Mâk 4:40 - To kə Kəzə̀ kə̀ Fughu ko

⁴⁰ Ù n daŋso bvʉ â ghee enyəa, “Ghɛ̀ tsəŋô kwò à? Ghɛ̀ naam ki ko yo fə̂ŋ tò a zəŋò Zə̀ kò à?”

Mâk 4:40 Iomraidhean Croise

Matìo 14:31

Yɛso n lùum dàan ndùw kə̀ghu, kwù ndùw wə̄n, dzɛ̀ â wə̄n enyəa, “À lǒ kwò ghù tàʼkè tɔʼɔ̀ boō fughu â mùghò a? À lo kwò tuw kə mô kpuūw ghû enyəa Ǹ yo aleghəŋlo enyəa ghù bwii kəŋo wo an tuw kə mmùghu a?”

Matìo 16:8

Yɛso ŋ kele tsughu fəgha kəla ghe mô kəā, ù m bvʉ â ghee enyəa, “À lò kə kwò ghɛ̀ pfʉa dzughu gho aŋ ghùe zɛʼɛ enyəa ghɛ̀ ki yo bɛ ko a? Ghɛ̀ kâ tɔ̀ʼ bǒo fughu â mùghò a!

Matìo 6:30

Abugho Zə̀ kə̀ lo aledzə̀là tə̀ndzʉ a zəŋò le gho mo a noom kɔʼɔ nɛ, tsʉtsʉ a mò è kpuw, â n nì kpàa kɔ̀ʼ alo etsə̄, à è səasəa ghɛ a, Ù bòʼò lò alelaso ghɛ̀ ênzə̂n? Ŋ̀ghê làʼà tə̀fə̀ŋ mə̄n.

Matìo 8:26

Ù n dzɛ̀ â ghee enyəa, “Ghɛ̀ tsəŋo kə̀ kwò, ghɛ̀ ghəla ghɛ̀ taʼkè boo fughu â Zə̀ kò a?” Ù n nùghù è kɔʼ, ke naŋa ndùw kwɛ̌ɛ kə te ko àsùghò tùŋutùŋu kəla kə mò tûuŋ kaāŋ kwə̀n ko; tùŋutùŋu kə te kə ŋ kòom tsùghù bvʉ̀ è tsughu.

Mâk 4:41

Ghue zə m kpuw lɔŋe tsughu ghee enyə, chìa m bvʉ â chìa enyəa, “Wən lò ndughoo, kʉ̌ɛɛ kə sô zuūw â wə̀n à, à dzùghù a?”

Lûk 8:25

Ù n dzɛ̀ â ghee enyəa, “Boo zɛʼɛ̄ e ndûw ghɛ̀ à?” Fə̂ŋ tə̀ n sə ghee, tuw kə m kpùw sùghò ghee. Ghe ŋ kàʼ ndùw a lùʼù kəā wo enyəa, “Wə̄n biso lò ndughoo, ù sə̀ tsəghàsò lâŋ kò â kùɛɛ ko a, àsùghò â dzùghù a, ghe yia a zuūw â wə̄n à?”