Mâk 2:8 - To kə Kəzə̀ kə̀ Fughu ko

⁸ Aŋghəa Yɛso lǒ mò ù ŋ kele moʼnlò e ghee zo enyəa ghe bvʉnlô àghəa nʉghànʉghà, ù n daŋso dzɛ̀ â ghee enyəa, “Ghɛ̀ tuw ko a, ghɛ̀ kəŋo, ghɛ̀ kəŋo aŋ kwò à?

Mâk 2:8 Iomraidhean Croise

Matìo 12:15

A m bùghò Yɛso kele tsughu enyəa ghe kwâa wə̄n, ù n zə̀ghàa tsughu bəla e te zo, saʼ kə aghì kə̀ n tə̀ŋò nùghù ndùw a bâa wə̄n, ù m baaŋ kɔʼ ghî à dzaŋa gho a te a dzə̀m.

Matìo 16:7

Ghe ŋ kaʼ tsughu alekə̀a aŋ ghùe e ghee enyəa, “Ù ghəa ghən fɛ kə̀a nu ù a kâ bùghò â bɛ ko.”

Matìo 9:4

Yɛso n lo mò ù ŋ kele zìi moʼnlò e ghee zo, ù n dzɛ̀ â ghee enyəa, “Ghɛ̀ ghəa à biigh gho ghɛ̀ nî naŋā alo təfə̀ŋ a, ghɛ̀ nî nàŋa bòʼ kwò à?

Mâk 2:7

“Ghùw wən ghəa a kə̂a ènzə̂n enyəa à? Zən lò e sûwnlò â Zə̀ kò! À lò ndughoo ù lò aleghuūw maʼà bòo tə aghì a, mò à yò ko Kə̀zə̀ a?”

Mâk 2:9

À bùghuun tsə̀ghà è ghɛ zo a, aledzàa tsughu â kə̀ŋgwûundughu kə te ko enyəa, ‘Ghe m bòo tə̀gha tə̀ ghuuw màʼà.’ Ŋkāa aledzàa tsughu enyəa, ‘Nùghu nǐi kɔʼ mbùŋ kə̀a kò, ghù bwii sə nduw a?’

Mâk 7:21

Tɔŋlo enyəa à lò a tèetè, am fə̂ŋ è ghùw, moʼnlò è biigh e səa kɔʼɔ̄ wo; aghəa tǒ alesəa nuuŋ kaŋlo, aletsɔ̄ŋ, alewī ghùw,

Lûk 24:38

Yɛso n dzɛ̀ â ghee enyəa, “À ghɛ̀ fəmsô kwò, tuw kə ghɛ kpuūw aŋ kwò?

Lûk 5:22

Yɛso ŋ kòʼ tɔ tsughu moʼnlò e ghee, ù m bvʉ â ghee enyəa, “Tuw kə ghɛ kpûuw kwò?

Lûk 6:8

Ù n lo mò ù mâa kèle zìi fəgha kela ghe moʼō â ghè kò, ù n dzɛ̀ â kpùuwkə̀kwe vʉ̄ enyəa, “Tee kəŋo wò fɛ.” Ghùw vʉ ndùw těe ndùw fughu.

Dzɔ̌n 21:17

Yɛso ŋ kòom bvʉ kpeʼe ndùw â wə̄n alendùw sə alo tənə̀gha tə təgha enyəa, “Sàemòn, wɛ ù Dzɔ̌n, ghù lə̀ghaa nù mugho a?” Tuw kə m kpuw Pità aŋghəa Yɛso mgbɛɛ̄ bvʉa ko wə̄n â ghəa è mɔʼɔ zo alekɔʼɔ sə alo tənəghā tə təgha enyəa, “Ghù lə̀ghaa nù mugho a?” Ù m bɛ̀lɛ̀ ndùw wə̄n enyəa, “Mughu ù te, ghù kwò aghəa a dzə̀m; ghù vʉ̀a ghù kwo sugho enyəa Ǹ ləghaa nù ghû.” Yɛso n dzɛ̀ ndùw â wə̄n enyəa, “E lɛnlo â ndzì taŋa to.”

Dzɔ̌n 6:64

Ghî à li a ŋgəəŋ lò nû am bvʉa zɛʼɛ̄ mo ghe kaām boom yo shwaʼ waŋa wo.” (Yɛso fə̀ kwo ziī nû ghî ghəla ghe lo mo ghe boom yo shwaʼ u wə̄n wo, àsùghò ghùw wəla ù lo fêen fughuu wə̄n.)

Kə̀fwàʼ 5:3

Pità m bvʉ â wə̄n enyəa, “Ànànîas, à lǒ kwò ghù boō tsughu enyəa Satàn nɔɔ̄ fughuu tsughu ghù enyəa ghù gbo naŋa nduw kə̂m kə ukʉa aŋ kua wəla ghù fèe tsughu luʼu kə̂a ko a te, ghù bugho kaʼn wo ghā gho â Zuʼ tə̀ Zɔlɔ to a?

Kə̀fwàʼ 8:22

Ghù fi ki alemàʼà tsughu bòobò tə aghəa təghà tə te to, ghù gɔɔŋ nduw â Mughu u te enyəa bugho dzì lǒ ù ghuūw maʼà ndûw bòobò kə eghəa kəla ghù mò moʼō ghè kò am fə̂ŋ.

Hibùlù 4:13

Fəgha kə̀ li yo dzə fɛ am mbī Zə̀ kə fə̀ gbə̂n wo kə nân doʼo an sə kə wə̄n. Ghəa ghən a dzə̀m tsò tsʉ̀ doʼo ko enyə an sə kə wə̄n. Sɛ̀ ki aletaŋso dzɛ̂ ghəa ghən a dzə̀m sɛ̀ lo mo a m fwàʼ â wən.

Edêe Fughu 2:23

Ǹ lo wiin tsughûu ghì ghə̀n a dzə̀m ghe nî ghuw kə ebwìi kə nughò wən ko. Zən lo zoʼn tsughu dzweŋe u ghì a Kəzə̀ u te wo to enyəa Ǹ lo ghùw wəla Ǹ tsaʼà fə̂ŋ tə ghì tò àsùghò mòʼnlò e ghee zo, àsùghò enyəa Ǹ lo ghùw wɛʼɛ fùghuu ko â fəgha kə̀là kə kpe tsughu aŋ ghə̀a a wə̄n à ghəəŋ gho.