Mâk 14:72 - To kə Kəzə̀ kə̀ Fughu ko

⁷² Nùumbvʉ n nùghù tɔŋ kpeʼe è kɔʼ aleghəə̄ŋ tsughu tənəghā tə bə̀ghà. Pità fi daŋso nùghù tɛ̀mòʼn tsùghù nû ghəa ghəla Yɛso mò dzɛ â wə̄n enyəa, “Tò nùumbvʉ e tɔŋ tənəghā tə bə̀ghà, à sò lǒ mò ghǔ m mùghò tue màʼà tənəghā tə təgha.” Ghəa ù tɛ̀môʼn tsughu ghəa ghən gho, ù m gbə̄n tsughu edî, mbùŋlò è di.

Mâk 14:72 Iomraidhean Croise

Matìo 26:34

Yɛso n dzɛ̀ â Pità enyəa, “Kùmkùm, Ǹ so Ǹ dzâa wô â ghù enyəa nɛ â tsuʼ wo, â mbvʉ aletɔ̄ŋ à sò lǒ mò ghǔ m mùghò tue màʼà tənəghā tə təgha.”

Mâk 14:30

Yɛso n dzɛ̀ â wə̄n enyəa, “Na Ǹ tɔʼɔ̀ dzâa wô â ghǔ a Pità, â nùumbvʉ alekɔʼɔ̄ tɔ̄ŋ tənəghā tə bə̀ghà nɛ â tsuʼ wo, à sò lǒ mò ghǔ m mùghò tue màʼà tənəghā tə tə̄ghā.”

Mâk 14:68

Pità mo è məghanlo, dzɛ̀ â kɔ̀ɔ fi fo enyəa, “Ŋ̀ kwo yo, M̀ buʼù tsǒo zuuwkɛ̄lɛ̄ sùghò yò fəgha chìa ghù kə̌a ghè kò.” Ù ŋ daŋso nùghù tsə̀ghà sə̀ ndùw a fǔumbɛ̀. Nùumbvʉ n daŋso nùghù tɔ̀ŋ è kɔʼ.

Mâk 14:71

Pità mo è tue, kàʼ aletsɔ̀ɔm ghue u wə̄n, kɛ̀nlò àghəa an tuw kə wə̄n, dzàa tsùghùu enyəa, “M̀ bûʼ kwò yo ghùw vʉ̀a ghɛ̀ dzaā fì.”

Lûk 22:60

Pità ŋ kuuwn bɛ̀lɛ̀ tsùghu ko enyəa, “Tuw kə baa yo mugho aŋ ghəa yìa ghù kə̌aa fi a tûwbʉ̀ghà.” Nùumbvʉ n daŋso tɔŋɔ kɔʼɔ mo Pità nyǒʼn kə̀aa sə̌a wò ghəa yì.

Lûk 22:62

Pità n daŋso zə̀ghàa tsùghù kəbe, sə̀ dì tsòʼn tsughu enyə a beē, nʉghànʉ̀ghà.

2 Kòlentìan 7:10

Tɔŋlo enyəa ŋgòʼ è muŋe zəla ghùw muŋē mò à lò zəla Zə̀ kə̀ ləghaa ghəŋlo enyəa ghî a tiī kuūwn kɔʼ fə̂ŋ te ghee, to ghe e lo alezə kətuw, mò ghùw yò dzə̂ aledì ughue a te. Muŋe zəla à tsò lô ko e ghûw wə̀ nsɔ̌ɔŋnchùw zò bughòo â vʉ zo.