Mâk 2:13 - To kə Kəzə̀ kə̀ Fughu ko

¹³ Yɛso n nùghù kpèʼe è tsughu, ndùw a ŋgùŋ è dzùghùntsòʼ, saʼ kə aghì chì kə̀ dzə̀m n nyə̀ŋ ndùw zùuŋ ŋgəa kɔ̌ʼ wə̄n, ù ŋ kàʼ ndùw ghee a lùʼù zoʼn wo.

Mâk 2:13 Iomraidhean Croise

Matìo 13:1

Tsuʼ fə̀ mɔʼɔ̄ fə te fo, Yɛso n sə tsughu an ndughu, ndùw dòʼò ndùw a ŋgùŋ è ènyʉ̀.

Matìo 9:9

Ghəa Yɛso zə̀ghàa tsughu luʼu chi ko, nughùun ndùw, ù ŋ kòʼ tsùghu dzə̀akə̀mwàʼsò ù lì ghe mò tɔŋlo enyəa à lò Matìo, mò ù lǒ an lùʼù kə kəfwàʼ kə wə̄n. Ù n dzɛ̀ â wə̄n enyəa, “Nùghù wò a bǎà mùghò.” Matìo n nùghù ndùw sùghò a bàâ Yɛsò.

Mâk 1:45

Ù ŋ kuūwn kòom nùghù è tsughu, ndùw kàʼ ndùw ghəa yia lùʼù ndzɛɛ̄n kəaa gho â ghì ghò, nàʼà tsughu ghəa yi enyə, Yɛso ŋ kôom yò alendzìin tsəghàa nyə enaʼ, dòʼò kòom tsughu ko alo təŋgwə̀là, ghî ghə̀ n naam nùghùuŋ wò kô bàa tə̀n tə̀ dzə̀m, bùghòo ko alebùghò kôʼ wə̄n.

Mâk 10:1

Yɛso n daŋso zə̀ghàa tsùghu Kàpɛnùm, nùghù ndùw am mbùʼ è Dzùdîa, ndùw dàŋ sə kɔʼ dzùghù è Dzodàn, ghî ghə̀ n tsuŋ kpeʼe wò sùghò a vʉ̀a wə̄n; ù ŋ kàʼ ndùw sùghò ghee a lùʼù zoʼn wo aŋ ghəa ù kiī ghəə̄ŋ tsəgha.

Mâk 2:2

Ghî ghə̀ n ndùw tsuŋ tsughu fughu enyə, buʼù fə tsəa fə n tə̀ghà fə̀ m buw, kɛ̀sò dzì alebùʼù tsə̀ghàa sə a beē, zə̀ m buw daŋso. Ù ŋ kə̂a ghee â shwaʼ u Kəzə̀ wò.

Mâk 4:1

Yɛso ŋ kòom ndùw kaʼ kpeʼe ndùw ghì à zoʼn gho a ŋgùŋ è ènyʉ̀ e Galèlîi. Nɔ̂e kə aghì kəla kə fə̀ zûuŋ ŋgəa kɔʼ wə̄n fə̀ ŋgee duūw nû; ù m bīsō nyə̀ dòʼò kɔ̀ʼ alo kəkwə̀n an dzughù è te, nɔ̂e kə aghì chi kə ŋ kuuwn tēe tsughu a ŋgùŋ è dzùghù.

Lûk 19:48

ghe ŋ kuuwn kəŋo kèe ghəa ghe lo alekaʼā tsughu a te, ghî ghə̀n à dzə̀m màʼà boōm fughuu ndûw ko â wə̄n.

Lûk 21:38

Ghî ghə̀n a dzə̀m m gbəla tsūŋū tsə̀ghà ko am be kə̀ ne ko tsuʼu mən n dzə̀m n dzə̀m alebùghò zyə̂ən shwaʼ u wə̄n.