Mâk 4:41 - To kə Kəzə̀ kə̀ Fughu ko

⁴¹ Ghue zə m kpuw lɔŋe tsughu ghee enyə, chìa m bvʉ â chìa enyəa, “Wən lò ndughoo, kʉ̌ɛɛ kə sô zuūw â wə̀n à, à dzùghù a?”

Mâk 4:41 Iomraidhean Croise

Matìo 14:32

Aŋghəa ghe daŋso nyə kɔʼ alo kəkwə̀n, kùɛɛ kə te kə m bùghù è doʼo.

Matìo 8:27

Tuw kə m kpuw ghî yì, ghe m bvʉ enyəa, “Wən biso lǒ ŋgòʼ è ghùw ù ghɛ̌ wò, kwɛ̌ɛ kə sô zuūw nduw â wə̄n à, àsùghò dzùghù a?”

Mâk 4:40

Ù n daŋso bvʉ â ghee enyəa, “Ghɛ̀ tsəŋô kwò à? Ghɛ̀ naam ki ko yo fə̂ŋ tò a zəŋò Zə̀ kò à?”

Mâk 5:1

Yɛso ghèe ghê tsə̀təndə̄ghā tə wə̄n tə n dàŋsə̀ wo a ŋgùŋ è dzùghùntsòʼ è lì zən an naʼ e tə̀ Dzɛlàsîn.

Mâk 5:33

Ghəa nughò vʉ sô kòʼ ghəa yia a sə a zəŋò wə̄n, ù n tsə̀ghà sə è wo, kàʼ, kàʼ, kàʼ, kàʼ, kàʼ, ù tsəŋlō, tə̀m ndùw tuw wə anyʉ̄ a tsəlà Yɛso, dzɛ̀ tsùghù ghəa a te gho kpe.

Mâk 7:37

Tuw kə m kpùw ndùw ghee enyə, tsə̀ghà kə̀bəŋ, ghe mo enyəa, “Ù fwàʼ ghəa a te gho a dzə̀m kədzûŋ; bùʼ ghə̌əŋ daŋso sùghò enyəa kùʼ ù è zuuw wo tuūŋ wo, mùʼ ù è kəaa wo ghəa gho.”

Lûk 4:36

Dzughu zə n zum ghî a te gho a dzə̀m, chìa m bvʉ â kə̀chìa enyəa, “Wən lǒ ŋgòʼ è shwàʼ ù ghɛ wo ēnyə à? Tɔŋlo enyəa tûw wən dôo tsə̀ghàsò kə̀làŋ â zʉ̀ ù biigh wò, vʉa u səā nughùun wo.”

Lûk 8:25

Ù n dzɛ̀ â ghee enyəa, “Boo zɛʼɛ̄ e ndûw ghɛ̀ à?” Fə̂ŋ tə̀ n sə ghee, tuw kə m kpùw sùghò ghee. Ghe ŋ kàʼ ndùw a lùʼù kəā wo enyəa, “Wə̄n biso lò ndughoo, ù sə̀ tsəghàsò lâŋ kò â kùɛɛ ko a, àsùghò â dzùghù a, ghe yia a zuūw â wə̄n à?”

Hibùlù 12:28

À fi lò enyəa sɛ̀ ki alefughu kəzɔ̀ŋlò aŋghəa sɛ̀ kele fɔ̂e u kədə̀ŋ wəla ghe yo dzə̂ alenòʼsò, sɛ e fughuu Zə̀ kò â kɔʼso məla ŋ kɔʼ kpe â wə̄n alo etsə̄ŋ

Edêe Fughu 15:4

À lò ndūghō ù yò alestə̄ŋ ghu a Tsə̂ntə̀mbî, ù tàʼkè fughuu wô ghù â kɔʼso an zən zəghà mò a? Nu à bɔ̌ɔm zɔlɔ ko ghù â nəŋ ko. Aghî a dzə̀m an nàʼà mə̀n n dzə̀m kè bùghò tə̀ma tə̀ŋguʼ a tsəlà ghù, tɔŋlo aghî a dzə̀m ŋ ko enyəa ghəa ghəla ghù ghəŋlo a lo tsəghatsəgha.”