Mâk 3:14 - To kə Kəzə̀ kə̀ Fughu ko

¹⁴ Ù n daŋso shìaa sə̀ wò àghì eghə̄m à ghè ghò a bə̀ghà, ŋgɔm tsughu ghee enyəa à lò tətum. Ù n dzɛ̀ â ghee enyəa, “Ŋ̀ ghɛ fɛ tsɔʼ kɔʼ enyəa sɛ̀ è lo a dzə̀m, Ǹ lo tuu sə̄a ndùw sùghò ghɛ̀ alendùw kə̂a ghəa a Kəzə̀.

Mâk 3:14 Iomraidhean Croise

Mâk 3:13

Yɛso n daŋso nùghù nùghù kɔ̀ʼ ndùw aŋ kwàʼ, mò ʉ n shìaa sə̀ wò ghì ghə̀là ù tsə̌m; ghe ŋ kɔ̀ʼ kòʼ ndùw wə̄n.

Mâk 3:15

Ghɛ̀ lo e ki sugho dwaʼa wo aledzuū sə̄a zʉ̀ ù biigh wo.”

Mâk 6:30

Tum tə Yɛso tə̀ ŋ kwə̀n nyə wò e bàm a vʉ̀a wə̄n. Ghe n nì kɔ̀ʼ fəgha kəla ghe fwaʼ à ghəa ghəla ghe zoʼnlō, dzɛ̀ tsùghù â wə̄n kpe.

Lûk 24:47

Àsùghò enyəa, ghe kê kì alenaʼn nduūŋ nduw an zən e wə̄n, â nàʼà tə̀n tə̀ dzə̀m alenìi nughù tsughu an Yɛ̀lusalɛ̀m, enyəa ghî à tiī kuwnlo am bòo tə ghee, tò Zə̀ kə̀ ghuūw maʼà bòo tə̀ ghee.

Dzɔ̌n 15:16

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Gàlashìan 1:1

À mwàʼsò kən kə tɔɔ wò mùghò Pôl, tùm è Yɛso Kə̀lestò. À kà mùghò shîaa kɔ̀ʼ dzə̀ ghî ghò ŋkāa à mùghò tum wò ghùw ù lì. À mùghò tsɔʼ sə̀ wò Yɛso Kə̀lestò ghèe Zə̀ kò, tɔɔŋ tsele ù sɛ̀ wəla ù fə̀ zôm nughù kɔʼ Yɛso alo evʉ̄.