Mâk 2:2 - To kə Kəzə̀ kə̀ Fughu ko

² Ghî ghə̀ n ndùw tsuŋ tsughu fughu enyə, buʼù fə tsəa fə n tə̀ghà fə̀ m buw, kɛ̀sò dzì alebùʼù tsə̀ghàa sə a beē, zə̀ m buw daŋso. Ù ŋ kə̂a ghee â shwaʼ u Kəzə̀ wò.

Mâk 2:2 Iomraidhean Croise

Matìo 5:2

Ù ŋ kàʼ ndùw ghee alezoʼnlo enyəa,

Mâk 1:14

Ghəa ghe kwu kɔʼ Dzɔ̌n êzə̄ŋ, Yɛso n nùghù nyə̀ ndùw aŋ Galèlîi, nàʼn ndùw tsə̀ndə̄ghā è Kə̀zə̀ è dzùŋ,

Mâk 1:33

Naʼ zə n zòo sə̀ wò è dzə̀m, tsuŋ tsughu enyə a fǔundughu.

Mâk 1:37

ndùw kòʼ ndùw wə̄n, dzɛ̀ â wən enyəa, “Enaʼ è dzə̀m fɛ tsôo kə̀ŋo kaaŋ ko ghù.”

Mâk 1:45

Ù ŋ kuūwn kòom nùghù è tsughu, ndùw kàʼ ndùw ghəa yia lùʼù ndzɛɛ̄n kəaa gho â ghì ghò, nàʼà tsughu ghəa yi enyə, Yɛso ŋ kôom yò alendzìin tsəghàa nyə enaʼ, dòʼò kòom tsughu ko alo təŋgwə̀là, ghî ghə̀ n naam nùghùuŋ wò kô bàa tə̀n tə̀ dzə̀m, bùghòo ko alebùghò kôʼ wə̄n.

Mâk 2:1

A m bùghò tsuʼu n lǒʼ n tsəghà tsughu, Yɛso ŋ kòom nùghù ndùw è bàm aŋ Kàpɛnòm, ghe n nàʼà ndùw enyəa ù ŋ kwə̄n nyə̄.

Mâk 2:13

Yɛso n nùghù kpèʼe è tsughu, ndùw a ŋgùŋ è dzùghùntsòʼ, saʼ kə aghì chì kə̀ dzə̀m n nyə̀ŋ ndùw zùuŋ ŋgəa kɔ̌ʼ wə̄n, ù ŋ kàʼ ndùw ghee a lùʼù zoʼn wo.

Mâk 6:34

A m bùghò Yɛso ndùw a ŋgùŋ è dzùghùntsòʼ, ù ŋ kòʼ nɔ̀ɛ kə aghì; kwuso tsughu ese a zəŋo ghee, bòʼ ghe mò lo tǒ ndzì təla tə ki yo ghùw wəla ù bàʼa ghee; ù ŋ kàʼ ndùw ghee alezōʼnlō an ndə̀mà ndə̀mà tə aghəa.

Lûk 12:1

An nə̀ghā zən, Yɛso fə̀ kəā aghəa â ghì ghò mo ghe n tsūŋ a vʉ̀a wə̄n, buʼù fə̀ tsəā fə ntə̀ghà fə̀ m buw; ghe n dzughòon kàŋlo èghue. Yɛso m bùʼ zìi tsùghù dzə̀ ghəa à kəā gho â tsə̀təndə̄ghā tə wə̄n to, dzɛ̀ â ghee enyəa, “Nǐi kɔʼ nlò ghôom zò am mwam e tə̀ Falàsîi, à lò ghî a kə̀bàŋàdzə̀m.

Lûk 5:17

Tsuʼ ù li wo, ghəa Yɛso zoʼnlō, Falàsîi tə̀ n doʼ ghèe ghê Dèekə̀làŋ; ghe sə kaāŋ wo an nàʼà ŋ Galèlîi, nàʼà n Dzùdîa à nàʼà n Yɛ̀lusalɛ̀m mə̀n n dzə̀m. Ù n lo êzə̀, mò Zə̀ kə̀ ŋ wə̄n â daʼa kə̀ baaŋ kə aghì kə̀ fughu.

Lûk 8:1

Yɛso n daŋso nùghù è tsughu, bwìin kǎaŋ ndùw nàʼà tə̀nàʼà, nàʼn ndùw Làbəlà è Dzùŋ. Tsə̀təndə̄ghā tə̀n èghəm à ghè tò tə bə̀ghà n lo ghèe ghee,

Lûk 8:11

Moʼnlò e kwə̀ən kə ushwāʼ kən lò ènyə; ŋgòʼ zəa ghe mò təm lo shwaʼ u Kə̀zə̀.

Kə̀fwàʼ 11:19

Ghî ghəla ghe fə̀ tiīn sɛ̂ɛ tsughu bòʼ aŋghəa ghe fə̀ fɔeso tsughu Sìtofɛ̀ a te, ghe m bwìi ènyə lɔʼso ndùw sə̀ mìasò ndùw am Fɔ̀enishìa, àsùghò an Saepə̀lùs, àsùghò an Antìok, kòom kə̀aa yò shwaʼ u te wo â ghùw ù lì, kə̀aa tə̀la ko â Dzûu tò.

Kə̀fwàʼ 14:25

A m bùghò ghe kə̂aa tsughu shwaʼ u te wo am Pɛlgà, ghe n nùghù tsùghù ndùw an naʼ e Àtalìa,

Kə̀fwàʼ 16:6

A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

Kə̀fwàʼ 8:25

Ezə̄ŋ ghəa Pità ghèe Dzɔ̌n teso dzɛ̂ tsughu ghəa a Mughu ù te gho, ghe n nùghù tsùghù a lùʼù kwəlā wo ebàm an Yɛ̀lusalɛ̀m, nàʼà kwən tsughu ko tùm è dzùŋ è te dzîidziī enyə an ndə̀mà tə nàʼà mə̀là n lò a tsəlà Sàmalìa.

Lumà 10:8

Kən kuuwn lò fəgha kəla ghe tɔm naŋa am Mwàʼsò kə Kəzə̀ enyəa, “Shwaʼ u Kəzə̀ ù kuʼù lò ko enyə ghɛ̀ à ghee. Ghɛ̀ buʼù kə̀aa nù, vʉa u lô sugho am fə̀ŋ tɛʼɛ” — tɔɔŋ shwaʼ wəla sɛ̀ zughòo kaŋlo enyəa ghî ghə̀ e gaʼa fə̂ŋ tò a zəŋò Kə̀lestò.

2 Timotì 4:2

E dəma ko alezughò shwaʼ u Kəzə̀ u te wo nəgha tən tə̀ dzə̀m, kà ghî à ləghaa ŋkāa ghe ləghaa yo. E naŋso ndùw ghî ghò, kwɛ̀ɛn ndùw ghee, dzə̀là ndùw sùghò ghee â sə̀ŋ zò. E ndòʼò màʼn tsughuu sugho ghue wo aletsʉ̀ ghee an shwaʼ u Kəzə̀.