Mâk 2:17 - To kə Kəzə̀ kə̀ Fughu ko

¹⁷ Ghəa Yɛso zuw ndûw ghəa yì, ù n dzɛ̀ ndùw â ghee enyəa, “Ghî ghəla ghe tughuu dzɔɔ̄, ghe ki yo ghəa è ghəəŋ zo ghèe ghêe ghùwŋgàŋ, à gɔ̀ʼɔ̀ ko ghəla ghe dzaŋā. Ŋ̀ ka mo bughò dzə̀ alebùghò tɔŋɔ̂ ghì à tsəghatsəgha gho, mùgho mò bugho à biigh gho.”

Mâk 2:17 Iomraidhean Croise

Matìo 18:10

“Ghəəŋ tsughu enyəa ghɛ̀ ka e koʼō keē nyàaŋ mə̄n; nu ghəa Ǹ dzâa wô fɛ â ghɛ̀, tsə̀təndə̄ghā tə Kəzə̀ tə ghee tə lo tsəgha ko ghèe ghê Bə̀ghà alo kəwālā.

Lûk 15:10

M̀ fɛ dzàa wò nù â ghɛ̀ enyəa à bɔ̌ɔm lò sugho êzə̀ Tsə̀təndə̄ghā tə Kəzə̀ tə̀ duʼnlo abugho ghùw ù bǐigh u mɔ̀ʼ ti kuūwn kɔʼ am bòo tə wə̄n.”

Lûk 15:29

Wɛ vʉ n dzɛ̀ â tsele enyəa, ‘Yìa Ǹ fwâʼ tsɛlɛ̀ fɛ â ghù an ndə̀m è tə̀nùu, kè tsoō tsughòsò koʼò sughò làŋ kə̀a; ghù kaam tso nì kòʼ wò ko tsʉa u dzə wo enyəa Ǹ dan a te ghàʼ à ghê fən ghaŋā gho.

Lûk 15:7

À lò sugho êzə̀, aŋghəa Ǹ dzâa wô fɛ â ghɛ̀ enyəa à kè lò duʼnlo è nêene zo alo kəwālā abugho ghùw ù bǐigh u mɔ̀ʼ kuuwn kɔʼ fə̀ŋ è wə̄n tsə̀ghàtàʼà ghì à dzûŋ ghən ŋghəm tɛ̀ndzūghū à ghè ghǒ tɛ̀ndzūghū ghe moʼò enyəa ghe lo ghî à dzûŋ ghò, ghe kôom yô alekuūwn fə̀ŋ tə ghee to.”

Lûk 16:15

Yɛso n dzɛ̀ â ghee enyəa, “Ghɛ̀ lo ghî à dzûŋ ghò an sə kə aghì, Zə̀ kə̀ kuuwn kwō fə̂ŋ tɛʼɛ; nu fʉgha wəla ghî à kuūwn kɔʼsō, à lò udzʉ an sə kə Kəzə̀.

Lûk 19:10

Nu Wɛ ù Ghùw mò am mbī bugho alebùghò kəŋo səā kɔʼ ghî ghəla ghe lâʼ mughu, alebəghaasə ghee.”

Dzɔ̌n 9:34

Ghe n dzɛ̀ â wə̄n enyəa, “Ghî fə̀ biigh fən, mo ghe fə̀ fə̀fùghù dzə alo ebō, fə̀fùghù fə̀ n noo sùghò alo ebōʼ, ghù so e bughò zoʼn ghàʼ à?” Ghe n dzùm nùghù sə ghùw ù fǒo vʉ̀ an Ndùghène è Tə̀dzûu.

Dzɔ̌n 9:40

A m bugho ghî a Falàsî ghəla ghe mò kuʼù ti am bùghò e Yɛso zuw tsughu ghəa ghən gho, ghe n dzɛ̀ â Yɛso enyəa, “Tò à fɛ lo enyəa ghàʼ fô dòʼò sùghò nù a?”

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Kə̀fwàʼ 26:20

Sʉ̂esʉ mùgho n dzɛ̀ tsùghù an Dàmaskùs, daŋso ndùw an Yɛ̀lusalɛ̀m, daŋso zùghòo ŋgə̀a wò Dzùdîa edzə̀m, dzɛ̀ ndùw â Tòʼò tò, enyəa ghe kuuwn kɔʼ fə̂ŋ tə ghee, ghe boō ndûw Kə̀zə̀, ghe e fwaʼā nduw sugho ghəa ghəla a dêe tsughu enyəa ghe ŋ kūwnlō.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.