Mâk 4:29 - To kə Kəzə̀ kə̀ Fughu ko

²⁹ Abugho sə a te a biso tsughu, nəgha e fi kpē nû â fʉ̀ghàzəa wo alekwə̄n, ù n daŋso sugho alo fənyə̄.”

Mâk 4:29 Iomraidhean Croise

Matìo 13:30

Naŋa nlò to u dzeŋe noō ndûw ko ghèe ghê sò gho, a lo kôʼ nəgha è kwuū zo; Ǹ lo dzɛ̂ â ghì à kwuū gho enyəa ghe buʼu sughūu kɔlɔ̄ naŋā kɔʼɔ̄ dzə̂ zwiī u te wo alo ukwāʼ, aŋ ghəa à kpɛɛ̄n maʼn gho, ghe daŋso kwûu səā kɔʼ àsò, ghe bughò kwəlā kɔʼso naŋā kɔʼ a kə̀twɛ̄.’ ”

Mâk 4:28

Zə n tsò fwə̀n sùghò aŋ ghùe fughu a ghueetsə̄, bùʼ mgbə̄n sə̀ kɔ̀ʼ è dzə, fughu kɔʼ ebuʼ, daŋso nyə tsughu am būʼ e te zo.

Edêe Fughu 14:18

Tsə̀ndə̄ghā è li n daŋso sə wo aŋ kəŋ e te zo, tsə̀ndə̄ghā zəla e ki daʼa ko a zəŋò wən wo, zə̀ n dzàŋ tɔ̀ŋɔ ndùw tsə̀ndə̄ghā zə̀a e mò ki tɔ̀ɔtɔ kə ŋgwɛlɛ kə fənyə chi ko enyəa, “Dzə̀la nyə ndùw nyə fəgha fò, ghù e kwɛɛ̄ nduw mbuuŋ mò alo kəkāʼ aŋ ghueekətsə̄, tɔŋlo enyəa twam u wən wə m bàŋlò.”