Mâk 16:19 - To kə Kəzə̀ kə̀ Fughu ko

¹⁹ A m bùghò Mughùbè Yɛso kə̀a tsughu ghəa ghən gho enyə â ghee, à fi daŋso lò ghəa a wə̄n à kɔʼɔ gho alo kiwālā, ù ŋ kɔ̀ʼ dòʼò tsùghù aŋ kwe ù Kəzə̀ u təma wo.

Mâk 16:19 Iomraidhean Croise

Mâk 16:20

Tsə̀təndə̄ghā tə wə̄n tə n daŋso sə̀ sɛ̀ɛ è tsughu, nàʼn kǎaŋ ndùw tsə̀ndə̄ghā è Kə̀zə̀ an lùʼù tən tə̀ dzə̀m. Ghue u Mughu ù te wə n lo a bàâ ghee, tughuso ndùw shwaʼ u ghee an tsə̌a təla tə fə̀ səā kɔʼɔ̄ a te. Àkpe.

Lûk 22:69

Alekuūwn nîi nughù tsughu êzə̄ŋ, ghe sô Wɛ ù Ghùw doʼsò nǎaŋ tsughuu aŋ kwe ù təma u Zə̀ Kə̀ Ghaʼa Kən Kə̀ Dzə̀m.”

Lûk 9:51

Ghəa tsuʼ u Yɛso ù kɔʼɔ wo alo Kəwālā u suū wo, ù n nùghù nùghù kɔ̀ʼ enyəa e fɛ tsughuu an Yɛ̀lusalɛ̀m.

Dzɔ̌n 13:1

À fə̀ êzəŋ doʼōdoʼō ko fə tsuʼ fə mɔ̀ʼ to ghe e zə zə kə̀ Zəŋso Naaŋ ko, à n lo mò Yɛso kwò ziī nû enyəa nəgha zəla e ki alezə̀ghàa mbī zən a te, e ndûw e ghee zo ebàm a vʉ̀a Tsele zə m kpē; a n lo ezə̂ mô ù ŋge ki eləgha a zəŋò fən a wə̄n gho fɛ am mbī, ù fə̀ ləghaa ghee ndùw tɛ̀ è nduw to mbī kê bughò mîaa.

Dzɔ̌n 16:28

Mugho mò nughu wo a vʉ̀a Tsele ù te, bùghò nyə̀ wò fɛ am mbī. M̀ fɛ êzə̄ŋ kôom zə̀ghàan tsùghu mbī aledùw èbàm a vʉ̀a Tsele ù te.”

Dzɔ̌n 17:13

M̀ fɛ ti an dziī M̀ bugho a vʉ̀a ghù. Ŋ̀ ghəa ghən fɛ am mbī kuuwn kə̀aa enyəa to tsə̀təndə̄ghā taŋa tə mô kì kpeen mɛʼɛ̄ sugho tsoʼn zəla Ŋ̀ ki ghè zò.

Dzɔ̌n 20:17

Yɛso n dzɛ̀ â wə̄n enyəa, “Kà mugho mɔ̀m, nuu Ŋ̀ kaām kɔʼ tɛ̀ dzə̀ a vʉ̀a Bə̀ghà; laam ndùw a vʉ̀a waazə̂ ghaŋa gho, ghù dzɛ â ghee enyəa M̀ fɛ ndùuw a vʉ̀a Tsele waŋa wəla à lò sugho tsùghò, tɔ̂ɔŋ Zə̀ kɛʼɛ.”

Dzɔ̌n 21:15

Ghəa ghe gbə̄n zə mɛʼɛ̀ kɔʼ, Yɛso m bvʉ â Sàemòn Pità enyəa, “Sàemòn, wɛ ù Dzɔ̌n, ghù ləghaa nù mugho tsəghàsə ghî ghə̀n a?” Sàemòn m bɛ̀lɛ̀ ndùw wə̄n enyəa, “Ghù kwò nû enyəa Ǹ ləghaa nù ghû.” Yɛso n dzɛ â wə̄n enyəa, “Etsʉa ndzì taŋa to.”

Dzɔ̌n 21:22

Yɛso m bɛ̀lɛ̀ ndùw wə̄n enyəa, “Abugho Ǹ ləghaa enyəa ù dòʼòdoʼò tò Ŋ̀ kê telè bughò èbàm, à ghù a te fəmso kə̀ kwò? Bùghò a bâà mùghò!”

Dzɔ̌n 6:62

To e mô sô yia kuuwn lò ênzə̂n â ghɛ̀ a, abugho ghɛ̀ mô koʼò wô Wɛ̀ ù Ghùw ù nùghùun kɔʼɔ̄ ndûw fia ù mò bûʼ lo sʉèsʉ a?

Kə̀fwàʼ 1:22

alenìi nughù wô an tì kə̀là Dzɔ̌n mò fughuu Mùghù ŋ Kə̀zə̀ mò â ghì ghò, bùghò tɛ̀ wò an tsuʼ fəla ghe mò nî nughù kɔʼ wən a te aŋ ghùu sɛ̀, nùghù kɔ̀ʼ ndùw â wə̄n. Ghùw ù ghee u mɔ̀ʼ kì aledòʼò wô sɛ̀ à ghee tǒ ghùw wəla ù mʉā fughuu sugho gùw è Yɛso aŋ ghəa a wə̄n à zoōm wo gho alo evʉ̄.”

Kə̀fwàʼ 2:33

Zə̀ kə̀ ŋ wən kɔʼso naŋa, vʉ̀a ù lò êzəŋ aŋ kwe u Kəzə̀ ù təma wo, vʉ̀a ù mò nî kɔʼ Zùʼ tə̀ Zɔlɔ təla Zə̀ kə fə̀ to naŋā aŋ ghùu Tsele ù te. Fəgha kə̀là ghɛ̀ koʼō ezə̄ŋ à kə̀là ghɛ̀ zuūw, à kwə̀n fughu tsughu wə̄n â ghàʼ.

Kə̀fwàʼ 3:21

Yɛso wən lo ki alekɔʼɔ̄ doʼò alo kəwālā, nəgha e Kəzə̀ è kê telè kpeē tsughu â wən alelūesō tsughu lâŋ kə kətō kə wə̄n kəla ù fə̀ ki tum naʼà wô to â ghǐishʉ̀ghà a wə̄n gho â wǐiwì.

Lumà 8:34

À lò ndugho ù lò aledzɛ̀ enyəa a m bvʉ̌ saʼ a? À lǒ mò à lǒ Kə̀lestò Yɛso wəlà ù mò kpuw dzə a, ŋkāa à lǒ wən wəla ghe mò zôm nughù kɔʼ alo evʉ a, vʉa u doʼ ezəŋ an kwe u Kəzə̀ u təma wo, dìi fughû dì e sɛ̀ à?

Kòloshìan 3:1

Ghe mafə ghɛ à ghê Kə̀lestò dzeŋe zòm nùghùu kɔʼ alo evʉ̄, e kəŋo ko nlò ghəa e kəwālā zo, a fi a Kə̀lestò dǒʼ aŋ kwe u Kəzə̀ ù təma wo.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.

Hibùlù 4:14

Ghəa e lô dzə enyəa sɛ̀ ki nû Yɛso, Wɛ u Kəzə̀, tɔɔŋ Tuw kə fɔ̀e ù tughu wəla ù lǒ mò ù n tsə̀ghànyə alo kəwālā; to sɛ̀ mô tɔʼɔ̀ sɔʼn tsughuu ko ŋkāa am boo zəla sɛ̀ ki â Zə̀ kò.

Hibùlù 6:20

Yɛso mafə chwɛ dzì aŋghəa ù fə̀ nyə nduw fughu an tuw u sɛ̀, ghe n tsuʼ naŋa kɔʼ wə̄n tò tuw kə fɔ̀e an nə̀gha tən tə̀ dzə̀m tǒ Mɛ̀chisɛdɛ̀k.

Hibùlù 7:26

E mò kpe nû enyəa a kele tsughu ŋgòʼ è tuw kə fɔ̀e tò kən, ghùw mò u zɔlɔ nù, ki yo tsû wò, ki yo dzʉ wo, yò dzəəŋ dzə̂ ghèe ghê ghì à biigh gho, mò Zə̀ kə̀ ŋ wə̄n alo kəwala kɔʼso naŋa kɔʼ.

Hibùlù 8:1

Tiso kə eghəa aŋ ghəa ghəla a kə̂aa fɛ lò enyəa, a ki tuw kə fɔ̀e tò kəla a kə̂a ghəa a wə̄n gho fɛ, mò kə dòʼ aŋ kwe ù təma wo an ndàŋ è Kwifɔ̀e alo kəwala.

Hibùlù 9:24

Kə̀lestò kà nyə̀ ndùw dzə̀ an lùʼû kə̀ baa kəla ghe bəgha aŋ ghu, mò à lǒ fwěen kəla kə kûm lo, ù fə̀ laam nyə daŋso nduw alo kəwālā, alendùw tee a vʉa Zə̀ kò an tuw u sɛ̀.

1 Pità 3:22

Ù fə̀ kɔʼsə kɔʼ alo evʉ̄, ù n nùghù nyə̀ kɔ̀ʼ ndùw alo kəwālā, vʉ̀a ù dǒʼ aŋ kwe u Kəzə̀ ù təma wo, saʼâ tsə̀təndə̄ghā tə Kəzə̀ tò àsùghò dwaʼa wo u dzə̀m alo kəwālā.