Mâk 15:40 - To kə Kəzə̀ kə̀ Fughu ko

⁴⁰ Yîzən à li ghə n lo a fughu, ti alo kədɛ̀, lɛ̂ɛn wò ghəa yì. Yîzən a te a mò lo, Mèle Màgdàlɛ̂n, Mèle (zə̂ Dzɛ̂ms, wɛ̂ɛtùghu ù Dzosɛ̀s), àsùghò Sàlomɛ̀.

Mâk 15:40 Iomraidhean Croise

Matìo 10:3

Àsughò Felêp, à Bàtòlòmîa; Tɔ̀mâs, à Matìo tɔɔŋ dzə̀akə̀mwàsòʼ, àsùghò Dzɛ̂ms, wɛ̀ ù Afìus, à Tàtîa;

Matìo 13:55

Wən mgbàŋ yǒ wɛ ù kaməndà wən à? Zə̂ mgbàŋ yǒ Mèle a? Ghê Dzɛ̂ms, ghê Dzùghùsî, ghê Sǎemòn, ghèe ghê Dzudàs, à mbàŋ yò waazə̂ a wə̄n à nûu gho a?

Matìo 27:61

Mèle Màgdàlɛ̂n n lo a fughu ghèe Mèle ù lì wən, ghe ndòʼò tsughu fughu, lɛɛn nyā ndùw shìa e te zo.

Matìo 28:1

1 Ghəa Tsuʼntsə̄ u Dzùdîa ù tsəghà tsughu, mò à sò zǔuw wò tsuʼ u sûesʉ wo alo ewə̄n, Mèle Màgdàlɛ̂n n nùghù tsùghu ghèe Mèle ù lì wən alendùw kôʼ shìa e Yɛso e te zo.

Mâk 15:47

Mèle Màgdàlɛ̂n, àsùghò Mèle ù lì wən tɔɔ zə̂ Dzosɛ̀s, ŋ kòʼ nàŋa tsughu luʼū kəla ghe tsəlā Yɛso a te.

Mâk 16:1

Ghəa tsuʼ fə kəzə̄ fə tsəghà kɔʼ, Mèle Màgdàlɛ̂n, Mèle, zə̂ Dzɛ̂ms, ghèe ghêe Sàlomɛ̀ n zueen kɔʼ vʉ n lə̌əm mò enyəa ghe ndûw tsoʼso gwən e Yɛso a te.

Mâk 16:9

Êzə̄ŋ, ghəa Yɛso gbən kɔʼsə̄ alo evʉ̄ an tsuʼ fə sûesʉ fo alo ewə̄n, ghùw sûesʉ wəla ù fə gbə̂n sə kɔʼ a vʉ̀a wə̄n fə̀ lo Mèle Màʼdàlɛ̂n, tɔɔŋ wìzən wəla Yɛso fə̀ dzûm sə zʉ̀ ù biigh wo sə̀ghàmbəgha a zəŋò ughùe.

Lûk 19:3

Ù ŋ kəŋo kèe dzì alekòʼ ŋgòʼ è ghùw wəla Yɛso lǒ ghè wò, ù màʼa fə̀ lo aŋ kə̀mà fə ughùe, ghî a màʼa fə̀ ŋge tsūŋ sugho.

Lûk 23:49

À n lo mo ghî ghəla ghe fə̀ kwo wə̄n fughu a dzə̀m nyàa tì ko alo kədɛ̀, lɛ̂ɛn ghəa yì ghèe ghê yìzən ghəla ghe mò nughù sə wo ghèe ghee aŋ Galèlîi.

1 Kòlentìan 9:5

À lǒ mò Ŋ̀ ki yo daʼa ko alenìi kɔʼ wìzən mò ù bǒo fughu â Zə̀ ko aŋ wi a, ghàʼ à ghee e ŋgea nduw a dzə̀m à, tò aŋghəa tum tə Kə̀lestò tə̀ li tən àsùghò waazə̂ a Mughu ù te gho ghèe ghê Sɛfàs fə̀ ghəŋlo à?

Gàlashìan 1:19

Ŋ̀ ka fə kôom sə kpeen dzə̀ ghàʼ à tùm è Yɛso è lòʼ à gɔ̀ʼɔ̀ ko Dzɛ̂ms, wàazə̀ Mughùbè ù sɛ̀.

Dzɛ̂ms 1:1

À lò mugho Dzɛ̂ms, Ǹ tɔɔ̄ wo mwàʼsò kən ko, M̀ fwaʼà a tsəlà Zə̀ kò ghèe Mughu ù te, Yɛso Kə̀lestò. M̀ mwàʼsò kən kə tɔɔ wò â ghɛ̀ ghî a Kəzə̀ ghò tɔ̂ɔŋ ghì ghə Ezə̀lɛ̂ ghə̀là ghɛ̀ sɛ̂ɛ mughùu kaāŋ nduw aŋ kàlà tə mbī e dzə̀m. Yia M̀ fughuu wô ghɛ â tɔɔŋ zo.