Mâk 14:62 - To kə Kəzə̀ kə̀ Fughu ko

⁶² Yɛso n daŋso nùghù dzɛ̀ sə̀ wò enyəa, “À lò mugho; ghɛ̀ lo nāam kòʼò Wɛ̀ ù Ghùw ù te ù dòʼ aŋ kwē ù təma u ghùw wəla ù ki Dwaʼa wo, mò vʉ̀a ù bùghǒo am mbàʼ.”

Mâk 14:62 Iomraidhean Croise

Matìo 24:30

Tsə̌a è Wɛ̀ ù ghùw kè daŋso dêe səā wô alo kəwālā, ghî à kê daŋso dîin kaaŋ wô an nàʼà mə̀n n dzə̀m n dzə̀m abugho ghe kê koʼ aŋghəa Wɛ̀ ù ghùw bùghoo a te am mbàʼ è kəwala an dwaʼa u wə̄n àsùghò an nsəghanyəgha ŋ Kə̀zə̀ n ne mò.

Matìo 26:64

Yɛso m bɛ̀lɛ̀ ndùw wən enyəa, “Ghù dzɛ̀ sə̀ wò êzə̀. Ǹ so Ŋ̀ kuūwn dzâa wô ghɛ̀ enyəa, alenìi nughù tsughu êzə̄ŋ nùghù ndùw â sə ko, ghɛ̀ kê kòʼò wò Wɛ̀ ù Ghùw ù te ù dòʼ aŋ kwè ù təma u Zə̀ kə̀ ghaʼa ko, mò vʉ̀a ù bùghoo am mbà è kəwala.”

Matìo 27:11

Ezə̄ŋ, Yɛso n ti a vʉ̀a gɔvə̀nò ù Lumà; Paelɛ̀t m bvʉ â wə̄n enyəa, “À lò ghu Də̀ŋ kə Tə̀dzûu kò à?” Yɛso n dzɛ̀ enyəa, “Ghǔ n dzɛ̀.”

Mâk 13:26

Ghe lo daŋso kôʼò ko mò Wɛ̀ ù Ghùw sò bùghòo am mbàʼ, à kɔ kə kədaʼa ko, alo nsə̄ghānyə̄ghā.

Mâk 15:2

Paelɛ̀t m bvʉ â wə̄n enyəa, “À lò ghu Də̀ŋ kə tə Dzûu kò à?” Yɛso m bɛ̀lɛ̀ tsùghù enyəa, “Ghù dzɛ̀ èzə̀.”

Mâk 16:19

A m bùghò Mughùbè Yɛso kə̀a tsughu ghəa ghən gho enyə â ghee, à fi daŋso lò ghəa a wə̄n à kɔʼɔ gho alo kiwālā, ù ŋ kɔ̀ʼ dòʼò tsùghù aŋ kwe ù Kəzə̀ u təma wo.

Lûk 22:69

Alekuūwn nîi nughù tsughu êzə̄ŋ, ghe sô Wɛ ù Ghùw doʼsò nǎaŋ tsughuu aŋ kwe ù təma u Zə̀ Kə̀ Ghaʼa Kən Kə̀ Dzə̀m.”

Lûk 23:3

Paelɛ̀t fi bvʉ nù â Yɛso enyəa, “À lò ghû də̀ŋ kə Tə̀dzûu kò à?” Yɛso m bɛ̀lɛ̀ ndùw wə̄n enyəa, “À dzɛ̀ ghù.”

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.

Hibùlù 8:1

Tiso kə eghəa aŋ ghəa ghəla a kə̂aa fɛ lò enyəa, a ki tuw kə fɔ̀e tò kəla a kə̂a ghəa a wə̄n gho fɛ, mò kə dòʼ aŋ kwe ù təma wo an ndàŋ è Kwifɔ̀e alo kəwala.

Hibùlù 8:10

Tsə̂ntə̀mbî dzɛ̀ enyəa, ‘Mən lǒ kàa məla Ǹ lo zəā kɔʼɔ ghàʼ à ghê kèndughu kə Ezə̀lɛ̂ kò abugho tsuʼu n te lo tsəghà tsughu. Ǹ lo dzə̀là nǎaŋ ndùw lwàŋ waŋa an tuw kə ghee, Ǹ tɔɔ̄ naŋa ndûw sugho am fə̀ŋ tə ghee, Ǹ lo doʼò tsughu Zə̀ kə ghee, ghe doʼò tsughu ghî ghaŋa.’

2 Pità 1:16

Ghàʼ fɛ â ghɛ̀ dzâa wò yǒ zə̂azə̂a mə̀là ghî a fə̀ tɔɔm naŋa tsughu aŋ ŋgəŋ è ghee, aŋghəa ghǎʼ mò dzɛ̂ wô â ghɛ̀ enyəa ghɛ̀ kele tsughu dwaʼa u Mughùbè ù sɛ̀ wò, tɔɔŋ Yɛso Kə̀lestò àsùghò bùghò e wə̄n è ne zəla u lo bughoo ghè zò, à fə̀ kuuwn lo ghəa à ne ghəla ghàʼ ghue e ghùe zaʼā e fə̀ koʼ.

Edêe Fughu 1:7

Kòʼo, ù bùghòo nù am mbàʼ, ghî ghə̀n à dzə̀m kə̂ koʼō nduw wə̄n, àsùghò ghì ghəla ghi mò buʼù tsuʼn sugho wə̄ alo fən wə̄n; ndùm tə̀n tə̀ dzə̀m fɛ am mbī kê dînlò bòʼ ghəa e wə̄n. Zə̀ e ke lo ko êzə̀.

Edêe Fughu 20:11

Mùgho n daŋso kòʼ ndùw faŋkwu kə fə̀màfə̀m kə ndàŋ è kə̀də̀ŋ è lì àsùghò ghùw wəla ù dòʼ a te. Kəwala àsùghò ghueekətsə̄ kə n nùghù saŋ tsughu fughu an sə kə wə̄n, ghe ŋ kôom yò alekòʼ kəwālā àsùghò ghueekətsə̄ kə te ko.