Mâk 4:17 - To kə Kəzə̀ kə̀ Fughu ko

¹⁷ wə ŋ kè sô kuūwn nyəā məla ghee alo təfə̀ŋ, wə n tsùuŋ dòʼò tsughu ko aŋ kəmà fə enə̀gha; abugho tsû ù sə kɔʼ, ghe fala tsughu am fwàʼ kə Kəzə̀; ghe n tì zə̀ghà è tsughu.

Mâk 4:17 Iomraidhean Croise

Matìo 11:6

Dzɔ̀ lǒ â ghùw wəla ù pfʉsō yô nʉ̀ghà wò a zəŋò mùghò.”

Matìo 12:31

M̀ fɛ dzàa wò nù â ghɛ̀ ezə̀ŋ enyəa, Zə̀ kə̀ lo ghuuw maʼa nù bôo tə ghì ghəla ghe ghəə̄ŋ bo zo â ghì ghò, kə buʼù zə̂a sughò ghəla ghe boōn zən e wə̄n zo; Kə yo alekuūwn zə̂a kôʼ ghì ghəla ghe sûuwn Zuʼ tə Kəzə̀ tò.

Matìo 13:21

ghe ŋ kè nɛɛ à tè, ghe n tsùuŋ kɔ̀lɔ tsughu ko tə̀fə̀ŋ ènyə, ghəa a mo e bughò tùghuu tsughuu ko a zəŋò ghee ŋkāa ghe ndzaŋso ghee bòʼ ghe boō tsughu, ghe ŋ kòom ghɛ̌ɛ tì zə̀ghàa è tsughu.

Mâk 4:16

Ghî li ghən nyoʼn lò sugho tǒ sə ghəla a bvʉ̂ tsughu alo ugɔ̀ʼɔ̀, abugho ghe zuw kɔʼ shwaʼ u te wo, ghe n chʉɛ boo tsughu alo eduʼnlo;

Mâk 4:18

Ghî à li a lo tò ghəla a mò tsɔʼn nduw an nyɔ̌ɔŋmgbê. Ghe lo ghî ghəla ghe zuw tsughu shwaʼ u te wo,

Lûk 12:10

Ghùw wəla ù kuūwn kə̂a boon ghəa a Wɛ ù Ghùw ghò, Zə̀ kə̀ lo nîi zə̂ bo e wə̄n, yia a bughò wəla ù kuūwn suūwn Zuʼ tə̀ Zɔlɔ to, Zə̀ kə̀ lô bo e wə̄n e zə̂ yò.

Dzɔ̌n 8:31

Yɛso n daŋso dzɛ̀ ndùw â Dzûu təla tə mò lo mo tə m boo fughu â wə̄n enyəa, “Abugho ghɛ̀ bɔɔ̄m bwîi nduw dzə an tsʉ̀ zaŋa, ghɛ̌ fi kûum lǒ tsə̀təndə̄ghā taŋā,

Gàlashìan 6:12

Ghî ghəla ghe dzâa wô enyəa ghɛ̀ e sughoo twigh wɛʼɛ wo, lo ghî ghəla ghe ləghaa ko aletɔʼɔ̄ deē səa wo ghue e ghee enyəa ghe lo ghî à dzûŋ ghò. Ghe ləghaa yo alezoʼn wo ghî ghò enyəa ghe lo nû alezə̄ kətuw bòʼ aŋghəa Kə̀lestò fə̀ kpuw alo kədàŋlo. Ghe enyə ghəŋlo ghe sô tsəŋō enyəa ghî à lô dzaŋsō kaāŋ ghee.

2 Timotì 1:15

Ghù kwò nû enyəa aghî a dzə̀m am mbùʼ è Ɛsìaa m mùgho ti zə̀ghà tàʼa, ghuūghùe u Fìdzɛlùs ghèe Hɛ̀modzɛnès yia bûʼ ti zə̀ghà taʼà daŋso sughò mugho.

2 Timotì 4:10

Dɛ̀mâs ŋ kele sə à səa gho a m fʉgha u mbī wo, vʉ̀a ù zə̀ghà maʼà tsughu mugho, nùghù nduw an naʼ e Tɛ̀sàlonikà. Kə̀lesɛ̀ns maā nughù ndùw an Gàlashìa, Taetùs n nùghù ndùw an Dàmatìa

2 Timotì 4:16

An nə̀gha e sûesʉ zəla ghe fə̀ nî nduw mugho an tia e sāʼ, ghùw ù lì ka fə bughò dzə̀ alebùghò yosò mùghò. Aghî à dzə̀m m fwə̀n tì zə̀ghàa tàʼà tsùghù mugho. Gɔ̂ŋ zaŋa e lo enyəa, to Zə̀ kə̀ mô ghuūw maʼà ghəa a ghee à biigh a te gho.

Hibùlù 10:29

Ghɛ̀ moʼò enyəa ghùw wəla ù tso kuuwn chwiilwii tsughu Wɛ̀ ù Kə̀zə̀, lɛɛn kè tsughu kâŋ tə kàa ŋ Kə̀zə̀ məla tə fə̀ sûw maʼà tsughu wə̄n, tsoʼô Zuʼ tə Kəzə̀ təla tə bughòo dzɔ̂ zò, u wən wo utsû kǔuwn tsò bòʼò lò aledòʼò ênzə̂n?

1 Dzɔ̌n 2:19

Ghî ghən fə̀ zəghaa tsughu ghaʼ nùghù è nduw, mò à êzə lo mo ghe mo biso ti yo alo kəfəgha kə mɔ̀ʼ ghàʼ à ghee; nu abugho ghe mò ti alo kəfəgha kə mɔ̀ʼ ghàʼ à ghee, to ghe mafə doʼò dòʼò a fɛ ghàʼ à ghee; lò êzə̀, nughù sə e ghee e kûu dèe nù enyəa ghe ti yo ghàʼ à ghee alo kəfəgha kə mɔ̀ʼ.

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”

Edêe Fughu 2:13

“Ŋ̀ kwo nû luʼù kəla ghɛ̀ mùghù a te, a fia ndàŋ è kə̀də̀ŋ è Satàn lǒ. Ghɛ̀ těe tən tsughu ko an zən zaŋā, ghɛ̀ ŋ kè tuū maʼà boo zəla ghɛ̀ ki â mùghò aŋghəa ghe fə̀ tso bûʼ wi ko Antipàs, a fia Satàn mùghu. Antipàs fə̀ lo ghùw waŋa ù tùghu ù fə̀ teso dzâa ghəa ghaŋa gho â ghî ghò am fə̂ŋ e wə̄n e dzə̀m.