Mâk 14:6 - To kə Kəzə̀ kə̀ Fughu ko

⁶ Yɛso m fəŋso dzɛ̀ a ghee enyəa, “Zə̀gha nlǒ wə̄n, ghɛ̌ wə̄n fəmso aŋ kwò à? Ù ghə̌əŋ ghə̀a è dzûŋ zò â mùghò.

Mâk 14:6 Iomraidhean Croise

Matìo 26:10

Yɛso ŋ kelê ghəa yì, dzɛ̀ â ghee enyəa, “Ghɛ̀ nughò wə̄n fəmso aŋ kwò? À lò ghəa è dzûŋ zò ù fwàʼ tsughu zəŋò mùghǒ.

Mâk 14:5

Ghe mô bə̀n lò nû alefèe an ndə̀mà tə ukʉ̄a, a fughu kua u te wo â ghì à laa gho.” Ghe ŋge saʼ wə̄n an ghəa a te gho.

Mâk 14:7

Ghɛ̀ lo tsò lò tsəgha ko ghɛ̀ à ghê ghì à laa gho nəgha tə dzə̀m, ghɛ̀ ke e lo aleghə̂əŋ ghə̀a è dzûŋ zò a zəŋò ghee nəgha zəla ghɛ̀ tsəm. Yia a bughò mugho, sɛ̀ lo dzeŋe yò tsəghà dzə̂ a dzə̀m.

Kə̀fwàʼ 9:36

Tsə̀ndə̄ghā è lǐ n lo an Dzopà ghe mò tɔŋlo enyəa à lǒ Tàbità, mo e moʼò an shwaʼ u Gə̀lês enyəa Dolkàs (tsəfəŋgwū). Nughò vʉ n lo mò ù ŋge gaʼ fə̀ŋ aleghəəŋ ko ghəa à dzûŋ ghò, ù ŋ ki sugho ù m bughuu sùghò â ghu ko.

2 Kòlentìan 10:18

Tɔŋlo enyəa Mughu ù te nîi yo ghùw wəla ù kɛɛ̄ tsughuu ghuè u wə̄n wo wə̄n à nəŋ ko tò kəfəgha, à lǎam lǒ ghùw wəla Mughu ù kôʼ tsughu enyəa ù kpè nû.

2 Kòlentìan 9:8

Zə̀ kə̀ lo nû alefughu ghɛ â bughuun zo naʼèdzə̀m, enyəa ghɛ̀ lo è ki tsəgha fʉgha wə̀n ù dzə̀m ghɛ̀ ləghaa bùʼ tsə̀ghàtàʼà wəla ghɛ̀ ki alekele, tò ghɛ̀ e ke lo aledeē nduw dzɔ̂ zò â ghì a li gho am fʉgha u te wo.

Efɛsùs 2:10

Sɛ̀ lo ghu a kəfwàʼ a Kə̀zə̀ ù mò bɔm tsughuu aŋghəa sɛ̀ doʼò tsughu kəfəgha kə mɔ̀ʼ sɛ̀ à ghê Kə̀lestò Yɛso, alefwaʼā fwàʼ kə̀dzûŋ kò ù fə̀ biaan naŋā, enyəa sɛ̀ è bwiī a te.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

2 Tɛ̀sàlonìan 2:17

Mô dzə̂n fə̀ŋ tɛʼɛ, tə e tughu aŋ ghəa à dzûŋ ghə̀là ghɛ̀ ghəŋlo àsùghò aŋ ghəa ghɛʼɛ à kəa gho.

1 Timotì 5:10

Mo ghe ŋge kwo sugho wə̄n am fwàʼ kə wə̄n kə̀ dzûŋ kò, tò alenìi səā kɔʼɔ̄ wô wɛ a wə̄n, àsùghò aledè mwam ù dzûŋ wò â ghì ghəla ghe bwîin nyə wo alô wə̄n. Mò ù fwàʼà sùghò fwàʼ kə̀ dzûŋ kò a zəŋò ghì a Kəzə̀ ghò; fughuu sùghò èyòsò â ghì ghəla ghe lo an utsù.

1 Timotì 6:18

Dzàa tsughu â ghee enyəa ghe e deē dzɔ̂ zò, ŋgee fwàʼà ndùw ghəa à dzûŋ gho â ghì ghò. Ghe e mwaʼā aleyòsò àghì, ki zǐi alefughuu fʉgha wo â ghì ghò.

2 Timotì 2:21

Abugho ghùw nì nùghù sə kɔʼ ghu kə wə̄n ko aŋ ghə̀a biigh gho, ù n dòʼò tsùghù fəgha kə kùu ù èghəa, tɔŋlo enyəa ù zɔ̀lɔ nù, ù n tumso Mughùbè ù wə̄n, ù n lò sugho tsəghatsəgha alefwàʼ fwàʼ kə Kəzə̀ kə̀ dzûŋ kò.

2 Timotì 3:17

Zən lǒ dzì è Kə̀zə̀ aletughuso ghùw ù kə̀fwàʼ ù wə̄n alo aghəa a dzə̀m, aŋghəa ù lǒ tò ù è fwaʼā fwàʼ ù dzûŋ wə̀n ù dzə̀m.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Taetùs 2:7

Ghuūghùe wʉ̂a Taetùs, ghù kì aledeē nduw tsə̌a aŋ ghəa à dzûŋ ghə̀là ghù ghəŋlo. E ti ko alo èsəŋò am fəgha kəla ghù děe ghè kò, e kwo ghù lò se nɔʼn ghəəŋ nù.

Taetùs 3:14

Ghəəŋ tsùghù sùghò enyəa ghî a sɛ̀ à zoʼn nduw aleghəəŋ tsəgha ghəa ghə̀là à lǒ à dzûŋ ghò, to ghe e lo aleyòsò ghì ghəla ghe ki yo, e kwo ghî a sɛ̀ ghəla ghe boō tsughu lò so e mūghùun tsɔ̀ kə emùghùu.

Taetùs 3:8

Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.

Hibùlù 10:24

To a mô kele tsughuu ko aletoon nduw ghue è ləghaa nduw zo àsùghò alefwaʼa nduw fwàʼ kə̀ dzûŋ kò.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

1 Pità 2:12

E deē nlò mwam è dzûŋ zò am bvʉ̀a e ghì ghəla ghe kaām kwo yo Zè kò, to zə e lo enyəa mo ghe kwuu ko ùgəŋ a zəŋò ghɛ̀, ghe ŋ koʼò wo fwâʼ kɛʼɛ kə̀ dzûŋ kò, fughuu ùkɛɛ â Zə̀ kò an tsuʼ wəla kə kê kôom bughoo a te ebàm.