Mâk 3:7 - To kə Kəzə̀ kə̀ Fughu ko

⁷ Yɛso n daŋso nùghùu ndùw an dzùghùntsòʼ è Galèlîi ghèe ghê tsə̀ndə̄ghā tə wə̄n to, nê kə aghì kə̀ n ndûuw ko a bǎà ghee. Ghî ghən mò nughu sə kaaŋ wo am mbùʼ è Galèlîi, sə̀ wò an Dzùdîa,

Mâk 3:7 Iomraidhean Croise

Matìo 10:23

Abugho ghe ndzaŋso kaāŋ ghɛ an naʼ è li zo, ghɛ̀ n ti ndùw an naʼ è nughù zò; M̀ fɛ kùum dzàa wò nù â ghɛ̀ enyəa, ghɛ̀ lo yò aletsə̀ghàa ŋgəaa mɛʼɛ̀ nàʼà tə Ezə̀lɛ̂ tə̀n tə̀ dzə̀m, mò Wɛ̀ ù Ghùw kà bùghò.

Matìo 12:15

A m bùghò Yɛso kele tsughu enyəa ghe kwâa wə̄n, ù n zə̀ghàa tsughu bəla e te zo, saʼ kə aghì kə̀ n tə̀ŋò nùghù ndùw a bâa wə̄n, ù m baaŋ kɔʼ ghî à dzaŋa gho a te a dzə̀m.

Matìo 12:16

Ù ŋ kwɛ̀ɛn tsùghu ghee enyəa kwo ghe lô ghəŋlo enyəa ghùw kele ghee.

Matìo 4:25

Nê kə aghì kə̀ n tə̂əŋ bwìi kǎaŋ ko a bàâ wə̄n, ghe nughù sə kaāŋ wo am mbùʼ è Galèlîi àsùghò an Nàʼà mən Eghəm an Yɛ̀lusalɛ̀m, an Dzùdîa àsùghò a ŋgùŋ è tsə kə Dzodàn.

Mâk 1:39

Ù m bwìi ŋgəa tsughu Galèlîi e dzə̀m, kə̀a ndùw shwaʼ u Kə̀zə̀ an ndughutə̀ne tə Tə̀dzûu to, shùaan sə̌a ndùw sùghò ùzʉ̀ a zəŋò ghì ghò.

Mâk 1:45

Ù ŋ kuūwn kòom nùghù è tsughu, ndùw kàʼ ndùw ghəa yia lùʼù ndzɛɛ̄n kəaa gho â ghì ghò, nàʼà tsughu ghəa yi enyə, Yɛso ŋ kôom yò alendzìin tsəghàa nyə enaʼ, dòʼò kòom tsughu ko alo təŋgwə̀là, ghî ghə̀ n naam nùghùuŋ wò kô bàa tə̀n tə̀ dzə̀m, bùghòo ko alebùghò kôʼ wə̄n.

Mâk 3:20

Yɛso n daŋso kwə̀n nyə̀ è nduw, kwele kə aghì chi kə n ndùw bùghò kpèʼe ko nù, ghe m buʼù làʼà kèe nəgha è zəa zo ghèe ghêe tsə̀təndə̄ghā tə wə̄n to.

Mâk 4:1

Yɛso ŋ kòom ndùw kaʼ kpeʼe ndùw ghì à zoʼn gho a ŋgùŋ è ènyʉ̀ e Galèlîi. Nɔ̂e kə aghì kəla kə fə̀ zûuŋ ŋgəa kɔʼ wə̄n fə̀ ŋgee duūw nû; ù m bīsō nyə̀ dòʼò kɔ̀ʼ alo kəkwə̀n an dzughù è te, nɔ̂e kə aghì chi kə ŋ kuuwn tēe tsughu a ŋgùŋ è dzùghù.

Lûk 23:5

Ghe m mgbɛɛ ko enyəa, “Ù tiso naŋa kɔʼ naʼ e Dzùdîa e dzə̀m alo efwē an tsʉ̀ e wə̄n. Ù fə̀ ziī tsughu aŋ Galèlîi, vʉ̀ ù bùghò tɛ̂ wô fɛ.”

Lûk 6:12

An tsùʼu n te mò, Yɛso ŋ kɔʼɔ gɔ̀ɔŋ tsə̀ghà aŋ kwàʼ; ù ŋ gɔ̀ɔŋ bwǐi ndùw à Zə̀ kò tsuʼ fì.

Lûk 6:17

Yɛso n nùghù sə̀ tsùghù wò aŋ ukwàʼ ghèe ghê tsə̀təndə̄ghā tə wə̄n to, bùghò těe tsughu an nə̀ghàsò kə kəlùʼu ghèe ghê ndə̀m è tsə̀təndə̄ghā tə̀ li tən àsùghò saʼ kə aghì kò ghe fə̀ sə kaāŋ wo an Dzùdîa, an Yɛ̀lusalɛ̀m, àsùghò aŋ ŋgùŋù tə ndzùghùntsòʼ è Tâe àsùghò e Sidɔ̀n zò.

Dzɔ̌n 7:41

À li ghə n dzɛ̀ enyəa, “Wən lǒ Kə̀lestò.” À li ghə ŋ kuuwn bvʉ enyəa, “À lò enyəa Kə̀lestò ù te lo səa wò aŋ Galèlîi ŋkāa?

Dzɔ̌n 7:52

Ghe m bɛ̀lɛ̀ tsùghù wə̄n enyəa, “Ghù sə̀ sùghò aŋ Galèlîi ŋkāa? Kəŋ sə kɔ̀ʼɔ, ghù so e kele tsughu enyəa ghùwshʉ̀ghà ù Kə̀zə̀ ù lì kê yò alesəa koʼò wô aŋ Galèlîi.”

Kə̀fwàʼ 17:10

A m bùghò waazə̂ à li yi nî ndûw təmā zəghàa ndûw Pôl ghèe Saelàs â tsuʼ wo am Bɛ̀lîa; ghe n ndùw fughu, ndùw nyə̀ ndùw an ndùghùne è ghì a Dzûu.

Kə̀fwàʼ 17:14

Waazə̂ a ghê Pôl à li yi n daŋso nì dzə̀n kɔ̀ʼ Pôl alo kəkwə̀n, təma zə̀ghàa ndùw wə̄n, Saelàs ŋ kuūwn dòʼòdòʼò tsùghu fughu ghèe Timotì.