Mâk 16:15 - To kə Kəzə̀ kə̀ Fughu ko

¹⁵ Ù n daŋso dzɛ̀ tsùghù â ghee enyəa, “Nyə ndǔw nlò am mbī e dzə̀m, ghɛ̀ naʼa nduw tùm è dzûŋ zən â ghì ghò a dzə̀m.

Mâk 16:15 Iomraidhean Croise

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Mâk 13:10

Ghe bûʼ kì dzə alenàʼà tùm è dzùŋ zən â nàʼà tò tə dzə̀m.

Dzɔ̌n 15:16

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Dzɔ̌n 20:21

Yɛso n dzɛ̀ kpèʼe ndùw â ghee enyəa, “Bughuun zə e lo ghɛ̀ à ghee. Ghəa bəghà mò tum wô mugho, à lò sugho eghala Ǹ tuū səaa ndûw ghɛ.”

Kə̀fwàʼ 1:2

bùghò tɛ̀ wò tsuʼ fəla ghe mò nî kɔʼ nduw wə̄n alo kəwālā, mo daʼa kə Zuʼ tə̀ Zɔlɔ kə ŋ wən ghəəŋ tsughu ù m fùghù tsùghù dzə̀ ètsʉ̀ â tum tə wə̄n təla ù fə̀ shîaa kɔʼ.

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Lumà 10:18

Ǹ sô fɛ kuuwn bvʉā wô enyəa, à lò enyəa ghe ka mo tùm è dzùŋ zən zuw ŋkāa? Ŋ̀ kwo enyəa ghe mafə zuw, nu Shwaʼ u Kəzə̀ u dzɛ̂ enyəa, “Ghe n zùghòo ŋgəa tsughu shwaʼ u te wo am mbī e dzə̀m. Bâ kə mbī kə̀ li ko yo mo ghe kaām shwaʼ u te wo a fughu zuw.”

Lumà 16:26

Yia a bughò êzəŋ, tò aŋghəa ghiīshʉ̀ghà a fə̀ a dzɛ̂ zîi naŋa, asùghò aŋghəa Zə kəla kə doʼò tən dzɛ̀ tsughu enyəa, shwaʼ wən lo â Naʼà tə mbī to tə dzə̀m, enyəa abugho ghe zuw shwaʼ u te wo, ghe e lo aleboō fughu â Kə̀lestò, ghe e zuuw nduw â wə̄n.

Efɛsùs 2:17

Zən lò e ghee Kə̀lestò mò bùghò kə̂a wô shwaʼ u dzûŋ wo alenìi wo è bughunlo â ghì ghə̀n à dzə̀m — â ghɛ̀ a Toʼò zò, ghɛ̀ ghəla ghɛ̀ mò tso kaām kwo yo Zə̀ kò, àsùghò Dzûu tò, ghe ghəla ghe tsoo kwo wə̄n.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Kòloshìan 1:6

Zən lǒ làbəlà zəla è fə̀ bùgho â ghɛ tò aŋghəa ghe bwîi naʼn ŋgəa kaāŋ nduw sugho a te am mbī e dzə̀m; làbəlà è te zə̀a è noōm dûuw nduw, dzəa ndùuŋ ndùw ùghue am bvʉa zɛʼɛ̄, alekaʼa nughù wô an tsuʼ fəla ghɛ̀ mò bugho zuwkɛlɛ̄ tsughu fəgha kəla Dzɔ̂ e Kəzə̀ e biso moʼo ghè kò.

1 Dzɔ̌n 4:14

Sɛ̀ ŋ kòʼ, yia a teso dzàa sùghò enyəa, Tsele n tùm wǒ Wɛ ù wə̄n ù nùu enyəa ù bùghò bəghāasə̄ mbī.

Edêe Fughu 14:6

Mùghò n daŋso nùghù kòʼ kpèʼe ndùw tsə̀ndə̄ghā è lì è zəghāa kaŋlo edzuŋ, mò ù kǐ làbəlà e dzùŋ zəla è dòʼò tən alenàʼà â ghì ghən a dzə̀m ghe mughu aŋ ghueekətsə̄, â nàʼà mə̀n n dzə̀m, â ndùm tə̀n tə̀ dzə̀m, â tùu tə̀n tə̀ dzə̀m, àsùghò â ghì a sàʼà tə tənàʼà tən tə dzə̀m.