Mâk 4:24 - To kə Kəzə̀ kə̀ Fughu ko

²⁴ Ù n dzɛ̀ kpèʼe ndùw a ghee enyəa, “Naŋa nlò tuw ko aŋ ghəa ghəla ghɛ̀ zuūw; fòʼ zəla ghù fòʼo fughu səā nduw, à lò sugho fòʼ zəla ghù lo kele, ndə̀m è lì ke nāam buʼ lo kpeʼe.

Mâk 4:24 Iomraidhean Croise

Matìo 7:2

Tɔŋlo enyəa ghe lô ghɛ̀ bɔɔm saʼa ko an dziī è mɔ̀ʼɔ zəla ghɛ̀ saʼa sughò ghî ghò a te. Ghəa ghəla ghɛ̀ ghəŋlo â ghì gho, Zə̀ kə lo â ghɛ̀ bɔɔm ghəəŋ sùghò êzə̂.

Mâk 9:7

Mbàʼ è lǐ n daŋso nùghù bvʉ̀ ŋgwùu tsùghu ghee, dzə̀ è ghùw ù lì n sə̀ wò fughu am mbàʼ enyəa, “Wən lǒ wɛ waŋā ù tsùʼu; e zuuw nduw nlò â wə̄n!”

Lûk 8:18

Ghɛ̌ fi ki aletɔ̀ʼɔ̀ tee an dzì zəla ghɛ̀ zyəə̄n ghəa gho a te, mbuu ghî ghəla ghe ki fəgha ko, Zə̀ kə̀ lo fughuu kpeʼe ndùw ghee â ndə̀m, ghəla ghe ki yo, fəla fə bûʼ lo ko to ghe ki nû, Zə̀ kə̀ lo nìi nùghùun kɔ̀ʼɔ nù.”

Dzɔ̌n 10:16

Ŋ̀ ki nû ndzì tə̀ li to mo tə yo dzə aŋ saʼ kən. Ŋ̀ ki alenìi təmā dzəə̄ŋ wo ghee, ghe e zuuw â mùghò. Ndzì tə te tə e lo alo kəsāʼ kə mɔ̀ʼ, ki sugho bàʼàtə̀ndzì u mɔ̀ʼ.

Dzɔ̌n 10:27

Ndzì taŋa tə zuūwkɛlɛ dzə̀ zaŋa, yìa M̀ kwo ghee, ghee yia bwîi a bàâ mùghò.

Dzɔ̌n 5:25

Kùmkùm, M̀ fɛ dzàa wò nù â ghɛ̀, nəgha e te e kpee wò nù, zə m bùʼ kpē, mo ghî à kpuwnlo a kê zǔuw wô dzə̀ è Wɛ̀ ù Kə̀zə̀, ghəla ghe zuw tɔ, ghe lo zôo doʼò wò â tuw ko.

Kə̀fwàʼ 17:11

Dzûu tən fɛ mò nəəŋ kuuwn mbvuʼū ghəəŋ nû tsə̀ghàtàʼà təla tə mò lo an Tɛ̀sàlonikà, nu ghe mò zəən shwaʼ u te wo alo mmbuuw, tɔ̀ʼn zěe səa kɔʼɔ am mwàʼsò kə Kəzə̀ enyəa ghəa ghən lo to ezə̀ à.

2 Kòlentìan 9:6

Ghəa e te lo enyəa, ghùw wəla ù tam ko sə fə ufʉgha fo, ù ŋ kwùu sùghò fə̀ sə enyə, ghùw wəlà ù muʼ tam tsughu, ù m mùʼ kwùu e sùghò.

Hibùlù 2:1

Bòʼ ghəa ghən a dzə̀m Zə̀ kə lo mo kə ŋ ghəŋlo, zən lò e ghee a ki aletɔ̀ʼɔ̀ gaʼā tsughu kətuw aŋ ghəa ghəlà sɛ̀ zuw kɔʼ, enyəa e kwo ko a lô zəghàan maʼn tsughuu ghəa a te gho, a səā təŋò ndûw aŋ ghəa à nughù ghò.

1 Pità 2:2

Ghɛ̀ doʼo tsughu tò wɛ à bughu gho, à è zuʼso təla ko ghɛ fə̀ŋ è mele kə̀ zɔlɔ kəla kə lô shwāʼ u Kəzə̀ wò, tò enyəa, abugho ghɛ̀ mʉā ko ghè kò, ghɛ̀ ke noo kɔʼ wo aŋghəa Zə̀ kə̀ ləghaa, tò ghɛ̀ ke zə tuw ko.

1 Dzɔ̌n 4:1

Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.