Mâk 5:34 - To kə Kəzə̀ kə̀ Fughu ko

³⁴ Yɛso n dzɛ̀ â wə̄n enyəa, “Ŋ wɛ̄, fə̀ŋ zə̀ghà ghù gaʼ tsughu a zəŋò Zə̀ kò ŋ ghəŋlo ghù vʉ̀a ù tughu; ndùw kədzûŋ, ghe baāŋ kɔʼ dzə̂ ghû an dzàŋ zə̀ghà.”

Mâk 5:34 Iomraidhean Croise

Matìo 9:2

A mo e kôʼ ghe m bòʼò wô ghùw ù kə̀ kə̀ŋlò ù li alo kəmbùŋ. A m bùghò Yɛso kòʼ tsughu enyəa ghî a te ŋge boo fughu â wə̄n, ù n dzɛ̀ â ghùw ù kəkə̀ŋlò ù te enyəa, “Dzə̀la tsughu fə̀ŋ a ŋ wɛ̄; Zə̀ kə̀ m bòo tə̀ghà tə̀ ghuuw màʼà.”

Matìo 9:22

Yɛso m fə̀n tsùghù ughue, kòʼ tsughu wə̄n, dzɛ̀ tsùghù enyəa, “Kele tsughu fə̀ŋ è dzùŋ a ŋ wɛ̄; fə̀ŋ zəla ghù gaʼ tsughu a zəŋò Zə̀ kò, zə̀ ŋ ghù baŋlo.” Wizən vʉ n tughu tən kɔʼ ko an nə̀gha e te zo.

Mâk 10:52

Yɛso n dzɛ̀ â wə̄n enyəa, “Nùghù luʼū təghà tò; boo zəghà zə̀ ŋ ghù baŋlo.” Sə a wə̄n ghə n daŋso tsʉ̀ è kɔʼ, ù n nùghù ndùw ghèe Yɛso an dziī.

Mâk 3:10

tɔŋlo enyəa ghəa ù mò baāŋ tsughu ndə̀mà tə aghì tò, ghî a dzaŋa a te gho a dzə̀m m faʼso nyəa wò ko alebùghò mɔ̂ɔ tsughu wə̄n.

Mâk 5:29

Ghəa ù mòʼ tsughu dzə êzə̀ ndùw mɔ̀m è tsughu, fɔ̂n e wən zə n daŋso kə̀a è kɔʼ; ù n ndòʼ zə̌ən zuwkɛlɛ tsughu ghue u wən enyəa dzâŋ e te zə ŋ ghee zəghàa.

Mâk 5:33

Ghəa nughò vʉ sô kòʼ ghəa yia a sə a zəŋò wə̄n, ù n tsə̀ghà sə è wo, kàʼ, kàʼ, kàʼ, kàʼ, kàʼ, ù tsəŋlō, tə̀m ndùw tuw wə anyʉ̄ a tsəlà Yɛso, dzɛ̀ tsùghù ghəa a te gho kpe.

Lûk 17:19

Yɛso fi dzɛ̂ nù â bə̀ghà vʉ enyəa, “Nùghu kɔʼɔ̀, ghù nduw è zəghà zò, boo zəghà zə ŋ ghù bəghasə.”

Lûk 18:42

Yɛso n dzɛ̀ â wə̄n enyəa, “E koʼō luʼū to, boo zəghà zə̀ ŋ ghù baŋlo.”

Lûk 7:50

Yɛso n dzɛ̀ â nùghò ù te enyəa, “Fə̀ŋ zə̀ghà zəla ghù gaʼ tsughu a zəŋò Zə̀ kò, zə̀ ŋ ghù bəghasə; ndǔw è zəghà zò nyàʼànyàʼà.”

Lûk 8:48

Yɛso n dzɛ̀ â nùghò vʉ̀ enyəa, “Êwɛ̀, fə̀ŋ zə̀a zəla ghù gaʼ tsughu a zəŋò Zə̀ kò, zə̀ ŋ ghù baŋlo; nduw alo ebughunlo.”

Kə̀fwàʼ 14:9

Ù n zə̂ən kô shwaʼ u Pôl, Pôl n tɔʼɔ̀ fwèe sùghò wə̄n, ghəa ù kòʼ tsughu enyəa ù m fə̀ŋ gaʼ aŋ Kə̀lestò vʉ̀ ù kpe to a e baŋlo wə̄n.

Kə̀fwàʼ 15:33

Ghəa ghe tsûuŋ doʼò kəŋo ndûw sugho fughu ghèe ghee, ghe mo e ndûuw èbàm a vʉ̀a ghì yia ghe mò tum ghee, waakə̀lestò yi n ndòʼ tə̀ma kɔ̀ʼ sùghò ghee, dzɛ̀ â ghe enyəa ghe ndûw kədzûŋ.

Kə̀fwàʼ 16:36

Gbè zə n nì dzɛ̀ ndùw sùghò ghəa yì â Pôl â wən à, “Ghêe sàʼàtə̀saʼ tum wò tum enyəa a zəghàa maʼà ghɛ̀ ghɛ̀ nughu; à fi lo enyəa ghɛ̀ sə nduw ko nlò nyàʼànyàʼà.”

Dzɛ̂ms 2:16

vʉ̀a ù so e səā bwînlò, ghùw wɛʼɛ ù lì n dzɛ̀ â wə̄n enyəa, “Ndùw kədzûŋ, Zə̀ kə̀ bughuso ghù, e zəa kuuw tsughu, dzə̀ən kɔ̀ʼɔ̂ fəgha kə ufwo.” E ghee yosò aŋ kwò abugho ghù dzɛ̀ ndûw êzə̀ à, mò ghù kà wə̄n â fəgha kə̀là ù ki yo fughu ndùw a?