Mâk 5:14 - To kə Kəzə̀ kə̀ Fughu ko

¹⁴ Ghî ghela ghe fə̀ chiīn kwə̀lebʉ̄ghā a te wo n nùghù tì kwə̀n dzɛ̀ wò ghəa a te gho enaʼ, ŋgwə̀là tə̀ n zùw è sugho. Ghî ghə̀ n təŋò sə̀ wò alebùghò kôʼ enyəa à kùm kwǒ a.

Mâk 5:14 Iomraidhean Croise

Matìo 7:6

Kà nî fʉghazəa ù baa wo ghù fughu â bvʉ to, abugho ghù bùʼ fughu ko nû, tə n nāam nùghù ŋaŋè wò ko ghù. Ŋkāa, kà nî kɔ tə ufʉgha wʉ̀a ù dzəəŋ wo ghù fughu nduw â kwə̀lebʉ̄ghā wo, abugho ghù bùʼ fughu ko nû, ghê n nì dzùghòon màʼà tsùghù alo aghùw.”

Matìo 8:33

Ghî ghəla ghe fə̀ chiīn kwə̀lebʉ̄ghā u te wo n nùghù tɛ̀ɛn tì è tsughu. Ghəa ghe tiī kwəlā nduw enaʼ, ghe n nàʼà kwən tsughu kô ghəa yia a sə a zə̄ŋò ghì a zʉ̀ yi enyə dzîi dziī.

Mâk 5:13

Ù fi zəghàa ndùw nǔ ghee. Zʉ̀ u te wə n daŋso sə̀ nùghù wò a zəŋò ghùw vʉ̀, nyə̀ ndùw a zəŋò kwə̀lebʉ̄ghā vʉ̀, mo u fə̀ lo tò təkām tə bə̀ghà an tāŋ, wə n daŋso nùghù tə̀ŋò nyə̀ŋ nyə̀ tsùghù ndùw aŋ gwōo chì, bvʉ̀ nyə̀ tsùghù ndùw an dzùghùntsòʼ zə̀, məla sàŋ ndùw fughu an dzùghùntsòʼ.

Mâk 5:15

Ghe fi bughò kòʼ wò nù Yɛso, à ghùw vʉ̀a ù mò ki zʉ̀ wò mò vʉ̀a ù dǒʼ fughu, mò ù dzə̀là kèle tə̀ndzʉ̄, mò ù lǒ an tɔ u wə̄n; ghəa ghe kôʼ tsughu ghəa yi gho êzə̀, fə̂ŋ tə̀ m bàa ghee.

Lûk 8:34

A m bùghò ghî ghəla ghe fə̀ chiīn kwə̀lebʉ̄ghā vʉ̄ kôʼ ghəa yi gho, ghe n sə bālā tsughu â ghuw à tiigh gho, tì kwə̀n bùghò zùghòo tsùghù ghəa yì ènàʼ, nàʼà ndùw sùghò alo təŋgwə̀là.