Mâk 4:11 - To kə Kəzə̀ kə̀ Fughu ko

¹¹ Yɛso n dzɛ̀ â ghee enyəa, “Ghe n sə ghɛʼɛ a tsʉ aŋ ghəa e fɔ̀e u Kəzə̀ ghəla a nân doʼō. Yia kuūwn bughò â ghî à li ghən a beē, ghəa ghə̀n à dzə̀m lò aŋ kwə̀ən kə ushwāʼ;

Mâk 4:11 Iomraidhean Croise

Matìo 11:25

Yɛso n dzɛ̀ tsùghù an nə̀ghà e te zo enyəa, “M̀ fughu zɔ̀ɔŋ kə̀a a Tsele waŋā, Mughu ù kəwala à ghueekətsə̄ ko, enyəa ghù ŋ ghəa ghən nân nàŋa â ghì à tɔɔ gho, ghù vʉ̀a ghù dè fughu tsughu â wɛghêtùghù gho.

Matìo 13:16

Dzɔ̀ lò ghɛ̀, ghɛ̀ ki sə gho, kòʼò a te, ki sugho utuŋlō, zûuw a te.

Matìo 16:17

Yɛso n daŋso bɛ̀lɛ̀ tsùghu wə̄n enyəa, “Dzɔ̀ lǒ â ghù a Sǎemòn wɛ ù Dzɔ̌n, nu à kà sə̀ŋò zən dê dzə̂ ghùw ù lì â ghù, à sə̀ŋò e te e dê Tsele waŋā wəla ù lò alo kəwālā.

Mâk 3:23

Yɛso n daŋso tɔŋɔ tsughu ghee, dzɛ̀ â ghee aŋ kwə̀ən kə ushwaʼ enyəa, “Satàn lò ênzən aledzùu sə Satàn a?

Mâk 4:10

A m bùghò Yɛso sə̀ lo wən â nəŋ ko, ghî à li gho, aŋ ghì ghəla ghe fə̀ zəə̄n shwaʼ u wə̄n wo, n ndùw bùghò ghèe ghêe tsə̀təndə̄ghā tə wə̄n tən èghəm à ghè tò tə bə̀ghà, dzɛ̀ â wən enyəa ù teso dzâa wô kwə̀ən kə ushwāʼ kən.

Mâk 4:2

Ù n zoʼn tsughu ghee enyə â ndə̀mà tə aghəa to aŋ kwə̀ən tə ushwāʼ, dzɛ̀ â ghee ghəa ù zoʼn ghee enyəa,

Lûk 8:10

Ù n dzɛ̀ â ghee enyəa, “Ghe ŋ ghɛ̀ â shʉ̀ghà u fɔ̀e ù Kəzə̀ ù dê fughu; yia a bughò ghî à li ghən Ŋ̀ ghəa gho â ghee kə̂a kwə̀n kə̀ kwən enyəa ghe e lɛnlo, kòʼò kɛ̀lɛ yo, zənlo, zuuw tɔɔ yo.

1 Kòlentìan 4:7

À kòʼò ndùghò ghəa è li zo e lo nəŋònəŋ a zəŋò ghɛ̀ a? À lò kə kwò ghɛ̀ ki a mò à kà fughu Zə kò a? Abugho à fə̀ fughu Zə̀ kò â ghɛ̀, ghɛ̀ sô fə̀ŋ tsɔ̀ɔ aŋ kwò tò a è so ghɛ̌ fə̀ fʉgha u te kele aŋ ŋgəŋ zɛʼɛ a?

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

Efɛsùs 1:9

Zə̀ kə̀ ŋ ghəəŋ tsughu ghea ghəla kə fə̀ fôʼ naŋā, nì dè wò sɛ̀ â nàn kə eghəa kəla kə fə̀ tsə̂m kɔʼ am bàm e Kə̀lestò.

Kòloshìan 4:5

E kwo nlò aŋghəa ghɛ̀ mughu a te ghɛ̀ à ghê ghì ghəla ghe tâʼkè boō fughu â Kə̀lestò, e ghəəŋ tsughu nlò ghəa è səŋò zò an nə̀gha zəla ghɛ̀ kele tsughu ghɛ̀ à ghee.

1 Tɛ̀sàlonìan 4:12

tò enyəa ghî ghəla ghe tâʼkè boō fughu â Kə̀lestò lo e fughuu ghɛ â kɔʼso mò. Ghɛ̀ è mughu aŋ ŋgə̄ŋ zɛʼɛ̄, mò ghɛ̀ bvʉa yo fəgha ko â ghùw ù lì.

1 Timotì 3:7

Fwaʼ kə wə̄n kə ki alezɔlɔ an sə kə ghî a beē gho aŋ ghəa ù buw alebvʉ̀ an tə̀mà fə̀ Satàn, ù kelê tuw kə̀ dəla ko.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.