Mâk 16:18 - To kə Kəzə̀ kə̀ Fughu ko

¹⁸ Ghe e ke kuum wo zughu to aŋ ghu, tə e ghəəŋ yo ghee â ghəa è li zo, mo ghe zə ko nō, zə̀ ŋ kè nomso ghee. Ghe e ke gaʼā nduw ghu gho a zəŋò ghì à dzaāŋ gho, ghe e dzaŋā tughuu wo.”

Mâk 16:18 Iomraidhean Croise

Mâk 5:23

buʼ ndùw kə̀ghu â wən enyəa, “Nyàaŋ fə fəzən faŋā fə so e kpuw. Bùghò, ghù bugho gaʼ tsughu ghu ghə̀a ghò a zəŋò wə̄n, tò ù tughūu doʼò wô, ù dòʼò wô â tuw ko.”

Lûk 10:19

Kòʼô, mùghò ŋ ghɛ̀ â dwaʼa u fughu aledàŋlò alo təzughu, dàaŋ sùghò alo tənàŋ, àsùghò enyəa ghɛ̀ è ghaʼa wo ghî ghəla ghe lô ghî a kətuw ghɛʼɛ̄ gho; fəgha kə lô ghùw wɛʼɛ kɛ̂ yò.

Kə̀fwàʼ 19:12

Ghî ghə̀ nîi kɔ̀ʼɔ bàa mə̀ ndzʉ məla Pôl mò zêe sʉ u wə̄n wo a te, àsùghò mwaʼnlo u kəfwàʼ u wən ndùw zìi ndùw a zəŋò ghì à dzaŋā gho, dzaŋà tə̀ n zəghàan ghee, zʉ̀ ù biigh wə n sə̄a nùghùnlò a zəŋò ghee.

Kə̀fwàʼ 3:12

Pità ŋ kòʼ ghəa yì, dzɛ̀ â ghì yi gho enyəa, “Wo ghî ghə Ezə̀lɛ̂ ghò, kwə̀ən kə̀ ghɛ kɔʼɔ aŋ kwò à? À lǒ kwò ghɛ̀ sô gbeē lɛɛ̄n ghaʼ enyə à tò è so à lò daʼa kaʼā ŋkāa enyəa ghàʼ zɔlɔ nù an sə kə Kəzə̀ e ghəŋlo enyəa ghùw wən nughù bwiī wo a?

Kə̀fwàʼ 3:16

Ghùw wəla ghɛ̀ koʼò wô fɛ, wəla ghɛ̀ mgbaŋ kwo sugho, à fɛ ghəəŋ tsughu boo zəla ù ki an Yɛso vʉ̀a ù tughu dòʼò wo. À lo zən e Yɛso zən, à boo zəla e lo aŋ wə̄n e ghəŋlo vʉ̀a ù tughuu dzɔɔ̄ aŋghəa ghɛ̀ koʼò wô fɛ.

Kə̀fwàʼ 4:10

ghɛ̀ ghən à dzə̀m, ghɛ̀ à ghê ghì ghə Ezə̀lɛ̂ ghò a dzə̀m kele tsughu enyəa, tò ghùw wən e ti fɛ â ghue ù tughu wo, à lò an zən Yɛso Kə̀lestò, ghùw ù Nazalɛ̀t wəla ghɛ̌ fə̀ təghaa kɔʼ alo kədàŋlo, wəla Zə̀ kə mò zôom nughùu kɔʼ wə̄n alo evʉ̄.

Kə̀fwàʼ 4:22

À mò lo bòʼ ghùw wəla ghe mò dê tsughu fɛ̀ɛn kə ushʉ̀ghà ù baaŋ wə aghì wən a zəŋò wə̄n n noo tsə̀gha ghə̀m n tə̀nùu mò n chìakò.

Kə̀fwàʼ 4:30

Děe tsughu daʼa kə̂a kə̀ baaŋ kə aghì kò â ghì ghò, ghàʼ è deē nduw fə̄ən zo, à sə̀ghàa mò an zən e kɔ̀ɔ fə̀ghà fə̀ zɔlɔ fo, Yɛso.”

Kə̀fwàʼ 9:34

Pità n dzɛ̀ â tûw vʉ enyəa, “Aenìas, Yɛso Kə̀lestò fɛ baaŋ ghù; nùghu kɔʼɔ̄, ghù fəghaan tsughu chʉ̂a wʉ̀a wò!” Aenìas n daŋso nùghù è kɔʼ.

Lumà 16:20

Zə kəla kə fughuu sɛ̀ â bughuun zo lo kùʼù foʼso màʼn nù Satàn, kə lo ghəəŋ tsughu ghɛ̀ e ki daʼa ko a zəŋò wə̄n. Gɔ̂ɔŋ zaŋa e lo enyəa to Mughùbè ù sɛ̀ Yɛso Kə̀lestò mo dè ghɛ a dzɔɔ e wə̀n zo.

1 Kòlentìan 12:9

 ghùw ù lì, Zuʼ tə̀ mɔʼɔ tə te tə m fughu wə̄n â fə̀ŋ e te alebiso boō fughu tsughu â Kə̀lestò, à ghùw ù lì, Zuʼ tə̀ Zɔlɔ tə te tə m fughu tsughu wə̄n â dwaʼa wo alebaaŋ ghî dzaŋa gho;