Mâk 5:15 - To kə Kəzə̀ kə̀ Fughu ko

¹⁵ Ghe fi bughò kòʼ wò nù Yɛso, à ghùw vʉ̀a ù mò ki zʉ̀ wò mò vʉ̀a ù dǒʼ fughu, mò ù dzə̀là kèle tə̀ndzʉ̄, mò ù lǒ an tɔ u wə̄n; ghəa ghe kôʼ tsughu ghəa yi gho êzə̀, fə̂ŋ tə̀ m bàa ghee.

Mâk 5:15 Iomraidhean Croise

Matìo 12:29

Ŋkāa ghùw lò ênzə̂n alenyəa ndûw an ndùghù alô ghùw ù kə̀daʼa a, ù bòʼn səa kɔʼ fʉgha u wə̄n mò ù kà wə̄n bûʼ kɔ̀n nàŋa tsughu dzə a, sěe ù sò lô alefuūw sə fʉgha u ghûw vʉ̀ à?

Matìo 26:53

Ghù kwo yo enyəa to Ǹ dzâa tsughu, Bəghà tuū wô mùghò â shwaʼ u tsətəndə̄ghā tə wə̄n wo eghə̄m à ghè wò u bʉ̀ghà à, ghe bughò yosò mùghò à?

Matìo 4:24

Zwɔ̂ŋ u wə̄n wə m fuŋ ŋgəa tsughu naʼ e Silìa e dzə̀m, ghî ghə̀ n nîi wò mbī tə aghì tə̀ dzaŋā ten tə̀ dzə̀m; ghəla ghe dzaŋā ŋgòʼ e dzàŋà tə̀n tə̀ dzə̀m àsùghò luʼū tə eghùe tò, ghəla ghe ki zʉ̀ ù biigh wo, ghəla ghe bvʉā bvʉ̀ kò, à ghəla ghe kpuw doʼō â luʼū tə ghùe tò, ù m baaŋ kɔʼɔ ghee.

Matìo 9:33

A m bùghò Yɛso shùaa sə tsughu zʉ̀ u mùʼ kə te ko, ghùw ù kə̀mùʼ vʉ ŋ kə̀a sə̀ wò àghəa. Tuw kə m kpuw ghî yì, ghe n dzɛ̀ enyəa, “A kaām kôʼ kǒʼ ŋgòʼ è èghə̀a tò zən fɛ alo Ezə̀lɛ̂.”

Mâk 5:14

Ghî ghela ghe fə̀ chiīn kwə̀lebʉ̄ghā a te wo n nùghù tì kwə̀n dzɛ̀ wò ghəa a te gho enaʼ, ŋgwə̀là tə̀ n zùw è sugho. Ghî ghə̀ n təŋò sə̀ wò alebùghò kôʼ enyəa à kùm kwǒ a.

Mâk 5:16

Ghî ghəla ghe mò kôʼ ghəa yi n teso dzɛ̀ ndùw ghəa ghəla a mô sə a zəŋò ghùw vʉ̀a ù mò ki zʉ̀ ù biigh vʉ̀, à sùghò a zəŋò kwə̀lebʉ̄ghā wo.

Mâk 5:18

Ghəa Yɛso so e nyəa kɔʼɔ alo kəkwə̀n enyə, ghùw vʉ̀a ù mo ki zʉ̀ ù biigh vʉ m bùʼ ndùw kə̀ghu â wə̄n enyəa to e mô lò nduw ko ghèe wə̄n.

Mâk 5:4

Nu ghe mò kwuu kɔlɔ̄ naaŋ tsəgha nu wən am ugbāʼ, ghe ŋ kùm alo tətsāʼ, ù n nùghù těen màʼà tsùghu tsāʼ tə te to, teen màʼà tsùghù sùghò bwaʼ u te wo; ghǔw ŋ ŋgəmso yò bughuso wə̄n.

Mâk 5:9

Yɛso daŋso nùghù bvʉ tsughu â wən enyəa, “Zən zəghà è lo ndughoo a?” Ù mo enyəa, “Zən zaŋā e lo Ndza; nu ghàʼ lo ndə̀m.”

Lûk 10:39

Màta ŋ ki wàazə̀ ù zən, ghe fə tɔŋlo enyəa a lo Mèle. Mèle m bɔ̄ɔm ndùw nyàʼa dòʼò kɔʼ ko am bùghu e Yɛso, kuuwn zyəən kô tsʉ̀ e wə̄n.

Lûk 8:27

A m bùghò ù sə tsughu alo kəkwə̀n, ghùw ù zʉ̀ ù lì a fughu alo enaʼ n ndùw a vʉ̀a wə̄n. Tûw vʉ n lo mò ù tsò mùghù tsəgha dzə̀ən tsə̀ghà yò ndzʉ̄ to, bùʼ mùghù tsəgha sugho yo an ndughu, mùghù tən tsəgha ko aŋ gə̀maghùw.

Kòloshìan 1:13

Vʉ̀a ù bəghāsə̄ sɛ̀ aŋ ghùu daʼa kə kələ̄m ko, nì nàŋa tsə̀ghà wò sɛ̀ am fɔ̀e u Wɛ ù wə̄n, ù gaʼ fə̀ŋ a te.

2 Timotì 1:7

Tɔŋlo enyəa Zə̀ kə̀ ka mo fughu dzə̌ sɛ̀ â fə̀ŋ zəla è ghəŋlo enyəa sɛ̀ è tsəŋo ghəa gho. Kə mò laam fughu sɛ̀ â fə̀ŋ zəla è ghəŋlo enyəa sɛ̀ è ki daʼa ko, sɛ̀ è ləghaa ghue e sɛ̀ zò, àsùghò enyəa sɛ̀ lo alenaŋsô ghuw kə ebwìi kə sɛ̀.