Mâk 14:65 - To kə Kəzə̀ kə̀ Fughu ko

⁶⁵ Ghî à li gho fughu ŋ kàʼ ndùw aletsə̄nlō ntəgha a zəŋò Yɛso, bɔ̀lɔ̀ nǎaŋ tsughuu sə a wə̄n, ghe n zàʼ tsùghu sʉ u wə̄n alo kətsʉ̌a, dzàa ndùw wə̄n enyəa, “Dzǎa wô ghùw wəla ù zàʼ ghû, ghù sò nyɔ̂ʼ lo a ghùwshʉ̀ghà.” Sùghugòʼ tə̀ n nì sə̀ghàan kǎaŋ sùghò wə̄n alo ushwɛɛ.

Mâk 14:65 Iomraidhean Croise

Matìo 27:30

Ghe n tsənlo ntə̀ghà an sʉ u wə̄n, nìi kɔ̀ʼɔ̂ mbàŋ fì, vʉʉn wə̄n a te alo kətūw.

Mâk 10:34

ghe lo e təma wə̄n â nduw, ghe tsəən tə̀ghà mò a zəŋò wə̄n, ghe te wə̄n alo təkwùu, ghe buū wiī tsughu wə̄n; ù kè daŋso kôom nughù kɔʼɔ̄səā wò alo evʉ̄ bugho tsuʼ n tsəghà tsughu n tə̄ghā.”

Mâk 15:19

Ghe n nughùun və̌ən tsughûu tuw kə wə̄n alo ekwùu, tsənlo ntə̀ghà a zəŋò wə̄n, nùghùun nyǎʼn tsughuu a ghuu a vʉ̀a wə̄n enyəa ghe təma wə̄n â kəma mò.

Dzɔ̌n 18:22

A m bùghò Yɛso bɛ̀lɛ̀ nduw wə̄n enyə, gbè è lôʼ fughu n sə̀ghàa bu wə̄n alo kəsɛ̄ɛ, bvʉ â wə̄n enyəa, “À lǒ kwò ghù bɛ̀lɛ̀ Fɔ̀e è ne an ŋgòʼ è dzì zəla à?”

Dzɔ̌n 19:3

ghe m bùghò těe wò a vʉ̀a wə̄n, sùuwn nduw wə̄n, dzàa tsùghù enyəa, “Mbɛ̀ɛ, fə̀kâʼ à tuw wo a te, də̀ŋ kə Tə̀dzûu.” Ghe n səghàan bǔu wə̄n an uswɛ̄ɛ.

Kə̀fwàʼ 23:2

Tuw kə Fɔ̀e, Ànànîas, n daŋso dzɛ̀ tsùghù enyəa ghî ghəla ghe kuʼù ti ghèe ghee tsɔ̂ɔ nyəā ndûw wən alo edzughu.

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.