghe fughuu yô kɛɛ wo, à ghì à mʉa gho.”

Lûk 8:28

A m bùghò ù kòʼ tsughu Yɛso, ù n sɛ kəbɔ̂ŋ, tə̀m ndùw tuw wə anyʉ̄ a tsəlà wə̄n, kum naŋa tsughu kətuw, dzàa sə̌a kɔʼɔ an dzə̂ è tughu enyəa, “Kee to â ghù a Yɛso, wɛ ù Zə̀ kə̀ ghaʼa kən kə̀ dzə̀m, kà mugho ndzāŋsō.”

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Kə̀fwàʼ 16:17

Ù n nùghù nùghù wò a bàâ ghaʼà ghê Pôl, buʼn wò m̀bɔ̀ŋ enyəa, “Ghî ghən lo kɔ̀ɔ n Zə̀ kə̀ Ghaʼa kən kə̀ dzə̀m, ghe naʼn wô ghɛ â dzì è zə̌a è kə̀tūw.”

Kə̀fwàʼ 19:13

Dzûu tə̀ li to ghe mò dzûu sə̌a kaaŋ wò zʉ̀ ù biigh wo a zəŋò ghì ghò, ghe n nùghù kaʼ tsughu aletɔɔŋ kaaŋ zən e Mughu ù te Yɛso an tuw u ghì ghəla ghe ki zʉ̀ ù biigh wo, ghe n dzâa tsùghuu enyəa, “M̀ dzɛ̂ enyəa ghɛ̀ sə nughu an zən e Mughu ù te Yɛso wəla Pôl zɔ̀ŋɔ̀ kaŋlō.”

Kə̀fwàʼ 8:36

Felêp n daŋso dzɛ̀ â wə̄n enyəa, “Abugho ghù boō tsughu dzə̂ aŋ am fə̂ŋ zə̀ghà e dzə̀m, a lo nû alefughu ghû â mùghù ŋ Kə̀zə̀ mò êzə̄ŋ.” Ù m bɛ̀lɛ̀ tsùghù enyəa, “Mùghò m boo enyəa Yɛso lǒ Wɛ ù Kə̀zə̀.”

Lumà 16:20

Zə kəla kə fughuu sɛ̀ â bughuun zo lo kùʼù foʼso màʼn nù Satàn, kə lo ghəəŋ tsughu ghɛ̀ e ki daʼa ko a zəŋò wə̄n. Gɔ̂ɔŋ zaŋa e lo enyəa to Mughùbè ù sɛ̀ Yɛso Kə̀lestò mo dè ghɛ a dzɔɔ e wə̀n zo.

Hibùlù 2:14

Aŋghəa wɛ a Kəzə̀ à lo aghî, ghe ki nyom è ughue àsùghò kàŋ to, ghuūghùe u wə̄n wə n doʼo wò sùghò êzə̀; enyəa to ù mò bɔŋɔ kpuuw tsughuu sugho alendùw dzûuw maʼà ghùw wəla ù ki daʼa ko aleghəŋlo enyəa ghî ghə̀ e kpuwnlo, tɔŋlo Avʉatsə̄a.

Hibùlù 7:1

Mɛ̀chisɛdɛ̀k wən fə̀ lo də̀ŋ kə Salɛ̀m, ù n lò sughu fɔ̀e è Zə̀ kə̀ Ghaʼa ko. Ghəa Abə̀làhâm bughoo ebam mò ù n dwəŋ wən wo ù chʉakò an tsam ndùw tə̀m zə̀ wò, Mɛ̀chisɛdɛ̀k m bùgho kòʼ wò wə̄n, fughu tsughu wə̄n â bughuso zo.

Dzɛ̂ms 2:19

Ghù bǒo fughu nû enyəa Zə̀ kə̀ lo ko kə mɔ̀ʼ a? Abugho ghù boō fughu dzə êzə̀, ghù fi ti a te, zʉ̀ ù biigh u bûʼ bǒo fùghù sùghò êzə̀, vʉa u tsəŋo sugho.

2 Pità 2:4

Tɔŋlo enyəa Zə̀ kə̀ ka fə̂ zəən zə̀ghà dzə̀ alefɔesô tsə̀ntəndə̄ghā tə wə̄n tə̀ li to an nə̀gha zəla ghə fə̀ ghəə̄ŋ tsughu bo zo. Kə a fə̀ ni kɔn tsughu ghee, màʼà nàŋa nyə tsughu alô fə̀baʼebigh, am bùʼ kə utsù enyəa ghe e ləəm tsughu tsuʼu saʼ wo.

1 Dzɔ̌n 3:8

Ghùw wəla ù ghəə̄ŋ zeē bo zo lǒ ghùw ù avʉatsə̄a. Nu vʉatsə̄a à fə̀ sə tən wo ko â bo zo alekaʼa nughù wô. Soo kə eghəa kəla Wɛ ù Ghùw fə̀ bugho a te, fə̀ lo alebùghò saʼà maʼà fwàʼ kə avʉ̄atsəa kə te ko.

Dzûd 1:6

Tsə̀təndə̄ghā tə Kəzə̀ təla tə fə̀ ti naŋa taʼa tsughu bəla zəla Zə̀ kə fə̀ naŋa enyəa ghe e fwaʼa a te, tì zə̀ghàa tàʼà sùghò luʼū təla ghe fə̀ mughu a te, Zə̀ kə ŋ kùm tsùghu ghee alo tətsāʼ fè nàŋa ndùw ghee an alo kələ̄m enyəa tə doʼò fughu to nəgha zəla ghe lo saʼā sàʼ è wə̄n ne a te lo telè kpeē tsughu.

Edêe Fughu 12:12

À fi lo enyəa ghù ki aleduʼn ko nû êzəŋ wala ko àsùghò ghɛ̀ ghəla ghɛ̀ mughu a te! Tsû ù ne wo â ghɛ̀ ghəla ghɛ̀ mughu aŋ ghueekətsə̄ àsùghò â ghɛ̀ ghəla ghɛ mughu an dzùghùntsòʼ, nu vʉatsə̄a ghə n tsùghù wò fì à bòobò kə unʉ̀ghà ù pfʉa ko, mbuu ù kwo enyəa e ki ko kəmà fə enə̀gha.”