Mâk 15:32 - To kə Kəzə̀ kə̀ Fughu ko

³² Na tò Bəghambī ù te, Də̀ŋ kə Ezə̀lɛ̂ səā tsughuu wô alo kədàŋlo to a koʼò tsughu, a daŋso boō fughu ndûw â wə̄n.” Ghî ghəla ghe mò təghàa naŋā dzəə̄ŋ kɔʼ ghèe ghê Yɛso n sûuwn ndùw sùghò wə̄n.

Mâk 15:32 Iomraidhean Croise

Matìo 1:17

À fi lo enyəa alenìi nughù wô an tì kə Abə̀làhâm, bùghò kɔ̀ʼ tɛ̀ wò an tì kə Dɛvìd, à fə̀ lo kwôo tə aghì eghə̄m à ghè tò tə chìakò. Alenìi nughù wô an tì kə Dɛvìd wəla ù fə̀ lo Də̀ŋ kò, bùghò tɛ̀ wò an tì kə̀là ghe fə̀ dzûm nduw ghee am Babilɔ̀n, à lò sugho kwôo tə aghì eghə̄m à ghè tò tə chìakò. Alekòom nîi tsughu an tì kə dzuū kə ghee kən, bùghò tɛ̀ wò an tì kə Kə̀lestò, à lò alekpee sughò təkwôo èghəm à ghè tò tə chìakò.

Matìo 27:42

“U mò bəghaasəa kaaŋ ko ghî à li gho, kuuwn yò alebəghaasə ghue u wə̄n. Ù lǒ Də̀ŋ kə Ezə̀lɛ̂, na tò ù səā tsughuu wô êzəŋ fî alo kədàŋlo to a kôʼ, a daŋso sô boō fughuu ndûw â wə̄n.

Matìo 27:44

Ghî à tsɔŋɔ yia ghe mò təghàa naŋā dzəə̄ŋ kɔʼ ghèe ghê Yɛso m bɔɔm fughuu sùghò wən â dzughu zo an Dziī è mɔ̀ʼɔ.

Mâk 15:26

Ghe n tɔm naŋa kɔʼ ghəa zəla ù bonlō fughu alo kədàŋlo an tuw kə wə̄n enyəa, “Də̀ŋ kə Tə̀dzûu kə te ko.”

Mâk 15:27

Ghe mo e təghàan wə̄n, tə̀ghàa dzə̌əŋ kɔʼ ghèe ghêe ghìitsɔŋɔ à li gho a bə̀ghà, u mɔ̀ʼ aŋ kwe u wə̄n ù təma wo, u mɔ̀ʼ alo ù kwû wò.

Dzɔ̌n 1:49

Natanìɛl fi dzɛ̂ ndùw nù â wə̄n enyəa, “Wàdè ghù lǒ Wɛ ù Kə̀zə̀. Ghù lǒ Də̀ŋ kə Ezə̀lɛ̂.”

Dzɔ̌n 12:13

Ghe n chwɛɛn kɔʼ uchʉghā, nùghù ndùw alendùw kpeē nî Yɛso; dzàa tsùghu enyəa “Hòsanà! Kɔʼso n lo â ghùw wəla ù bùghòo an zən e Mughu ù te, Kɔʼso n lo â Də̀ŋ kə Ezə̀lɛ̂ kò.”

Lumà 3:3

À fə̀ sə kə kwò aŋghəa ghee à li a tɔ̂ʼ tì yo am boo e ghee a? Aŋghəa ghee à li a fə̀ taʼkè ghə̂əŋ ghəa ghəla ghe fə̀ boō naŋa aleghəŋlo, e fə lo nû enyəa Zə̀ kə̀ yo sugho aleghəə̄ŋ ghəa ghəla kə fə̀ to naŋa a?

2 Timotì 2:18

Ghən lò aghî mo ghe n tì zə̀ghà səŋò zò, dzàa wò enyəa ghî a mafə kpuuw kɔʼsə alo evʉ̄. Làʼsò kə shwaʼ kə ghee kə te kə fwəlà màʼn ghî à li ghəla ghe boō fughu sugho â Kə̀lestò.