Mâk 3:11 - To kə Kəzə̀ kə̀ Fughu ko

¹¹ Mo ghî ghə̀là zʉ̀ u fə̀ lo a zəŋò ghee, kôʼ ndùw wə̄n, ghe n tì bvʉ̀ ndùw a tsəlà wə̄n, zʉ̀ u te wə n dîi sə̌a kɔʼɔ enyəa, “Ghù lǒ wɛ̀ ù Kə̀zə̀!”

Mâk 3:11 Iomraidhean Croise

Matìo 14:33

Tsə̀təndə̄ghā tia tə mô kuūwn lô alo kəkwə̀n m fughu wə̄n â koʼ so mò, ghe n dzâa tsùghu enyəa, “Kùmkùm, ghù lǒ Wɛ ù Kə̀zə̀.”

Matìo 4:3

Vʉatsə̄a yi n daŋso ndùw è bugho, dzɛ̀ â wən enyəa, “Aŋghəa e lô enyəa ghù lǒ Wɛ ù Kə̀zə̀, dzàa tsughu enyəa tia zən fə̀là kɔʼ ufʉghàzəa.”

Matìo 4:6

dzɛ̀ â wə̄n enyəa, “Abugho ghù lǒ wɛ̀ ù Kə̀zə̀, tǎa sə tsùghù ndùw fɛ, nu ghe tɔm naŋa am Mwàʼsò kə Kəzə̀ enyəa, ‘Zə̀ kə̀ lo tsə̀ghàsò tsùghuu kə̀làŋ â tsə̀təndə̄ghā tə wə̄n to, tə e lɛnlo â ghù, bɔɔm sùghò ghù enyəa e kwo ko ghù lò tsɔ̂ɔ taʼn ghuw ko alo etīa.’ ”

Matìo 8:29

A mo e zuw bɔ̂ŋ kə edì ghî a zəgha yi maʼà sə wô enyəa, “Ghù ghàʼ kəŋo aŋ kwò à, mo a wɛ̀ ù Kə̀zə̀? Ghù sò yia fɛ bùghò alebùghò ndzaŋso tsughuu dzə̂ ghàʼ sěe nəgha e lo biso kpeē wo ŋkāa?”

Matìo 8:31

Zʉ̀ vʉ wə m buʼ tsughu kəghu â Yɛso enyəa, “Abugho ghù so e dzûu sə ghaʼ, ghù dzum naŋa nyə nduw ghaʼ an saʼ kə ukwə̀lebʉ̄ghā kə chî.”

Mâk 1:1

Ghən lò ghəa ghə̀là làbəlà è dzùŋ fə̀ dəghàan tsughu a te kùu ndùw Yɛso Kə̀lestò, Wɛ̀ ù Kə̀zə̀.

Lûk 4:41

Zʉ̀ wən səa nùghùun lò a zəŋò ndə̀mà tə aghì tò, zʉ̀ u te wə m buʼn səa wò m̀bɔ̀ŋ, dzàa tsùghuu enyəa “Ghù lǒ Wɛ ù Kə̀zə̀!” Ù ŋ kē ghee, kè boo enyəa ghe kɔʼɔ̄ kūɛɛ, tɔŋlo enyəa ghe mò kwo nû enyəa ù lò Bəghambī.

Lûk 8:28

A m bùghò ù kòʼ tsughu Yɛso, ù n sɛ kəbɔ̂ŋ, tə̀m ndùw tuw wə anyʉ̄ a tsəlà wə̄n, kum naŋa tsughu kətuw, dzàa sə̌a kɔʼɔ an dzə̂ è tughu enyəa, “Kee to â ghù a Yɛso, wɛ ù Zə̀ kə̀ ghaʼa kən kə̀ dzə̀m, kà mugho ndzāŋsō.”

Kə̀fwàʼ 16:17

Ù n nùghù nùghù wò a bàâ ghaʼà ghê Pôl, buʼn wò m̀bɔ̀ŋ enyəa, “Ghî ghən lo kɔ̀ɔ n Zə̀ kə̀ Ghaʼa kən kə̀ dzə̀m, ghe naʼn wô ghɛ â dzì è zə̌a è kə̀tūw.”

1 Kòlentìan 11:34

Mò dzə̀ŋ zǎa ghùw wɛʼɛ ù li, ù n zə tən kɔʼ an ndughu alô wə̄n, enyəâ e kwo Zə̀ kə̀ lô saʼā ghɛ abugho ghɛ̀ bughò zûuŋ wo. Abugho Ǹ lo bugho, Ǹ lo bughò fughuu mɛʼɛ̀ wô tsʉ̀ è li zən.

Dzɛ̂ms 2:19

Ghù bǒo fughu nû enyəa Zə̀ kə̀ lo ko kə mɔ̀ʼ a? Abugho ghù boō fughu dzə êzə̀, ghù fi ti a te, zʉ̀ ù biigh u bûʼ bǒo fùghù sùghò êzə̀, vʉa u tsəŋo sugho.