Mâk 4:15 - To kə Kəzə̀ kə̀ Fughu ko

¹⁵ Ghî à li ghən lo tǒ sə ghəla a bvʉ̂ tsughu an dziī; abugho ghe daŋso zuw tsughu shwaʼ u te wo, satàn m bùghò tsù nùghù kɔ̀ʼ shwaʼ u te wo am fə̀ŋ tə ghee.

Mâk 4:15 Iomraidhean Croise

Matìo 13:19

Ghî ghəla ghe zuw shwaʼ u fɔ̀e u Kəzə̀ wò, kè zuūwkɛlɛ, ghe fɛ lǒ tò sə ghəla a mò bvʉ̂ tsughu aŋ ghùw kə dziī. Vûŋ kə̀ m bùghò tsǔun nùghù kɔ̀ʼ fəgha kə̀là ghe zən naŋā am fə̀ŋ tə ghee.

Matìo 22:5

Ghe ŋ kè buʼù nî ghəa a te gho tò eghəa, ghe n nùghù ghe â luʼū to, chìa n nùghù sòʼ ndùw an sum u wə̄n, ù lòʼ wən n sòʼ sə̀ ndùw wən â bekewə̄n ko.

Matìo 4:10

Yɛso n daŋso dzɛ̀ â wə̄n enyəa, “Nùghù fɛ a Satàn wə̄n! Tɔŋlo enyəa ghe tɔm naŋa enyəa, ‘E kɔʼso kɔ Mughu ù te, Zə̀ kə̀a, ghù è tele fwaʼā ko â wə̄n.’ ”

Mâk 4:14

Ghùwsum wən fɛ̄ tâa shwāʼ u te wo.

Mâk 4:16

Ghî li ghən nyoʼn lò sugho tǒ sə ghəla a bvʉ̂ tsughu alo ugɔ̀ʼɔ̀, abugho ghe zuw kɔʼ shwaʼ u te wo, ghe n chʉɛ boo tsughu alo eduʼnlo;

Mâk 4:4

A m bùghò ù təmā ndûw fʉgha wo, ù loʼ wə m bvʉ̀ ndùw an dziī, nwə̀n mə̀ m bùghò chǔuwn pfʉ̀ è kɔʼ.

Lûk 8:12

Sə ghəla aŋ kwàn u dziī fɛ̄ lo ghî ghəla ghe zuūw tsughuu shwaʼ u te wo, vʉatsə̄a ghə m fùʼ bùghò sɔ̀ŋ nùghù sə kɔʼ shwaʼ u te wo am fə̀ŋ tə ghee, enyəa ghe lô dɔ̂ɔm boōm tsughuu shwaʼ u te wo, ghe zəā kɔʼ kə̄tūw.

Kə̀fwàʼ 17:32

A m bùghò ghe zuw Pôl bùghò mɔm tsughu ghəa à nîi nughūun kɔʼɔ gho alo evʉ̄, ghee à li ghə ŋ kàʼ ndùw wən a lùʼù sɔʼso wo, à li ghə ŋ kuuwn so enyəa, “A lo fəghaan tɔ̀ʼɔ̀ zǔuw nù ghən aŋ ghùu ghù.”

Kə̀fwàʼ 5:3

Pità m bvʉ â wə̄n enyəa, “Ànànîas, à lǒ kwò ghù boō tsughu enyəa Satàn nɔɔ̄ fughuu tsughu ghù enyəa ghù gbo naŋa nduw kə̂m kə ukʉa aŋ kua wəla ghù fèe tsughu luʼu kə̂a ko a te, ghù bugho kaʼn wo ghā gho â Zuʼ tə̀ Zɔlɔ to a?

2 Kòlentìan 2:11

aleghəŋlo enyəa e kwo ko ghɔŋ e Satàn è lô bughò baŋà kɔʼɔ am bvʉa e sɛ̀, tɔŋlo enyəa a kwo nû dziī tə wə̄n tə̀ biigh tə̀ ghəəŋ tə aghəa to.

2 Tɛ̀sàlonìan 2:9

Ghùw ù bǐigh ù te lo bùghòo mò ù kì daʼa kə Satàn. Ù lo e deē wò sə̀ghà mò, fwàʼà wò sùghò tùghù tùghù tə aghəa mo ghəa è səŋò è li e yo aŋ ghəa a te gho a dzə̀m.

Hibùlù 12:16

Dəma tsughu nlò enyəa ghùw wɛʼɛ ka e nuŋlo, ghùw wɛʼɛ ka doʼò mò ù kwò yo Zə̀ kò to Esàu, wəla ù fə̀ fêe tsughu dwaʼa u wə̄n wəla ù fə̀ sə wo â ghè wo am mwěe bòʼ dzughu è zəa zo.

Hibùlù 2:1

Bòʼ ghəa ghən a dzə̀m Zə̀ kə lo mo kə ŋ ghəŋlo, zən lò e ghee a ki aletɔ̀ʼɔ̀ gaʼā tsughu kətuw aŋ ghəa ghəlà sɛ̀ zuw kɔʼ, enyəa e kwo ko a lô zəghàan maʼn tsughuu ghəa a te gho, a səā təŋò ndûw aŋ ghəa à nughù ghò.

1 Pità 5:8

Nì nlò ghôm zò, ghɛ̀ tiso kɔʼ tuw ko edzūŋ! Nu ghùwkə̀tuw wɛʼɛ, tɔɔŋ Satàn kǔuw kaaŋ nù tò bəgha kə tɔɔn ko, kə kəŋo ghùw alekwuū pfʉ.

Edêe Fughu 12:9

Ghe nì màʼà tsughu faŋkwu kə ŋgə̄m chì, zùghù è wǐiwǐi è te, ghe tɔŋlo enyəa à lò avʉatsə̄a àsùghò Satàn, wəla ù nɔɔ̄m kaāŋ ghî gho am mbī e dzə̀m — ghe m màʼà tsùghù wò wən aŋ ghueekətsə̄, màʼà tsùghù wò sùghò tsə̀təndə̄ghā tə wə̄n ghèe ghee.

Edêe Fughu 20:10

Ghe ŋ màʼà nyə̀ ndùw vʉatsə̄a ghəla a mò nɔm ghee aŋ wə̀n u fɛɛ̄n wo mo ghe kpâa kɔ̀ʼ am fəgha kə̀ li ko kə ki zuʼ kə̀ biigh ko ghe tɔŋlo enyəa à lò sulfò, a fia nyòoŋgwən è ne ezə̂ ghèe ghùwshʉ̀gha wə̀ agha u vʉ mò lo, a fia ghe kê tsôo zuūw zeē tsəghà ko fɔɔn zo bùghò zǔuw bwii ndùw to mbī kê bughò mîaa.

Edêe Fughu 20:7

Abugho bɔm m tənùu mən eghəm lo bughò tsəghà tsughu, ghe lo zêe zəghàa səā wô Satàn an ndùghù e tsaʼ e wə̄n.