Bìoball air-loidhne

Mâk 16:16 - To kə Kəzə̀ kə̀ Fughu ko

¹⁶ Ghùw wəla u boō fughu tsughu a te, ghe yia fughu tsughu wə̄n â mùghù ŋ Kə̀zə̀ mò, ù lo zə kətuw; wəla ù dòʼŋkè kuūwn boo fughu, ghe lo dzûuw maʼà tsughu wə̄n.

Faic an caibideil Dèan lethbhreac

dol air ais ⬆

Mâk 16:16
36 Iomraidhean Croise

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Faic an caibideil

Mâk 1:15

dzàa ndùw enyəa, “Nəghā e te zə m kpē, fɔ̂e u Kə̀zə̀ ù lo ko êzəŋ aŋ ghu; ti màʼa nlò ghəa ghɛʼɛ à bii gho, ghɛ̀ boo tsughu tùm è dzùŋ zən!”

Faic an caibideil

Lûk 8:12

Sə ghəla aŋ kwàn u dziī fɛ̄ lo ghî ghəla ghe zuūw tsughuu shwaʼ u te wo, vʉatsə̄a ghə m fùʼ bùghò sɔ̀ŋ nùghù sə kɔʼ shwaʼ u te wo am fə̀ŋ tə ghee, enyəa ghe lô dɔ̂ɔm boōm tsughuu shwaʼ u te wo, ghe zəā kɔʼ kə̄tūw.

Faic an caibideil

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Faic an caibideil

Dzɔ̌n 3:36

Ghùw wəla ù boō fughu nduw â wɛ̀ ù te, ù ki mughù è doʼn təla zo, wəla ù zuūw yo â Wɛ̀ ù te, ù kè zə̀ yo tuw ko; nʉghà u Kəzə̀ ù pfʉa u kê kǔuwn dòʼn tə̀là an tuw kə wə̄n.”

Faic an caibideil

Dzɔ̌n 3:5

Yɛso m bɛ̀lɛ̀ tsùghù enyəa, “Kùmkùm, Ǹ dzâa wò à ghù enyəa, à gɔ̀ʼɔ̀ ko mo ghe ŋ wə̄n â mùghù ŋ Kə̀zə̀ m fughu, Zuʼ tə̀ Zɔlɔ tia tə lo mo tə wə̄n nyəə̄n sùghò a zəŋo ughùe, ù yò alenyə am fɔ̀e ù Kəzə̀.

Faic an caibideil

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Faic an caibideil

Dzɔ̌n 6:29

Yɛso m bɛ̀lɛ̀ tsùghu ghee enyəa, “Ghəa zəla Zə̀ kə̀ ləghaa enyəa ghɛ̀ ghəŋlo lo enyəa, ghɛ̀ boo fughu nduw â ghùw wəla Ù tum wo.”

Faic an caibideil

Dzɔ̌n 6:35

Yɛso n dzɛ̀ â ghee enyəa, “Ǹ lo bɛ kəla kə fughu mughùu zò â ghì ghò. Ghùw wəla ù dòʼòdoʼò wo ghàʼ à wə̄n kê dì yǒ dzə̀ŋ, wəla ù boo fughu tsughu â mùghò, fə̀ŋ è mmùghu lô wə̄n zuʼso kòʼ yò.

Faic an caibideil

Dzɔ̌n 6:40

Tɔŋlo enyəa, kən lǒ to kə Bəghà, enyəa, ghùw wəla ù kôʼ tsughu Wɛ ù wə̄n ù nùu, vʉ̀a ù boō fughu nduw â wə̄n lo kele mùghù è doʼn təla zo, Ŋ̀ kê nîi nùghùsò kɔ̀ʼ wə̄n an tsuʼ fəla fə doʼò gûŋsò tsughu.”

Faic an caibideil

Dzɔ̌n 8:24

M̀ maā dzɛ̂ a ghɛ̀ enyəa ghɛ̀ lo kpuuw am bòo tɛʼɛ. Alekùu nîi tsughu, ghɛ̀ lo kpuuw nu am boo tɛʼɛ abugho ghɛ̀ tâʼkè boo enyəa Ǹ lo ghùw wəla M̀ mô dzɛ̂ â ghɛ̀ â sə ko.”

Faic an caibideil

Kə̀fwàʼ 10:43

Ghiīshʉ̀ghà ghə̀n à dzə̀m fə̀ fɛ kâa ko wə̄n enyəa ghùw wəla ù boō fughu tsughu dzə̄ â wə̄n, ghe n ghuuw màʼà bòo tə wə̄n bòʼ Wə̄n.”

Faic an caibideil

Kə̀fwàʼ 13:39

àsùghò enyəa ghùw wəla ù boō fughu tsughu â Zə̀ kò, Zə̀ kə m bəghasə tsughu wə̄n aŋ ghùu bòo tə̀n tə̀ dzə̀m lâŋ kə Musî kə̀ mò yô alezèe zəghàa wən a te.

Faic an caibideil

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Faic an caibideil

Kə̀fwàʼ 2:38

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Faic an caibideil

Kə̀fwàʼ 2:41

Ghî ghə̀ n zuw shwaʼ u Pità vʉ̀ boo fùghù è nduw, ù m fughu tsughu ghe â mùghù ŋ Kə̀zə̀ mò; kam tə aghì tə̀ m baʼso wò am fɔe kə ghee tə təgha an tsuʼ fə̀ efì.

Faic an caibideil

Kə̀fwàʼ 22:16

Ghù sò èzəŋ e kôom lə̌əm zēe ndùw kwò à? Nùghu kɔʼɔ̀ to ghe fughuu tsughu ghû a mùghù ŋ Kə̀zə̀ mò, ghù suw maʼa tsughu bôo tə̀ghà tò, mò ghù gɔ̀ɔŋ ndùw â Mughu ù te.’ ”

Faic an caibideil

Lumà 3:6

Ɛ̂ŋgaŋ dzə̂! Abugho e lo êzə̀, Zə̀ kə̀ làʼa so mbī kuuwn bòʼò saʼa ènzə̂n?

Faic an caibideil

Lumà 4:24

Shwaʼ u te u lo sugho â sɛ̀. Zə̀ kə̀ lô sɛ̀ nîi sùgho aŋ ghì a tsəghatsəgha gho êzə̀ bòʼ sɛ̀ gaʼ fə̀ŋ a zəŋò wə̄n wəla ù fə̀ zôm nughù kɔʼ Mughùbè ù sɛ̀ Yɛso alo evʉ̄.

Faic an caibideil

2 Tɛ̀sàlonìan 1:8

Abugho ù kè səā tsughu wo ghèe ghè tsə̀təndə̄ghā tə Kəzə̀ tə wə̄n to èzə̀ à wə̀n ù bəghaan wo, ù kê dî tə̀ŋgàmà a zəŋò ghì ghəla ghe kwo yo Zə̀ kò àsùghò a zəŋò ghì ghəla ghe bwîi yo aŋghəa Làbəlà è Mughùbè ù sɛ̀ Yɛso děe.

Faic an caibideil

2 Tɛ̀sàlonìan 2:12

Ghəa ghən fə̀ lo enyəa ghe lo fɔeso ghee bòʼ ghe mò ləghaa aleghəəŋ ghəa à biigh gho, kuuwn tuu alebôo ghəa zəla e lo èsəŋò.

Faic an caibideil

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.

Faic an caibideil

1 Pità 3:21

Fʉ̀ghàdzughù tən fɛ dêe mùghù ŋ Kə̀zə̀ məla ghe fughu â ghɛ̀, mìa m bəghaasəa ghɛ, mò à yò dzə̂ tǒ ghùw lò sûuw maʼn tsughu ghue wo a te; a kǔuwn lǒ dzì â ghɛ̀ aleto kətō am fə̀ŋ tə̀ zɔlɔ to â vʉ̀a Zə̀ kò. À ghɛ̀ êzə̄ŋ e bəghaasəa kpuūw kɔʼɔsə e Yɛso Kə̀lestò alo evʉ.

Faic an caibideil

Edêe Fughu 20:15

Ghùw wəla ghe mò kəŋo kêe tsughuu zən e wə̄n zo am mwàʼsò kə emùghù, ghe m màʼà nyə̀ ndùw wən am fɛ̀ɛn kə uwə̀n kə te ko.

Faic an caibideil

Edêe Fughu 21:8

Yia a bugho ghê mgbêbvʉ̄, ghî ghəla ghe taʼkè boō fughu, ghî a dzəa gho, ghəla ghe wiī ghî ghò, àsùghò à nuūŋ gho, ghî a uvùŋ, ghəla ghe kɔʼso zʉ̀ ù li wə̄n, àsùghò ghî ghə agha a dzə̀m, luʼu ke ghee kê lǒ fɛ̀ɛn fɛ̀ɛn kə wə̀n kəla zuʼ kə biigh kə səa wo àsùghò nyoʼ ko ghe tɔŋlo enyəa à lò sulfò, mò à fi lò e kpuūw kuenlò.”

Faic an caibideil

Lean sinn:

Ceanglaichean taic

Sanasan

Sanasan