Mâk 16:1 - To kə Kəzə̀ kə̀ Fughu ko

¹ Ghəa tsuʼ fə kəzə̄ fə tsəghà kɔʼ, Mèle Màgdàlɛ̂n, Mèle, zə̂ Dzɛ̂ms, ghèe ghêe Sàlomɛ̀ n zueen kɔʼ vʉ n lə̌əm mò enyəa ghe ndûw tsoʼso gwən e Yɛso a te.

Mâk 16:1 Iomraidhean Croise

Mâk 14:3

À n lo mo Yɛso zə̌a an ndughu alô Sǎemòn, ghùw ù tə̀tsùghò ù lì an nàʼà fə Bɛtānì. Wìzən ù lì n nyə̀ wò fughu â tòo fə àlàbastà fò à kɔ kə mvʉ̄ kə̀ ləə̄m kə̀ li ko a te ghe ghəŋlo am fə̀ghà kə̀ li ghe tɔŋlo enyəa à lò nâad: Ù ŋ wi tsughu tôo fə te fo, kwə̀lè tsùghù vʉ n lə̀mlo n te mò an tuw kə Yɛso.

Mâk 14:8

Ù ŋ ghəəŋ ghəa zəla ù mò ki aleghəŋlo am vʉ məla ù kwə̀lè zîi wo a zəŋò mùghò aletsoʼō naŋā tsughu mugho a te, â mùghò alenyəa ndûw alo eshìa.

Mâk 15:40

Yîzən à li ghə n lo a fughu, ti alo kədɛ̀, lɛ̂ɛn wò ghəa yì. Yîzən a te a mò lo, Mèle Màgdàlɛ̂n, Mèle (zə̂ Dzɛ̂ms, wɛ̂ɛtùghu ù Dzosɛ̀s), àsùghò Sàlomɛ̀.

Mâk 15:42

A m bùghò an nə̀gha è gûŋsò zò, ghəa à fə̀ lô tsuʼ fə̀ ndzuūŋ naaŋ fə ufʉgha fo, tɔ̂ɔŋ tsuʼ fəla Tsuʼntsə̄ u ghee u bvʉ̂a bwiī a te,

Mâk 15:47

Mèle Màgdàlɛ̂n, àsùghò Mèle ù lì wən tɔɔ zə̂ Dzosɛ̀s, ŋ kòʼ nàŋa tsughu luʼū kəla ghe tsəlā Yɛso a te.

Mâk 16:2

A m bùghò Tsuʼntsə̄ wə ŋ̀kalà tɔ̂ɔŋ tsuʼ fə sûesʉ fo alo ewə̄n, ghe ŋ kì nùghù tsùghù â sə̀ghà kə tsə̂ kò, nùghù ndùw fughu alo eshìa.

Mâk 16:8

Ghe n nùghù sə̀ è wo, tì nùghù fughu wò alo eshìa; nu ghue e mò ŋgee tsəəŋ ghee, tuw kə m kpuuw sùghò ghee, ghe yo alekə̀a èghəa aŋ ghùe e ghee ghe màʼa fə̀ ŋgeē tsəŋō.

Lûk 23:54

À fə̀ lo tsuʼ fəla ghe biaān naŋā zeē fʉgha wo alenùghù zəā zeē wô Tsuʼntsə̄ u ghee lo a te, ghe ŋ ki alekùʼù kaʼ alezə Tsuʼntsə̄ u Tə̀dzûu

Lûk 23:56

Ghe n daŋso kwə̀n nyə̀ ndùw èbàm, kwən biaan naŋa tsughu fə̀ghà n lə̌əm mò, àsùghò vʉ n lə̌əm mò. Ghe n nùghù zʉ̀ʉn zěe wò èghue Tsuʼntsə̄ u Tə̀dzûu, aŋghəa lâŋ kə̀ deē.

Lûk 24:1

Ghəa ghe zʉ̂ʉn zee tsughu ghue zo tsuʼ è fì, a ŋ kuuwn bùghò an tsuʼ u sûesʉ wo alo ewə̄n, ghe n chì kɔ̀ʼ utsuʼ, nùghù ndùw fughu alo eshìa, à fə̀ghà n lə̌əm mì.

Dzɔ̌n 19:25

Kən lò fəgha kə̀là sùghugòʼ tə fə̀ fwaʼ ghè kò.” A m bùghò ghe bɛ naŋā Yɛso êzə̀, ghî ghəla ghe fə̀ ti a vʉ̀a dǎaŋ kə Yɛso kò fə̀ lo ghê zə̀, asùghò wàazə̀ zə̀ ù zən, àsùghò Mèle, tɔɔŋ wi ù Kəlopàs, àsùghò Mèle Màʼdalɛ̂n.

Dzɔ̌n 19:31

Aŋghəa tsuʼ fəla ghe fə̀ bɛ Yɛso a te alo kədàŋlo màʼa fə̀ lo tsuʼ fəla zə kə̀ Zəŋso Naaŋ bvʉ̂a bwiī a te, aleghəə̄ŋ tsughu enyəa gwə̄n e li e lô doʼn doʼnlo alo kədàŋlo, (nu tsuʼ u kəzə u mò lo tsuʼ ù nê wo), ghì à ne a Tə̀dzûu tə̀ n dzɛ à Paelɛ̀t enyəa, “Dzɔ̀ lo enyəa to a mô bvuʼn maʼà fwe e ghee, a nîi nughù tsughu wô gwən a ghee.”