Mâk 4:38 - To kə Kəzə̀ kə̀ Fughu ko

³⁸ Yɛso n lo am bàm kə kəkwə̀n, bwii fughu, mò n tuw kə gaʼ alo kətàlà; ghe n ndùw zòm kɔ̌ʼ wə̄n, dzɛ̀ â wən enyəa, “Wàdè, à lò enyəa ghù dɔ̀m tǎa yo e zəghà zò abugho a kpuw ŋkāa a?”

Mâk 4:38 Iomraidhean Croise

Matìo 22:16

Ghe n tùm ndùw tsə̀təndə̄ghā tə ghee ghèe ghê ghì a Hɛlɔ̀d à li gho a vʉ̀a Yɛso; ghî a tum yi ghə n ndùw dzɛ̀ â wə̄n enyəa, “Wàdè, ghàʼ kûm kwò nû enyəa, ghù lǒ ghùw wə̀ èsəŋò, ghù vʉ̀a ghù kùu zoʼn sugho ghî ghò â səŋò zò aŋ ghəa a Kəzə̀. Ghù bùʼù nǎaŋ yo tuūŋ ko aŋ ghəa ghəla ghî à moʼò an tsʉ̀ zəla ghùw fughuu â ghì ghò, ghù vʉ̀a ghù naāŋ sughò yô sə zo am fəgha kəla ghùw lǒ ghè kò.

Matìo 8:25

Ghe n ndùw zòm kɔʼ wə̄n, dzɛ̀ â wə̄n enyəa, “Bəghasə̄ ghaʼ a Mughùbè, a mîan ko nù.”

Mâk 4:37

Bòobò kə zə̄ŋ kə̀ li kə n nùghù nùghù sə kɔʼ fughu an dzughù, tùŋutùŋu kə n tûuŋ kǎaŋ tsə̀ghà kwə̀n chi enyə, mùghù mə̀ ŋ kàʼ ndùw alenyə a te.

Mâk 4:39

Ù n nùghù è kɔʼ, daŋso kē tsughu kʉ̀ɛɛ kə te ko enyəa, “Bughu dòʼô! Dòʼò mɔŋ!” Zəŋ zə m bùghù dòʼò è kɔʼ, luʼū tə ŋ kòom nùghù zuw dòʼò tsùghù mɔŋ.

Lûk 8:24

Ghe n daŋso ndùw zòm nùghùu kɔ̀ʼ Yɛso, dzɛ̀ â wə̄n enyəa, “Wo Mughùbè lô, sɛ̀ m mìaa lɛ̂, wo Mughùbè lô, sɛ̀ m mìa lɛ̂!” Yɛso n nùghù ke naŋa ndùw kùɛɛ kə te ko à ŋgaam kə kətùŋutùŋu kə te ko, zəŋ è te n tsùghù bùghù è tsughu, nyʉ̂ zə̀ n nùghù dòʼò tsùghù mɔŋ.

Dzɔ̌n 4:6

Bûʼ kə mmùghu kə Yàkɔ̂b kə̌ fə̀ lo tsəgha fughu, Yɛso n doʼò tsùghù fughu a vʉ̀a bùʼ kə te ko, ghəa ù fə̀ sò lo mò ù m bughu an dzì zəla ù fə̀ bwîi wo. À fə̀ lo tǒ an zuuw è kɔʼɔ teme zo.

Hibùlù 2:17

Zən lò e ghee Zə̀ kə̀ mò ki aleghəəŋ tsughu enyəa ù dòʼò wô tò waazə an dzii tən tə dzə̀m, enyəa to ù mò doʼo tsughu tuw kə fɔ̀e kəla kə ki se è kwuso zo, ù gaʼ sugho fə̀ŋ am fwàʼ kə wə̄n â Zə̀ kò. Zən fə̀ enyə lò enyəa ù e lo alenìi fughu ndûw ghue u wə̄n tò kəfughu tò Zə̀ kə̀ ghuūw maʼà bòo tə aghì.

Hibùlù 4:15

Tɔŋlo enyəa Tuw kə fɔ̀e kəla sɛ̀ ki, à yò dzə kəla kə buw alekwuso èse a zəŋò sɛ̀ abugho sɛ̀ bvʉ̂ kôom tsughu; sɛ̀ laam ki Tuw kə fɔ̀e kəla kə lǒ mo ghe ŋ wə̄n tsoom kaŋlo alo tədzìī tə dzə̀m, to ghe mò tsoōm kôʼ sugho sɛ̀, ù ŋ kè kuūwn ŋgəmso ghəŋlo èbo.

1 Pità 5:7

Zə̀gha ndùw nlò fəm kɛʼɛ ko kə dzə̀m â wə̄n, tɔŋlo enyəa kə lɛ̀nlo â ghɛ̀ nəgha tən tə̀ dzə̀m.