Mâk 5:36 - To kə Kəzə̀ kə̀ Fughu ko

³⁶ Yɛso ŋ kuūwn zùw tsə̀ghà ndùw ghəa yì, kè naŋa kətuŋlō a te, dzɛ̀ â tuw kə Ndùghène chi ko enyəa, “Kà tsəŋ, kuuwn gaʼ tsughu ko fə̀ŋ zə̀ghà a zəŋò Zə̀ kò.”

Mâk 5:36 Iomraidhean Croise

Matìo 17:20

Ù n dzɛ̀ â ghee enyəa, “À lǒ bòʼ ghɛ̀ kâ tɔ̀ʼ bǒo fughu â Zə̀ kò. Nu M̀ fɛ kùu dzàa wò nù â ghɛ̀, abugho ghɛ̀ mô bûʼ ki ko nyàaŋ fə eboo fo tò sam fə mustàd, ghɛ̀ mô lò nû aledzàa tsughu â kwàʼ wən wo enyəa, ‘Səəŋ dòʼò kəŋo ndùw fi ezə̂.’ To u mô səə̄ŋ doʼò kəŋo ndûw. To êzə̀, ghəa è li e mô yò aletsə̀ghàasə ghɛ.”

Matìo 9:18

Ghəa Yɛso sò naām kə̂a ghəa gho, a mo e kôʼ, ghùw ù ne ù lì an Dzudà ù n sə̀ ndùw nyàʼa ndùw a sə̀a wə̄n, dzɛ̀ â wə̄n enyəa, “Wɛ waŋā ù zən fɛ tsò kùʼn kpuw tsughu nû, bùgho mɔ̌ɔ tsughu ko wə̄n an tuʼ è mɔɔ̄ zo ko, ù sò zòom nùghùn wò nù ebàm.”

Mâk 5:22

Ghùw u mɔ̀ʼ aŋ ghì ghəla ghe mò lô tuw wo an Ndùghène è Tə̀dzûu, ghe mò tɔŋlo enyəa à lò Dzaelùs, n ndùw è bugho, aŋghəa ù bùghò kôʼ wô Yɛso, ù n tə̀m ndùw tə̀ŋguʼ a tsəlà wə̄n,

Mâk 5:34

Yɛso n dzɛ̀ â wə̄n enyəa, “Ŋ wɛ̄, fə̀ŋ zə̀ghà ghù gaʼ tsughu a zəŋò Zə̀ kò ŋ ghəŋlo ghù vʉ̀a ù tughu; ndùw kədzûŋ, ghe baāŋ kɔʼ dzə̂ ghû an dzàŋ zə̀ghà.”

Mâk 9:23

Yɛso m bvʉ â wə̄n enyəa, “À lǒ kwò ghù sə̀ bvʉ enyəa bugho M̀ kpaʼ lô a! To a ghə̂əŋ ghəa ghə̀n à dzə̀m â ghùw wəla ù boō fughu tsughu dzə̄.”

Lûk 8:50

Yɛso n zuw tsughu ghəa yì, fwə̀n dzɛ̀ â Dzaelùs enyəa, “Kà tsəŋ; boo tsughu ko nû, ù sə̀ tughūu doʼò wô.”

Dzɔ̌n 11:40

Yɛso n dzɛ̀ enyəa, “Ŋ̀ ka mò dzɛ̀ â ghɛ̀ enyəa abugho ghɛ̀ boō tsughu dzə a, ghɛ so koʼ daʼa kə Kəzə̀ kò à?”